IKIMANYILO 06
Ngimba Ubumi Bwalyandile Bulebule?
“Kyala yo nyibuko ya bumi.” (Salimo 36:9) Ngimba mukusubila isi? Abandu bamo bikuyoba ukuti ubumi bukapeliwe. Linga momuno siyilile ko kuti tuli nu bumi mwangozi. Loli linga Yehova yo uyu apelile ifya bumi, ko kuti afipelile nubwighane. a Inong’onela inkhani ya mu Baibolo iya muno ubumi bwalyandile kangi inongwa iyi tukulondiwa ukusubila isi.
1. Ngimba ikipeliwa kyaliko bulebule?
Ibaibolo likuti: “Pabwandilo Kyala apelile kumwanya ni kisu kya pasi.” (Ubwandilo 1:1) Abasayansi bingi bikwitikisya ukuti ikipeliwa kili nu bwandilo. Ngimba Kyala akipelile bulebule? Umwene abombile mbepo mwikemo agha gho “maka ghake” ukupela ikindu kilikyosa, ukongelelapo indondwa na mapulaneti.—Ubwandilo 1:2.
2. Nongwa yafiki Kyala apelile ikisu?
Yehova “akakipelile ukuti kiyeghe fisame itolo kisita bandu, loli ukuti buyeghe buyo bwakutughalamo abandu.” (Yesaya 45:18) Apelile ikisu ukuya malo manunu aghakwikalamo abandu kwa bwila na bwila. (Belenga Yesaya 40:28; 42:5.) Abasayansi bikuyoba ukuti ikisu kya padela fiyo kangi kikindene na mapulaneti aghangi. Yo pulaneti yene iyi yili ni findu fyosa ifi fikulondiwa ukuti umundu aye nu bumi
3. Ngimba findu fiki fikupangisya ukuti Abandu bakindaneghe ni finyamana?
Bo apelile ikisu, Yehova apelile ifya bumi. Ikyakwanda apelile imipiki ni finyamana. Ukufuma apo, “Kyala alinkumpela umundu nkifwani kyake.” (Belenga Ubwandilo 1:27.) Ngimba findu fiki fikubapangisya abandu ukuya ba padela? Panongwa yakuti tupeliwe nkifwani kya Kyala, kangi tukunangisya utuyilo utu umwene alinato bo ulughano nu bugholofu. Kangi umwene atupelile ukuti tuyeghe nuluso ulwakumanyila injobelo, ukundaghisya ifindu ifinunu nu kuhoboka ninyimbo. Mwakukindana ni finyamana, uswe tupeliwe ukuti tumwiputeghe Umpeli witu.
MANYILA NYINGI
Keta ubuketi ubu bukunangisya ukuti ubumi bwapeliwe kangi ukuti inkhani sya mu Baibolo sya bwanaloli. Manyila muno utuyilo twa bandu tukutumanyikisya isya Kyala.
4. Ubumi bwapeliwe
Abandu bikupaliwa panongwa yakupanga ifindu ifi bikweghelela ku kipeliwa. Ngimba yo nani uyu ikulondiwa ukupaliwa fiyo? Ketelela IVIDIYO, ukufuma apo muyobesanie ilalusyo ili.
-
Ngimba abandu bikweghelela ifiki ukufuma ku kipeliwa?
Inyumba yosa yikuya na uyu ayiyengile. Polelo ngimba yo nani uyu afiyengile fyosa? Belenga Bahiburi 3:4, ukufuma apo muyobesanie amalalusyo agha:
-
Ngimba kipeliwa kiliku iki kikubahobosya umwe?
-
Ngimba sya kupilikiwa ukuti ikisu na fyosa ifi filimo fyapeliwe? Nongwa yafiki mukuyoba bo ulu?
Ngimba musimenye?
