IKIMANYILO 21
Ngimba Amasyu Amanunu Ghikufumusiwa Bulebule?
Yehova ikuya pakubombela imbombo Ubunyafyale bwake ukusosyapo indamyo syosa isi tukwaghana nasyo. Yonongwa yake umundu aliwesa ikulondiwa ukughamanya amasyu amanunu. Yesu alondagha ukuti aba bikunkonga bafumusyeghe amasyu amanunu ku mundu aliwesa. (Matai 28:19, 20) Ngimba Abaketi ba Yehova bikubomba bulebule isi Yesu abalaghile ukuti babombeghe?
1. Ngimba ilemba lya Matai 24:14 likufwanisiwa bulebule m’masiku agha?
Yesu ayobile ukuti: ‘Amasyu amanunu agha Bunyafyale ghisakufumusiwagha nkisu kyosa.’ (Matai 24:14) Abaketi ba Yehova bikuhoboka fiyo ukuyibomba imbombo iyakulondiwa fiyo iyi. Tukufumusya amasyu amanunu pa kisu kyosa munjobelo isyakukinda 1,000. Imbombo inywamu iyi, yikulondiwa ukwiyipa kangi yikulonda abandu bingi. Kangi yikabaghila ukubombiwa kisita butuli bwa Yehova.
2. Ngimba tukwiyipa bulebule ukuti tubafumukisyile abandu?
Tukufumusya kulikosa kuno kukwaghiwa abandu. Ukufwana itolo na Bakristu babwandilo, nanuswe tukufumusya “ku nyumba ni nyumba.” (Imbombo sya Batumiwa 5:42) Injila iyi yikututula ukuti tubafumukisyileghe abandu bingi ikyinja kilikyosa. Tukufumusya kangi m’malo agha mukwaghiwa abandu bingi panongwa yakuti tukaya tubalilo tosa utu abandu bikwaghiwa pa nyumba syabo. Akabalilo kosa tukuya nu lusako ulwakubabulako abandu isyakufwana na Yehova kangi nu bwighane bwake.
3. Ngimba yo nani uyu ali nu budindo ubwakufumusya amasyu amanunu?
Abakristu bosa ababwanaloli bali nu budindo ubwakubafumukisya abandu amasyu amanunu. Tukubomba imbombo iyi mwakwiyipa fiyo. Tukufumusya mulimosa muno tubaghile ukufwanisyila panongwa yakuti yo mbombo iyakupoka ubumi bwa bandu. (Belenga 1 Timoti 4:16.) Tutikulipiliwa indalama pa mbombo iyakufumusya panongwa yakuti Ibaibolo likuyoba ukuti: “Mwambilile itolo nanumwe mupeghe itolo.” (Matai 10:7, 8) Abandu bamo batikulonda ukupilikisya ku isi tukufumusya, loli uswe tukukindilila ukufumusya panongwa yakuti linga tukubomba isi kokuti tukungindika nu kunhobosya Yehova.
MANYILA NYINGI
Keta nyingi isyakufwana na muno Abaketi ba Yehova bikufumukisya pa kisu kyosa kangi na muno Yehova ikubatulila.
Ukufumusya pa kisu kyosa ku: (A) Costa Rica, (B) United States, (C) Benin, (D) Thailand, (E) Yap, (F) Sweden
4. Tukwiyipa ukuti tubafumukisye abandu bosa
Abaketi ba Yehova bikwiyipa fiyo ukufumusya amasyu amanunu kulikosa kuno kukwaghiwa abandu. Ketelela IVIDIYO, ukufuma apo muyobesanie ilalusyo ili.
-
Ngimba findu fiki ifi fikubahobosya panongwa yakwiyipa kwa Baketi ba Yehova pambombo yakufumusya?
Belenga Matai 22:39 na Baroma 10:13-15, ukufuma apo muyobesanie amalalusyo agha:
-
Ngimba imbombo yitu yikunangisya bulebule ukuti tubaghanile abapalamani bitu?
-
Ngimba Yehova ikwipilika bulebule linga ikubaketa aba bikufumusya amasyu amanunu?—Keta vesi 15.
