IKIMANYILO 13
Muno Ifipanga Fyabutungulu Fikuntungulupila Kyala
Linga Kyala yo lughano, nongwa yafiki ifindu ifibibi fikubombiwa ni fipanga ifi fikuyoba ukuti fikumwimila? Tubaghile ukuyoba ukuti ifipanga ifi fyabutungulu papo fikuyoba isyabutungulu isyakufwana na Kyala. Ngimba abene bikunjobela bulebule isyabutungulu? Ngimba umwene ikwipilika bulebule ukufwana na isi? Ngimba umwene ikuya pakubomba isyafiki ukufwana na isi?
1. Ngimba ifipanga fyabutungulu fikuntungulupila bulebule Kyala ukufwana na isi fikumanyisya?
Ifipanga fyabutungulu “fyusaniagha ubwanaloli bwa Kyala nu butungulu.” (Baroma 1:25) Mwakifwanikisyo, ifipanga fingi fyabutungulu fikabamanyisya abandu babo ingamu ya Kyala. Nalinga sili bo ulu, Ibaibolo likuyoba ukuti tukulondiwa ukubombela ingamu ya Kyala. (Baroma 10:13, 14) Abakulumba bamo ba matchalichi bikuyoba ukuti linga ikindu kimo ikibibi kibombiwe bwighane bwa Kyala. Loli ubu butungulu. Kyala akaya yo uyu ikupangisya ifindu ifibibi. (Belenga Yakobu 1:13.) Syakitima fiyo ukuti abakulumba ba matchalichi bikupangisya abandu ukuti baleke ukungana Kyala.
2. Ngimba ifipanga fyabutungulu fikuntungulupila bulebule Kyala ukufwana na isi fikubomba?
Ifipanga fyabutungulu fitikubabombela abandu ifindu bo muno Kyala ikubombela. Ibaibolo likuyoba ukuti ifipanga fyabutungulu “imbibi syake silundikene siyilekufika na kumwanya.” (Ubusetuli 18:5) Kwa fyinja fingi, ifipanga fyabutungulu fikughelaghela ukwingililapo pa isi iboma likubomba, fikutulapo pa bwite kangi fikwitikisya pamo ukupangisya ukuti abandu bingi bafwe. Abakulumba bingi ba matchalichi bikulonda ukuya bakabi polelo abene bikubabula abandu babo ukuti babapeghe indalama. Ifi bikubomba fikunangisya pabwelu ukuti abene bakam’manya Kyala, polelo bakaya nu bwabuke ubwakumwimila.—Belenga 1 Yohani 4:8.
3. Ngimba Kyala ikwipilika bulebule ukufwana namuno ifipanga fyabutungulu fikubombela ifindu?
Linga ifindu ifi fikubombiwa ni fipanga fyabutungulu fikubakalalisya, ngimba mukwinong’ona ukuti Yehova ikwipilika bulebule? Umwene abaghanile abandu loli ikukalala na isi abakulumba ba matchalichi bikubomba mwakuntungulupila nu kubabombela ifibibi abandu. Umwene afingile ukuti ikuya pakufipalaghania ifipanga fyabutungulu kangi ‘fitisakwandisyamo ukuboneka.’ (Ubusetuli 18:21) Mwalululu Kyala ikuya pakufipyuta ifipanga fyosa fyabutungulu.—Ubusetuli 18:8.
MANYILA NYINGI
Keta muno Kyala ikwipilikila ukufwana ni fipanga fyabutungulu. Keta isi ifipanga fyabutungulu fibombile, keta kangi inongwa iyi isi sikabaghila ukuntolesya umundu ukum’manya Yehova.
4. Kyala atikwitikisya ifipanga fyosa
Abandu bingi bikusubila ukuti ifipanga fili bo injila isyakukindanakindana isi syosa sikubuka kwa Kyala. Loli ngimba isi syabwanaloli? Belenga Matai 7:13, 14, ukufuma apo muyobesanie ilalusyo ili:
-
Ngimba Ibaibolo likuyoba isyafiki isyakufwana ni njila iyakubuka ku bumi?
Ketelela IVIDIYO, ukufuma apo muyobesanie ilalusyo ili.
-
Ngimba Ibaibolo likuyoba ukuti filipo ifipanga fingi ifi fikunhobosya Kyala?
