IKIMANYILO 26
Nongwa Yafiki Imbibi nu Kutamiwa Fikukindilila Ukuyako?
“Nongwa yafiki?” Ili lyo ilalusyo ili umundu ikulalusya linga ifindu ifibibi fibombiwe. Tukuhoboka fiyo panongwa yakuti Ibaibolo likwamula mwakupilikiwa kanunu ilalusyo ili.
1. Ngimba Setano abombile isyafiki ukuti ifindu ifibibi fyandeko ukubombiwa nkisu?
Setano Umohesi alinsambukile Kyala. Setano alondagha ukuti abalaghileghe abandu, polelo abapangisye abandu abakwanda, Adamu na Eva ukuti baye nawe pampene ukunsambukila Kyala. Setano abombile isi mwakumbula Eva ubutungulu. (Ubwandilo 3:1-5) Alimpangisye Eva ukwanda ukwinong’ona ukuti Yehova ikubima ifindu fimo ifinunu. Umwene asanusyagha ukuti abandu babaghile ukuya balusekelo linga batikumpilikila Kyala. Setano ayobile ubutungulu bwakwanda apa atile Eva atikuya pakufwa. Panongwa ya isi Ibaibolo likunjoba Setano ukuti “yo ntungulu kangi yo wise wa butungulu.”—Yohani 8:44.
2. Ngimba Adamu na Eva basalile ukubomba isyafiki?
Yehova abapele Adamu na Eva ifindu fingi fiyo. Umwene ababulile ukuti balyeghe iseke syosa sya mungunda wa Edeni ukulekapo isya mumpiki ghumowene. (Ubwandilo 2:15-17) Loli abene basalile ukuti balye iseke sya mu mpiki ughu bakanisiwe. Eva “alinkweghamo simo iseke alinkulya.” Panyuma, Adamu “yope alinkulya.” (Ubwandilo 3:6) Bosa balinsambukile Kyala. Panongwa yakuti bosa babili bali bagholofu, abene balondiwagha ukubomba isi ngolofu. Loli mwakusala ukuleka ukumpilikila Kyala, abene batulile inongwa nu kukana ubulaghili bwake. Isi basalile syapangisye indamyo nyingi fiyo.—Ubwandilo 3:16-19.
3. Ngimba isi Adamu na Eva basalile ukubomba sikutupalamasya bulebule?
Bo Adamu na Eva batulile inongwa, abene bakali bagholofu kangi, polelo ubusitabugholofu bwabo bwalyandile ukubambukila abanabo. Pakuyoba isya Adamu, Ibaibolo likuti: “Bo mumo ubutulanongwa bwalyendile mmundu yumoywene ukwisa nkisu muno bope nubufwe bwendile mbutulanongwa, po apa ubufwe bulinkusatanila mbandu bosa.”—Baroma 5:12.
Pali fifukwa fingi ifi fikutupangisya ukuti tutamiweghe. Utubalilo tumo tukutamiwa panongwa yakuleka ukusala kanunu ifindu. Utubalilo tumo tukutamiwa panongwa ya isi abangi bakasala kanunu. Kangi utubalilo tumo tukutamiwa panongwa yakuti tuli pa malo na pakabalilo akabibi.—Belenga Undumbilili 9:11.
MANYILA NYINGI
Keta inongwa iyi yikunangisya ukuti akaya yo Kyala uyu ikupangisya ifindu ifibibi ifi fikubombiwa nkisu m’masiku agha kangi keta muno ikwipilikila linga tukutamiwa.
4. Uyu ikupangisya ukuti tutamiweghe
Abandu bingi bikusubila ukuti Kyala yo ikulaghila ikisu kyosa. Ngimba isi syabwanaloli? Ketelela IVIDIYO.
Belenga Yakobu 1:13 na 1 Yohani 5:19, ukufuma apo muyobesanie ilalusyo ili:
-
Ngimba yo Kyala uyu ikupangisya ifindu ifibibi nu kutamiwa?
