IKIMANYILO 11
Ngimba Mubaghile Ukukasiwa Bulebule Pakubelenga Ibaibolo
Ngimba mwinong’winemo ukuti mwande ukubomba imbombo yimo ingafu loli mwipilikagha ukuti mukabaghila ukufwanisya? Ukuti muleke ukuyiketa ukuya ngafu fiyo, mubaghile ukubombapo tasi panandi. Momuno sikuyila linga tukulonda ukubelenga Ibaibolo. Mubaghile ukwilalusya ukuti, ‘Ngimba nguya pakwandila poki?’ Nkimanyilo iki, mukuya pakuketa ifindu fimo ifipepe ifi mubaghile ukubomba ukuti muhobokeghe linga mukubelenga Ibaibolo.
1. Nongwa yafiki mukulondiwa ukubelenga Ibaibolo akabalilo kosa?
Umundu uyu akabalilo kosa ikubelenga Ibaibolo pamo ‘indaghilo sya Yehova,’ ikuya walusekelo kangi ikuya nu bumi ubununu. (Belenga Salimo 1:1-3.) Ukuti mwande kanunu, ghela ukubelenga amaminiti manandi itolo isiku lililyosa. Linga mukukindilila ukughamanya Amasyu gha Kyala, mukuya pakukindilila ukuhoboka linga mukubelenga Ibaibolo.
2. Ngimba findu fiki ifi fikuya pakubatula ukuti mukasiweghe linga mukubelenga Ibaibolo?
Ukuti mukasiweghe fiyo linga mukubelenga Ibaibolo, mukulondiwa ukuti mwimeghe tasi nu kwinong’onelapo pa isi mukubelenga. Mukulondiwa ukubelenga “nu kwinong’onelapo pa isi mukubelenga.” (Yoswa 1:8) Linga mukubelenga, mukulondiwa ukwilalusya amalalusyo bo aghakuti: ‘Ngimba isi sikum’manyisya isyafiki isya Yehova Kyala? Ngimba isi mbaghile ukusibombela bulebule pa bumi bwangu? Ngimba mbaghile ukubombela bulebule amavesi agha ukuti mbatule abangi?’
3. Ngimba kabalilo kaliku aka mubaghile ukubelenga Ibaibolo?
Ngimba mukutamiwa ukuti mukaghe akabalilo akakubelenga Ibaibolo? Abandu bingi bikutamiwa. Mugheleghe ukubombela “kanunu akabalilo kinu.” (Baefesi 5:16) Mubaghile ukubomba isi, mwakuya na kabalilo akanunu akakuti mubelengeghe Ibaibolo isiku lililyosa. Abandu bamo bapangile imbatiko iyakuti babelengeghe Ibaibolo nulubunju lulilosa. Bamo basalile ukuti babelengeghe pamusi linga bafumile pakulya. Loli abangi basalile ukuti babelengeghe pakilo bo bakali ukulambalala. Ngimba akabalilo akanunu kumyinu ko kaliku?
MANYILA NYINGI
Keta muno mubaghile ukubombela ukuti muhobokeghe pakubelenga Ibaibolo. Keta kangi muno mubaghile ukwitendekesyela kanunu ukuti mukasiweghe linga mukubelenga Ibaibolo.
Bo muno tukumanyilila ukufighana ifyakulya ifyakukindanakindana, tubaghile ukumanyila ukuti tuhobokeghe ukubelenga Ibaibolo
4. Keta muno mubaghile ukuhobokela linga mukubelenga Ibaibolo
Kubaghile ukuya kwakutamya fiyo ukuti twande ukubelenga Ibaibolo. Loli tubaghile ukwanda ukuhoboka ukubelenga Ibaibolo bo muno sikuyila nu mundu uyu ikwanda ukuhoboka ni fyakulya ifi akalyamo. Belenga 1 Peteri 2:2, ukufuma apo muyobesanie ilalusyo ili:
-
Ngimba mukwinong’ona ukuti linga mukubelenga Ibaibolo isiku lililyosa, mubaghile ukuya nikinyonywa ikyakuti mubelengeghe nyingi?
Ketelela IVIDIYO nu kuketa muno abandu bamo balyandile ukuhoboka ukubelenga Ibaibolo. Ukufuma apo muyobesanie amalalusyo agha.
-
Ukufwana ni vidiyo iyi muketelile, ngimba ndamyo siliku isi abalumyana na balindwana balondiwagha ukulimbana nasyo?
