Ukumanyila Ibaibolo kwakutula fiyo nalinga ukuti utubalilo tosa kukabaghila ukuya kupepe. Utubalilo tumo tubaghile ukupasya linga tubaghile ukukindilila ukumanyila Ibaibolo. Nongwa yafiki tukulondiwa ukwiyula fiyo ukuti tukindilileghe ukumanyila? Ngimba findu fiki fibaghile ukututula ukuti tukindilileghe ukumanyila nalinga ukuti tukwaghana ni ndamyo?

1. Nongwa yafiki ukumanyila Ibaibolo kwakulondiwa fiyo?

‘Namanga ilisyu lya Kyala lyumi itolo kangi lyamaka.’ (Bahiburi 4:12) Ibaibolo lyapamwanya fiyo panongwa yakuti likufumbula aminong’ono gha Kyala kangi namuno ikwipilikila pakuyoba isya umwe. Litikuya pakubatula pene ukuti muye nu bumanyi loli likuya pakubatula kangi ukuti mubwaghe ubwanaloli, amahala nu lusubilo. Ukukinda fyosa, Ibaibolo likuya pakubatula ukuya m’manyani wa Yehova. Linga mukumanyila Ibaibolo, kokuti mukwitikisya amaka ghake ukuchenja ubumi bwinu.

2. Nongwa yafiki kwakulondiwa ukubuketa ubwanaloli bwa mu Baibolo ukuya bwa pamwanya fiyo?

Ubwanaloli bwa mu Baibolo, bufwene itolo ni kyuma kya pamwanya fiyo. Yonongwa yake Ibaibolo likutukasya ukwiyula “ukubukaba ubwanaloli komma ukulisya.” (Isya Mbupingamu 23:23) Linga tukukindilila ukumanya ukulondiwa kwa bwanaloli bwa mu Baibolo, tukuya pakwiyipa pakumanyila nalinga tukwaghana ni ndamyo.​—Belenga Isya Mbupingamu 2:4, 5.

3. Ngimba Yehova abaghile ukubatula bulebule ukuti mukindilile ukumanyila?

Pakuya Mpeli kangi M’manyani winu, Yehova ikulonda ukubatula ukuti mumanyile isyakufwana nu mwene. Umwene abaghile ukubapako ‘isi mukulonda kangi na maka.’ (Belenga Bafilipi 2:13.) Isi sikusanusya ukuti linga mukulonda ukuti mukindilileghe ukumanyila pamo ukuti mubombeleghe imbombo isi mumanyile, umwene abaghile ukubatula. Linga mukulonda ukuti umwene abongelele amaka ukuti mwifimbilisyeghe ku ndamyo isi mukwaghana nasyo, umwene ikuya pakubatula. Akabalilo kosa munsumeghe Yehova ndwiputo ukuti abatule ukukindilila ukumanyila Ibaibolo.​—1 Batesalonike 5:17.

 MANYILA NYINGI

4. Mukulondiwa Ukuketa Ukuti Ukumanyila Ibaibolo Kwakulondiwa Fiyo

Utubalilo tumo tukwikolania fiyo ni mbombo pa bumi bwitu kangi tukwanda ukwinong’ona ukuti tukaya nakabalilo akakumanyila Ibaibolo. Ngimba findu fiki fibaghile ukututula? Belenga Bafilipi 1:10, ukufuma apo muyobesanie amalalusyo agha:

• Ngimba mukuketa ukuti findu fiki “fyakulondiwa fiyo” pa bumi bwinu?

• Ngimba mubaghile ukubomba isyafiki ukuti ukumanyila Ibaibolo kuyeghe kwakulondiwa fiyo?

1. Linga mwiswisye akabaketi nu nsanga nu kubikamo amabwe, amabwe ghakabaghila ukufwana

2. Linga mutalile ukubika amabwe, mukuya pakuya na malo aghangi aghakuti mongelelemo unsanga. Mwakufwana itolo, linga mukubika “ifindu ifyakulondiwa fiyo” pa malo aghakwanda pa bumi bwinu, mukuya pakufwanisya ukubomba kangi mukuya pakuya nakabalilo akangi akakubombela ifindu ifingi

Ukumanyila Ibaibolo kukwikutisya injala yitu ya mwambepo, ukulonda kwitu ukumanya nu kumwiputa Kyala. Belenga Matai 5:3, ukufuma apo muyobesanie ilalusyo ili:

• Ngimba tukukasiwa bulebule linga tukuketa ukuti ukumanyila Ibaibolo kwakulondiwa fiyo?

 5. Amukindilileghe ukumanyila nalinga ukuti mukususiwa

6. Munsubileghe Yehova ukuti abatule

 IFUNDO INYWAMU

Nalinga ukuti utubalilo tosa kukaya kupepe, ukumanyila Ibaibolo kubaghile ukubatula ukuhoboka nu bumi akabalilo kosa. Amukindilileghe ukunsubila Yehova, umwene ikuya pakubasaya.

Ukughomokelamo

• Nongwa yafiki ubwanaloli bwa mu Baibolo bwa pamwanya fiyo?

• Ngimba mukufiketa bulebule “ifindu ifi fyakulondiwa fiyo”?

• Nongwa yafiki mukulondiwa ukunsuma Yehova ukuti abatule ukuti mukindilileghe ukumanyila Ibaibolo?