5. Keta isi sibombiwe ukufuma apa Setano alyandile ukulaghila ikisu
Belenga Ubwandilo 3:1-6, ukufuma apo muyobesanie amalalusyo agha:
-
Ngimba Setano ayobile ubutungulu buliku?—Keta ivesi 4 na 5.
-
Ngimba Setano anangisye bulebule ukuti Yehova ikubima abandu ifindu fimo ifinunu?
-
Ngimba Setano anangisye bulebule ukuti abandu batikulondiwa ukulongosiwa na Yehova ukuti baye balusekelo?
Belenga Undumbilili 8:9, ukufuma apo muyobesanie ilalusyo ili:
-
Ngimba findu fiki fibombiwe ukufuma pakabalilo aka Yehova alekile ukuya Ndaghili wa kisu?
-
Adamu na Eva bali bagholofu kangi bikalagha mu Paladaiso. Loli abene balimpilikile Setano kangi balinsambukile Yehova
-
Bo abene bansambukile Kyala, ubutulanongwa bulinkusatanila nkisu kyosa pampene nu kutamiwa ni nifwa
-
Yehova isakumasya ubutulanongwa, ukutamiwa, nu bufwe. Abandu bisakuya bagholofu kangi bisakwikalagha mu Paladaiso
6. Sikumpalamasya Yehova linga tukutamiwa
Ngimba sikumpalamasya Yehova linga tukutamiwa? Keta isi Umwalafyale Davidi nu ntumiwa Peteri balembile. Belenga Salimo 31:7 na 1 Peteri 5:7, kangi muyobesanie ilalusyo ili:
-
Ngimba mukwipilika bulebule ukumanya ukuti Yehova ikupalamasiwa linga tukutamiwa?
7. Kyala isakumasya indamyo syosa isi abandu bikwaghana nasyo
Belenga Yesaya 65:17 na Ubusetuli 21:3, 4, kangi muyobesanie ilalusyo ili:
-
Nongwa yafiki syakukasya ukumanya ukuti Yehova isakusosyapo ifindu ifibibi ifi abandu bikwaghana nafyo
Ngimba musimenye?
Setano ayobile ubutungulu bwakwanda, umwene alinjobile ifibibi Yehova. Abapangisye abandu ukuti bamwinong’oneleghe ifibibi Yehova mwakuyoba ukuti Yehova akaya Ndaghili nnunu. Linga Yehova asosisyepo indamyo isi abandu bikwaghana nasyo, umwene isakuyikemesyagha ingamu yake. M’masyu aghangi, umwene isakunangisya ukuti ubulaghili bwake bo bwapamwanya fiyo. Ukukemesiwa kwa ngamu ya Yehova kyo kindu kyakulondiwa fiyo nkipeliwa kyosa.—Matai 6:9, 10.
ABANDU BAMO BIKUYOBA UKUTI: “Ukutamiwa bwighane bwa Yehova kumyitu.”
-
Ngimba mubaghile ukuyoba isyafiki?
IFUNDO INYWAMU
Setano Umohesi na bandu babili abakwanda bo aba bikupangisya ifindu ifibibi ifi fikubombiwa nkisu. Yehova atikuhoboka ni ndamyo isi tukwaghana nasyo kangi mwalululu umwene ikuya pakusosyapo indamyo isi.
Ukughomokelamo
-
Ngimba butungulu buliku ubu Setano Umohesi alimbulile Eva?
-
Ngimba ukusambukila kwa Adamu na Eva kukutupalamasya bulebule?
-
Ngimba tukumanya bulebule ukuti Yehova atikuhoboka linga tukutamiwa?
KETA KANGI IFINGI
Manyila muno Ibaibolo likulingania isya butulanongwa.
Belenga inkhani iyi Setano Umohesi alyandisye mu ngunda wa Edeni.
“Chifukwa Wuli Ciuta Wazomelezga Kuti Tisuzgikenge?” (Gongwe la Mulinda, Januwale 1, 2014)
Keta amaansala ghakusubisya agha ilalusyo lyakutamya.
Keta isi unnyambala yumo amanyile isyakufwana ni ndamyo isi alyaghene nasyo.
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
