IKIMANYILO 25
Ngimba Ubwighane bwa Kyala ku Bandu bo Buliku?
Ibaibolo likumanyisya ukuti “ubumi bwitu bupimba itolo kangi bwabutolwe.” (Jobu 14:1) Ngimba isi syo isi Kyala alondagha ukuti mo muno ubumi bwitu buyileghe? Linga sikaya bo ulu, ngimba ubwighane bwake ku myitu bo buliku? Ngimba fyabombiwe itolo? Keta amaansala aghakusubisya agha ghikwaghiwa mu Baibolo.
1. Ngimba bumi buliku ubu Yehova alondagha ukuti tuye nabo?
Yehova ikulonda ukuti tuye nu bumi bwakuhobosya fiyo. Bo umwene apelile abandu abakwanda, Adamu na Eva, umwene ababikile mu paladaiso ughu wali ngunda unnunu wa Edeni. Polelo “Kyala alinkubasaya kangi alinkubabula alinkuti: ‘Molokeghe mwisuleghe nkisu kangi mukilambikeghe.’” (Ubwandilo 1:28) Yehova alondagha ukuti abene bapapeghe abana ukuti bisusye ikisu kangi nu kupasikisya ifinyamana. Ubwighane bwake bwali bwakuti abandu bosa bahobokeghe nu bumi ubununu kangi bikaleghe kwa bwila na bwila.
Nalinga tutikwikala ubumi ubu a Kyala alondagha loli ubwighane bwake bukachenja. (Yesaya 46:10, 11) Umwene akali ikulonda ukuti abandu aba bikumpilikila bikaleghe kwa bwila na bwila nu bumi ubununu.—Belenga Ubusetuli 21:3, 4.
2. Ngimba amasiku agha tubaghile ukuhoboka bulebule nu bumi?
Yehova atupelile ukuti atulongosyeghe. Yonongwa yake tukulonda ukuti tummanye nu kumwiputa mwene. (Belenga Matai 5:3-6.) Umwene ikulonda ukuti tuyeghe nawe pabumanyani ubwamaka, “ukubomba isi umwene ikutubula, ukungana,” kangi nu kumbombela umwene “nindumbula [yitu] yosa.” (Ukukumbusya Indaghilo 10:12; Salimo 25:14) Linga tukubomba isi, tubaghile ukuya naloli balusekelo nalinga ukuti tukwaghana ni ndamyo. Linga tukumwiputa Yehova, ubumi bwitu bukuya bwakuhobosya panongwa yakuti tukubomba isi umwene ikulonda ukuti tubombeghe.
MANYILA NYINGI
Keta ulughano ulunywamu ulu Yehova atunangisye bo ikututendekesyela ikisu kangi na isi Amasyu ghake ghikumanyisya isyakufwana nu bwighane bwa bumi.
3. Yehova ikulonda ukuti abandu bahobokeghe nu bumi
Ketelela IVIDIYO, ukufuma apo muyobesanie ilalusyo ili.
-
Nongwa yafiki Kyala apelile ikisu ikinunu fiyo?
Belenga Undumbilili 3:11, ukufuma apo muyobesanie ilalusyo ili:
-
Ngimba isi sikubamanyisya isyafiki isyakufwana na Yehova?
4. Ubwighane bwa Yehova bukachenja
Belenga Salimo 37:11, 29 na Yesaya 55:11, ukufuma apo muyobesanie ilalusyo ili.
-
Ngimba tukumanya bulebule ukuti ubwighane bwa Kyala bukachenja?
Inyumba iyi yonangike yibaghile ukutendekesiwa kangi. Mwakufwana itolo ikisu iki abandu bakyonangile, Kyala isakubatendekesyela abandu aba banganile
5. Ukumwiputa Yehova kukutupangisya ukuti tuhobokeghe nu bumi
Ukumanya ubwighane bwa bumi kukutupangisya ukuti tuyeghe balusekelo. Ketelela IVIDIYO, ukufuma apo muyobesanie ilalusyo ili.
-
Ngimba Terumi asayiwe bulebule panongwa yakumanya ubwighane bwa bumi?
Belenga Undumbilili 12:13, ukufuma apo muyobesanie ilalusyo ili:
-
Panongwa yakuti Yehova atubombile ifindu fingi fiyo, ngimba tubaghile ukunangisya bulebule ukuti tukundaghisya?
ABANDU BAMO BABAGHILE UKULALUSYA UKUTI: “Ngimba ubwighane bwa bumi bo buliku?”
-
Ngimba mubaghile ukwamula bulebule?
IFUNDO INYWAMU
Yehova ikulonda ukuti tuhobokeghe nu bumi pa kisu. Linga tukumwiputa umwene nindumbula yitu yosa, lino pope tubaghile ukuhoboka nu bumi.
Ukughomokelamo
-
Ngimba ubwighane bwa Yehova bwali bo buliku kwa Adamu na Eva?
-
Ngimba tukumanya bulebule ukuti ubwighane bwa Kyala ku bandu bukachenja?
-
Ngimba tubaghile ukuhoboka bulebule nu bumi?
KETA KANGI IFINGI
Keta inongwa iyi tukusubila ukuti ungunda wa Edeni waliko naloli.
“Kodi Kunalidi Munda wa Edeni?” (Nsanja ya Olonda, January 1, 2011)
Keta inongwa iyi tukusubila ukuti ikisu kisa kuyako kwa bwila na bwila.
“Kasi Charu Chapasi Ndicho Chizamuparanyika?” (Inkhani ya pawebusayiti)
Inong’onela isi Ibaibolo likuyoba pa nkhani iyi tuli nu bumi.
Keta muno unnyambala uyu amanyisyagha ukuti ali na kilikyosa loli ikwaghilwa kimo pa bumi bwake.
a Nkimanyilo ikyakukongapo, tukuya pakumanyila inongwa iyi tukwaghana ni ndamyo.
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