5. Tukubomba pampene na Yehova
Ifyakubombiwa fingi, fikunangisya ukuti Yehova ikutulongosya pa mbombo yitu yakufumusya. Mwakifwanikisyo, ku New Zealand unkamu Paul alyaghene nu nkikulu yumo bo ikufumusya ku nyumba ni nyumba. Nulubunju unkikulu yula aliputile kwa Kyala, ukubombela ingamu ya Kyala, Yehova ukunsuma ukuti antume umundu yumo ukuti asamfumukisye. Paul ayobile ukuti, “Bo pakindile amaawala matatu nabukile panyumba yake.”
Belenga 1 Bakorinti 3:9, ukufuma apo muyobesanie ilalusyo ili:
-
Ngimba ikyakubombiwa ikya nkamu uyu kikunangisya bulebule ukuti Yehova ikulongosya pa mbombo iyakufumusya?
Belenga Imbombo sya Batumiwa 1:8 ukufuma apo muyobesanie ilalusyo ili:
-
Nongwa yafiki tukulondiwa ubutuli bwa Yehova ukuti tufwanisye imbombo iyakufumusya?
Ngimba musimenye?
Sabata aliwesa, ku ngomano syitu isya nkati mwa sabata, tukumanyisiwa isi sibaghile ukututula mubufumusi. Linga mwaghiwemo pangomano isi, ngimba mukwinong’ona isyafiki isya fimanyilo ifi?
6. Tukupilikila isi Kyala atubulile isyakuti tufumusyeghe
Nkabalilo ka kunyuma, abakususya baghelagha ukubalekesya abamanyili ba Yesu imbombo yakufumusya. Abakristu ba bwandilo bafighililagha “Amasyu amanunu.” (Bafilipi 1:7) Syo isi Abaketi ba Yehova bikubomba amasiku agha. a
Belenga Imbombo sya Batumiwa 5:27-42, ukufuma apo muyobesanie ilalusyo ili:
-
Nongwa yafiki tutikuleka ukufumusya amasyu amanunu? Keta amavesi 29, 38, na 39.
ABANDU BAMO BABAGHILE UKULALUSYA UKUTI: “Nongwa yafiki Abaketi ba Yehova bikufumusya ku nyumba ni nyumba?”
-
Ngimba mubaghile ukwamula bulebule?
IFUNDO INYWAMU
Yesu abalaghile abamanyili bake ukufumusya amasyu amanunu pa kisu kyosa. Kangi Yehova ikubatula abandu bake ukubomba imbombo iyi.
Ukughomokelamo
-
Ngimba amasyu amanunu ghikufumusiwa bulebule pa kisu kyosa?
-
Ngimba imbombo iyakufumusya yikunangisya bulebule ukuti tubaghanile abapalamani bitu?
-
Ngimba mukwinong’ona ukuti imbombo iyakufumusya yibaghile ukutupangisya ukuya balusekelo? Nongwa yafiki mukuyoba bo ulu?
KETA KANGI IFINGI
Keta muno Abaketi ba Yehova bikufumukisya ntwaya utunywamu.
Imbombo ya Padela Kuno Kukwaghiwa Abandu Bingi ku Paris (5:11)
Ngimba Abaketi ba Yehova bikubomba bulebule ukuti babatule aba bikubopa ubwite kumyabo?
Ukumasya Ikyumilwa kya Mwambepo ku Bandu aba Bikubopa Ubwite Kumyabo (5:59)
Pilikisya isi umundu yumo ikulingania muno syalintulile ukuya walusekelo panongwa yakumalila akabalilo akatali pambombo iyakufumusya.
Keta muno inongwa simo isi twawinile ku khoti situlile ukuti kuyeghe kupepe ukufumusya amasyu amanunu.
a Kyala yo uyu atulaghile ukuti tufumusyeghe. Yonongwa yake Abaketi ba Yehova batikulondiwa ukwitikisya ukuti abalaghili babalekesyeghe ukufumusya amasyu amanunu.
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