Mubaghile ukusyagha inkhani isi na mavidiyo gha nkimanyilo iki pa jw.org pa mitu iyakuti “Kasi Vikaŵako Vyekha?” kangi “Ivyo Ŵanthu Ŵakuyowoya Vya Umo Umoyo Ukambira”
“Buno inyumba yosa yikuya na uyu ayiyengile, loli umwene uyu afiyengile fyosa yo yu Kyala”
5. Tuli nififukwa ifinunu ifya kusubila ukuti inkhani sya mu Baibolo isya kuyoba isya kipeliwa sya bwanaloli
Pa Ubwandilo chaputala 1, Ibaibolo likuyoba muno ikisu kyapeliwe ni fyabumi ifi filimo. Ngimba mubaghile ukusubila inkhani iyi pamo mubaghile ukuyoba ukuti nkhani yabutungulu? Ketelela IVIDIYO, ukufuma apo muyobesanie amalalusyo agha.
-
Ngimba Ibaibolo likumanyisya ukuti ikisu ni fyabumi fyapeliwe m’masiku 6 gha maawala 24?
-
Ngimba mukwinong’ona ukuti inkhani sya mu Baibolo isi sikuyoba isya kipeliwa sya bwanaloli kangi sya kupilikiwa? Nongwa yafiki mukuyoba bo ulu?
Belenga Ubwandilo 1:1, ukufuma apo muyobesanie ilalusyo ili:
-
Abasayansi bikuyoba ukuti ikipeliwa kili nu bwandilo. Ngimba isi basyaghile sikukolelana bulebule na isi mubelengile mu Baibolo?
Abandu bamo bikukayikila linga Kyala apelile ifindu fimo ifi panyuma fyachenjile. Belenga Ubwandilo 1:21, 25, 27, ukufuma apo mwamule amalalusyo agha:
-
Ngimba Ibaibolo likutumanyisya ukuti Kyala apelile ifindu fimo ifi panyuma fyachenjile ukuya finyamana na bandu? Pamo apelile ifindu “ifya luko nu luko” ifya bumi b
6. Abandu kipeliwa kya padela iki Kyala apelile
Tukindene ni finyamama ifi Yehova apelile. Belenga Ubwandilo 1:26, ukufuma apo muyobesanie ilalusyo ili:
-
Panongwa yakuti tupeliwe nkifwani kya Kyala, ngimba uluso lwitu ulwakunangisya ulughano ni kisa fikunangisya bulebule ubundu bwa Kyala?
ABANDU BAMO BIKUYOBA UKUTI: “Inkhani isi Ibaibolo likuyoba isyakufwana nikipeliwa tupango itolo.”
-
Ngimba umwe mukwinong’ona isyafiki? Nongwa yafiki mukuyoba bo ulu?
IFUNDO INYWAMU
Yehova apelile ikipeliwa na fyosa ifi filimo.
Ukughomokelamo
-
Ngimba Ibaibolo likumanyisya isyafiki isyakufwana namuno ikipeliwa kyalyandile?
-
Ngimba Kyala apelile ifindu fimo ifi panyuma fyachenjile pamo apelile kilikyosa?
-
Ngimba findu fiki fikubapangisya abandu ukuya ba padela fiyo?
KETA KANGI IFINGI
Keta ififwanikisyo fya kipeliwa ifi fikunangisya uyu afipelile
“Kodi Zamoyo Zimatiphunzitsa Chiyani?” (Galamukani!, Seputembala 2006)
Keta muno tata abaghile ukulingania inkhani ya kipeliwa ukufuma mu Baibolo ku mwanake undumyana.
Keta linga ukuchenja kwa findu ni Baibolo fikukolelana
Keta ififupa na isi abasayansi basyaghile linga sikunangisya ukuti ubumi bwaliko bwene
Umoyo Ukaŵako Wuli?—Mafumbo 5 Agho Tikwenera Kujifumba (bulosha)
a Ikimanyilo 25 kikuya pakulingania ubwighane bwa Kyala ku bandu.
b Mu Baibolo ilisyu lyakuti “uluko” likuyoba isya findu filifyosa ifi fili nu bumi.
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
