IKIMANYILO 14
Ngimba Ukwiputa kwitu Kubaghile Ukunhobosya Bulebule Kyala?
Bo muno tuketile nkimanyilo iki kyakindagha, fikaya fipanga fyosa ifi fikunhobosya Kyala. Nalinga sili bo ulu, tubaghile ukumwiputa Umpeli witu munjila iyi umwene ikuhoboka nayo. Ngimba “kwiputa” kuliku pamo kipanga kiliku iki kikunhobosya umwene? (Yakobu 1:27) Keta isi Ibaibolo likumanyisya.
1. Ngimba ukwiputa kwitu kukulondiwa ukwitoteka pa findu fiki?
Ukwiputa kwitu kukulondiwa ukwitoteka pa Baibolo. Yesu alimbulile Kyala ukuti: “Ilisyu lyako bo bu bwanaloli.” (Yohani 17:17) Ifipanga fimo fikusulako itolo Amasyu gha Kyala amatuyiliwa agha ghikwaghiwa mu Baibolo. M’malo mwake abene bikumanyisya amahala ni nyiho sya bandu. Yehova atikuhoboka na bosa aba “bikusisyokela ingomelesyo sya Kyala.” (Belenga Marko 7:9.) Loli tubaghile ukuyihobosya indumbula yake linga tukubombela Ibaibolo nu kukonga ubulongosi bwake.
2. Ngimba tukulondiwa ukuti tumwiputeghe bulebule Yehova?
Panongwa yakuti Yehova yo Mpeli witu, tukulondiwa ukumwiputa mwene. (Ubusetuli 4:11) Isi sikusanusya ukuti tukulondiwa ukungana nu kumwiputa mwene mwakuleka ukwiputa ku fifwani, ifithuzi pamo ifimanyikilo ifingi—Belenga Yesaya 42:8.
Ukwiputa kwitu kukulondiwa ukuya “kusita kababye nu kukyeliwa” kwa Yehova. (Baroma 12:1) Isi sikusanusya ukuti tukulondiwa ukupilikila indaghilo syake. Mwakifwanikisyo, abandu bosa aba banganile Yehova, bikusighana nu kukonga ifundo syake isyakufwana nu bweghi. Kangi batikubomba utuyilo utubibi bo ukukwesa ingambo, ukubombela imikota ya kusyutisya ubongo nu kughala ubwalwa. a
3. Nongwa yafiki tukulondiwa ukumwiputa Yehova pampene na babombi abinitu?
Ingomano isi tukuya nasyo sabata aliwesa sikutupapo ulusako lwa “kumpala Yehova . . . nkipanga.” (Salimo 111:1, 2) Injila yimo iyi tukubombela isi ko kwimba inyimbo isyakumpala Kyala. (Belenga Salimo 104:33.) Yehova ikulonda ukuti twaghiwengepo pangomano panongwa yakuti umwene atughanile kangi asimenye ukuti ingomano sikuya pakututula ukuti tuhobokeghe nu bumi kwa bwila na bwila. Linga tuli pa ngomano tukukasania na bakamu na balumbu bitu.
MANYILA NYINGI
Keta inongwa iyi Yehova atikwitikisya ukubombela ififwani pakwiputa. Keta injila inunu isi tubaghile ukumpalila Kyala.
4. Tutikulondiwa ukubombela ififwani pakwiputa
Ngimba tukumanya bulebule ukuti ukubomba isi kukabaghila ukunhobosya Kyala? Ketelela IVIDIYO, ukufuma apo muyobesanie ilalusyo ili.
-
Ngimba findu fiki fyabombiwe nkabalilo aka Ibaibolo lyalembiwagha bo abandu bamo ba Yehova bandile ukwiputa ku fifwani?
Abandu bamo bikuketa ukuti bikuya pabupipi fiyo na Kyala linga bikubombela ififwani pakwiputa. Ngimba ukubomba isi kubaghile ukupangisya naloli ukuti baye nawe pabupipi? Belenga Ukusoka 20:4-6 na Salimo 106:35, 36, ukufuma apo muyobesanie amalalusyo agha:
-
Ngimba findu pamo fifwani filiku ifi abandu bikubombela pakwiputa?
-
Ngimba Yehova ikwipilika bulebule linga tukubombela ififwani pakwiputa?
-
Ngimba mukuyiketa bulebule inkhani yakufwana nu kubombela ififwani pakwiputa?
5. Linga tukumwiputa Yehova mwene tukuya pakwabuliwa ku fimanyisyo fyabutungulu.
Keta muno ukumwiputa Yehova mwene kubaghile ukutwabulila ku fundo sya butungulu. Ketelela IVIDIYO.
Belenga Salimo 91:14, ukufuma apo muyobesanie ilalusyo ili:
-
Ngimba Yehova afingile ukuti ikuya pakutubombela isyafiki linga tukunangisya ukuti tunganile mwa kumwiputa mwene?
6. Tukumwiputa Yehova pangomano sya kipanga
Tukumpala Yehova kangi tukukasania linga tukwimba nu kwamulapo pangomano sya kipanga. Belenga Salimo 22:22, ukufuma apo muyobesanie amalalusyo agha:
-
Ngimba mukuhoboka linga mukubaketa abandu bikwamulapo pangomano?
-
Ngimba mwighanile ukubomba ukwitendekesya ukuti mukamulepo pangomano?
7. Yehova ikuhoboka fiyo linga tukubabulako abangi isi tukumanyila
Silipo injila nyingi isi tubaghile ukubombela ukuti tubabuleko abangi ubwanaloli bwa mu Baibolo. Belenga Salimo 9:1 na 34:1, ukufuma apo muyobesanie ilalusyo ili:
-
Ngimba findu fiki ifi mumanyile mu Baibolo ifi mukulonda ukubabulako abangi?
ABANDU BAMO BIKUYOBA UKUTI: “Sikabaghila ukubombiwa ukunhobosya Kyala.”
-
Ngimba umwe mukwinong’ona isyafiki?
IFUNDO INYWAMU
Tukunhobosya Umpeli witu linga tukumwiputa mwene, ukumpala pangomano nu kubabulako abangi isi tumanyile.
Ukughomokelamo
-
Ngimba tubaghile ukumanyila bulebule ukumwiputa Kyala mwakwitikisiwa?
-
Nongwa yafiki tukulondiwa ukumwiputa Yehova mwene?
-
Nongwa yafiki tukulondiwa ukwiputa pampene na aba bikulonda ukunhobosya Kyala?
KETA KANGI IFINGI
Belenga inongwa iyi unkikulu yumo ayilile walusekelo panongwa yakuti alekile ukwiputa ku fifwani.
“Nkhuteŵeteraso vikozgo yayi” (Gongwe la Mulinda, Julayi 1, 2011)
Keta isi sibaghile ukubatula ukuti mwamulengepo pangomano sya kipanga.
“Mumpaleghe Yehova Nkipanga” (Ingasya ya Ndindilili, Januwale 2019)
Keta muno undumyana yumo asayiliwe ni ngomano sya kipanga nalinga ukuti kukali kupepe ku mwene ukwaghiwapo.
Abandu bingi bikubombela imphinjika linga bikwiputa ukunangisya ukuti Bakristu, loli ngimba uswe tukulondiwa ukubombela imphinjika linga tukwiputa?
a Inkhani bo isi tukuya pakuyobesania mu fimanyilo ifyakukongapo.
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