5. Ifipanga fyabutungulu fitikunangisya ulughano lwa Kyala
Ifipanga fikuntungulupila Kyala munjila nyingi. Ikindu ikibibi fiyo iki ifipanga ifi fikubomba ko kwingililapo pabwite. Ukuti mukete ikifwanikisyo kimokyene, ketelela IVIDIYO. Ukufuma apo muyobesanie amalalusyo agha.
-
Ngimba mbombo yiliku iyi aba matchalichi babombile pakabalilo ka Bwite Bwabubili?
-
Ngimba mukwipilika bulebule ukufwana na isi abene babombile?
Belenga Yohani 13:34, 35 na 17:16. Ukufuma apo muyobesanie amalalusyo agha:
-
Ngimba Yehova ikwipilika bulebule linga amatchalichi ghikwingililapo pa fya bwite?
-
Ifipanga fyabutungulu fili ni nongwa yakubomba ifindu ifibibi. Ngimba mo munjila yiliku iyi ifipanga fikutoliwa ukukonga ulughano lwa Kyala?
Ifipanga fyabutungulu fitikunangisya ulughano lwa Kyala
6. Kyala ikulonda ukubatula abandu ukuti basokemo mfipanga fyabutungulu
Belenga Ubusetuli 18:4, a ukufuma apo muyobesanie ilalusyo ili:
-
Ngimba mukwipilika bulebule ukumanya ukuti Kyala ikulonda ukubapoka abandu aba basyobiwe ni kipanga kyabutungulu?
7. Amukindilileghe ukumanyila isya Kyala wa bwanaloli
Ngimba isi ifipanga fyabutungulu fikubomba, sibaghile ukubapalamasya muno mukunketela Kyala? Inong’onela isya mwana uyu ikusula ubulongosi bwa mahala ubu tata wake ikumpako, ikusokapo pa kaya nu kwanda ukubomba utuyilo utubibi. Tata wake akaya yo uyu ikumpangisya umwanake ukuti abombeghe ifindu ifibibi. Nongwa yafiki kubibi ukundonga tata panongwa ya isi umwanake abombile?
-
Ngimba sibaghile ukuya syakupilikiwa ukundonga Yehova nu kuleka ukumanyila isyakufwana nu mwene panongwa ya isi ifipanga fyabutungulu fikubomba?
ABANDU BAMO BIKUYOBA UKUTI: “Ndikulonda ukumanyila isya Kyala panongwa yakuti ifipanga fyabutungulu fikupangisya indamyo nyingi.”
-
Ngimba momuno mukwipilikila?
-
Nongwa yafiki ifyakubomba fya fipanga fyabutungulu fitikulondiwa ukutupalamasya muno tukunketela Yehova?
IFUNDO INYWAMU
Ifipanga fyabutungulu, fikuntungulupila Kyala ukwendela mu isi fikumanyisya ni nyiho syake imbibi. Kyala ikuya pakufipyuta ifipanga fyabutungulu.
Ukughomokelamo
-
Ngimba mukwipilika bulebule na isi ifipanga fyabutungulu fikumanyisya namuno fikubombela ifindu?
-
Ngimba Yehova ikwipilika bulebule ni fipanga fyabutungulu?
-
Ngimba Kyala isakubomba isyafiki nifipanga fyabutungulu?
KETA KANGI IFINGI
Keta injila sibili isi ifipanga fitikunhobosyela Yehova.
Nongwa yafiki Yehova ikulonda ukuti tumwiputeghe umwene m’malo mwa bangi?
“Kasi Ntchakuzirwa Kuŵa mu Gulu la Chisopa?” (Inkhani ya pawebusayiti)
Umputi anyoziwe na ba nkipanga kyake. Loli isi sikalintolisye ukumanyila ubwanaloli ubwakufwana na Kyala.
“N’chifukwa Chiyani Wansembe Anasiya Chipembedzo Chake?” (Galamukani!, Febuluwale 2015)
Kwa fyinja fingi ifipanga fyabutungulu fikumanyisya abandu isyabutungulu isi sikupangisya ukuti abandu basubileghe ukuti Kyala atikubapasikisya kangi nkali. Keta ubwanaloli ubwakufwana nu butungulu butatu ubu.
“Mautesi Agho Ghakutondeska Wanthu Kutemwa Chiuta” (Gongwe la Mulinda, Novembala 1, 2013)
a Ukuti tumanye inongwa iyi ibuku lya Ubusetuli likufwanikisya ikipanga kyabutungulu nu nkikulu uyu ingamu yake yo Babeloni Unkulumba, keta Amasyu gha Kubumalilo 1.
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