-
Ngimba findu fiki fyabatulile ukuti bakindilileghe ukubelenga Ibaibolo ilisiku lililyosa?
-
Ngimba abene babombile isyafiki ukuti ukubelenga Ibaibolo kuyeghe kwakuhobosya?
Isi sibaghile ukubatula ukuti mwandeko ukubelenga:
-
Musaleghe Ibaibolo ili lisanusiwe mu njobelo iyi yikupilikiwa kanunu amasiku agha. Ghela ukubelenga Ibaibolo lya Mang’anamuliro gha Charu Chiphya linga likwaghiwa munjobelo yinu.
-
Ikyakwanda mukulondiwa ukubelenga ikighaba kya mu Baibolo iki mukuketa ukuti kibaghile ukubahobosya fiyo. Ukuti mumanye nyingi, keta itchati lyakuti “Yambanipo Kuŵerenga Baibolo.”
-
Mukulondiwa ukukumbuka isi mwabelengile. Bombela “Imbatiko ya Muno Mubaghile Ukubelengela Ibaibolo” itchati iyi yili mu buku ili.
-
Bombela JW Library®app. Ukubombela ilayibulale iyi, mubaghile ukubelenga nu kupilikisya isi sili mu Baibolo kulikosa kuno muliko mwakubombela ifoni pamo ikibombelo ikingi.
-
Bombela Vyakusazgirapo mu Baibolo lya Mang’anamuliro gha Charu Chiphya. Apa pikongelelapo amapu, amatchati kangi na isi masyu gha mu Baibolo ghikusanusya, isi sibaghile ukubapangisya ukuti muhobokeghe linga mukubelenga Ibaibolo.
5. Mwitendekesyeghe ukumanyila Ibaibolo
Belenga Salimo 119:34, ukufuma apo muyobesanie ilalusyo ili:
-
Nongwa yafiki kwakulondiwa ukwiputa tasi bo mukali ukwanda ukubelenga Ibaibolo pamo ukumanyila Ibaibolo?
Ngimba mubaghile ukukasiwa bulebule pa kabalilo kosa aka mukumanyila Ibaibolo? Bo mukwitendekesya ikimanyilo kya mu buku ili, ghela ukukonga injila isi:
Ngimba musimenye?
Abaketi ba Yehova babombilepo ama Baibolo mingi agha ghasanusiwe. Nalinga sili bo ulu, tulighanile fiyo Ibaibolo lya Mang’anamuliro gha Charu Chiphya panongwa yakuti lyabwanaloli, likupilikiwa kanunu, kangi mukwaghiwa ingamu ya Kyala.—Keta inkhani ya pawebusayiti iyakuti “Kasi Ŵakaboni ŵa Yehova Ŵali na Baibolo Lawo?””
ABANDU BAMO BIKUYOBA UKUTI: “Ukumanyila Ibaibolo mbombo ngafu fiyo. Ngaya na kabalilo akakubelengela.”
-
Ngimba umwe mukwinong’ona isyafiki?
IFUNDO INYWAMU
Ukuti mukasiweghe nu kubelenga Ibaibolo, muyeghe na kabalilo akakubelenga, mwiputeghe ukuti mupilikisyeghe ifi mukubelenga nu kwitendekesya ikimanyilo kilikyosa ikya mu Baibolo.
Ukughomokelamo
-
Ngimba findu fiki ifi fibaghile ukubatula ukuti mulipilikisyeghe kanunu Ibaibolo?
-
Ngimba ko kabalilo kaliku aka mubaghile ukubelenga nu kumanyila Ibaibolo?
-
Nongwa yafiki kwakulondiwa ukwitendekesya bo mukali ukwanda ukumanyila Ibaibolo?
KETA KANGI IFINGI
Mughomokelemo mu fundo isi sibaghile ukubatula ukuti mupilikisyeghe kanunu linga mukubelenga Ibaibolo.
“Kasi Mungachita Wuli Kuti Mupulikiskenge Baibolo?” (Gongwe la Mulinda Na. 1 2017)
Manyila injila sitatu isya muno mubaghile ukubelengela Ibaibolo.
“Kasi Baibolo Linganovwira Wuli?—Chigaŵa 1: Limanya Makora Baibolo Lako” (Inkhani ya pawebusayiti)
Muno mubaghile ukuhobokela linga mukubelenga Ibaibolo.
Keta injila simo ukufuma ku bandu aba babelengilepo Ibaibolo kwa kabalilo akatali
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
