IKIMANYILO 27
Ngimba Inifwa ya Yesu Yibaghile Ukutupoka Bulebule?
Tuli batulanongwa, tukutamiwa, kangi tukufwa panongwa yambumba yakwanda iya Adamu na Eva, aba bakalimpilikile Kyala. a Nalinga ifindu fili bo ulu, loli tuli nu lusubilo. Yehova atendekisye injila iyakutupokela ku butulanongwa ni nifwa ukwendela mwa Mwanake Yesu Kristu. Ibaibolo likumanyisya ukuti ukwendela mu nifwa yake, Yehova abikile ikitabulilo. Ikitabulilo ntengo ughu umundu ikubika ukuti antabule umundu yumo. Untengo ughu Yesu abikile bwali bumi bwake ubugholofu. (Belenga Matai 20:28.) Ubumi ubu Yesu abikile bwaliwile injila ya kughomokesya fyosa ifi Adamu na Eva bataghile kangi ukuti tusabwaghe ubumi bwa bwila na bwila. Kangi isi Yesu abombile syanangisyagha muno umwene na Yehova batughanile. Ikimanyilo iki kikuya pakututula muno tubaghile ukundaghisyila inifwa ya Yesu.
1. Ngimba amasiku agha tubaghile ukusayiwa bulebule ni nifwa ya Yesu?
Panongwa yakuti tuli batulanongwa, tukubomba ifindu fingi ifi fikunkalalisya Yehova. Loli linga tubombile ubutulanongwa, tunsumile Yehova ukwendela mwa Yesu Kristu ukuti atuhobokele nu kughelaghela ukuti tungisa kwandisyagha kangi, tubaghile ukuya pabumanyani bwamaka na Yehova. (1 Yohani 2:1) Ibaibolo likuyoba ukuti: “Kristu afwile kamokene panongwa ya butulanongwa bwitu, ungolofu alinkufwa panongwa ya busitabugholofu ukuti abatwale umwe kwa Kyala.”—1 Peteri 3:18.
2. Ngimba nkyeni twisakusayiwa bulebule ni nifwa ya Yesu?
Yehova alintumile Yesu ukuti asabike ubumi bwake ubugholofu “ukuti bosa aba bikumwitika bangapyutiwagha, loli babwaghe ubumi bwa bwila.” (Yohani 3:16) Tukundaghisya fiyo pa isi Yesu abombile. Mwalululu Yehova ikuya pakusosyapo ifindu fyosa ifibibi ifi fikubombiwa panongwa ya kusita kupilikila kwa Adamu. Isi sikusanusya ukuti linga tuli nu lwitiko mu ikemo lya Yesu twisakuya nu lusako ulwakuhoboka nu bumi bwa bwila na bwila mu paladaiso pa kisu.—Yesaya 65:21-23.
MANYILA NYINGI
Keta inongwa iyi Yesu abikile ubumi bwake kangi na muno tukusayiliwa.
3. Inifwa ya Yesu yitutabwile ku butulanongwa na ku bufwe
Ketelela IVIDIYO, ukufuma apo muyobesanie ilalusyo ili.
-
Ngimba lusako luliku ulu Adamu ataghile bo akanile ukumpilikila Kyala?
Belenga Baroma 5:12, ukufuma apo muyobesanie ilalusyo ili:
-
Ngimba ubutulanongwa bwa Adamu bukupalamasya bulebule ubumi bwitu?
Belenga Yohani 3:16, ukufuma apo muyobesanie ilalusyo ili:
-
Nongwa yafiki Yehova alintumile Umwanake pa kisu?
-
Adamu ali mundu ungolofu loli akalimpilikile Kyala kangi apangisye ukuti abandu batuleghe inongwa nu kufwa
-
4. Inifwa ya Yesu yibaghile ukubatula abandu bosa
Ketelela IVIDIYO, ukufuma apo muyobesanie ilalusyo ili.
-
Ngimba inifwa ya mundu yumoywene yibaghile ukubatula bulebule abandu bingi?
Belenga 1 Timoti 2:5, 6, ukufuma apo muyobesanie ilalusyo ili:
-
Adamu ali mundu ungolofu uyu apangisye ukuti abandu bonangeghe kangi bafweghe. Yesu yope ali mundu ungolofu bo muno Adamu ayilile. Po ngimba Yesu alondiwagha ukubomba isyafiki?
5. Ikitabulilo kyabupe iki Yehova atupele
Abamanyani ba Yehova, bikukiketa ikitabulilo ukuya kyabupe kya aliwesa pamwene. Mwakifwanikisyo, belenga Bagalatia 2:20, ukufuma apo muyobesanie ilalusyo ili:
-
Ngimba untumiwa Pauli anangisye bulebule ukuti ikukiketa ikitabulilo ukuya kyabupe kya aliwesa pamwene?
Pakabalilo aka Adamu alyonangile, umwene pampene na banake balongiwe ukuti bikuya pakufwagha. Loli Yehova alintumile Umwanake ukuti asatufwile ukuti tusalwaghe ulusako ulwakukaba ubumi bwa bwila na bwila.
Bo mukubelenga amavesi aghakukongapo agha, inong’onela muno Yehova abaghile ukuti alipilikile bo ikunketa Umwanake ikutamiwa. Belenga Yohani 19:1-7, 16-18, ukufuma apo muyobesanie ilalusyo ili:
-
Ngimba mukwipilika bulebule ukufwana na isi Yehova na Yesu bababombile?
ABANDU BAMO BABAGHILE UKULALUSYA UKUTI: “Ngimba umundu yumoywene abaghile ukubafwila bulebule abandu bosa?”
-
Ngimba mubaghile ukwamula bulebule?
IFUNDO INYWAMU
Panongwa yakuti Yesu atufwilile, Yehova abaghile ukutuhobokela ubutulanongwa bwitu kangi tubaghile ukwikala kwa bwila na bwila.
Ukughomokelamo
-
Nongwa yafiki Yesu afwile?
-
Ngimba mo munjila yiliku iyi ubumi bwa Yesu ubugholofu bwapangisye ukuti ikitabulilo kyake kiye kya pamwanya?
-
Ngimba inifwa ya Yesu yibaghile ukubatula bulebule?
KETA KANGI IFINGI
Keta inongwa iyi ubumi bwa Yesu ubugholofu bukukoleliwa ukuti ikitabulilo.
“Kasi Sembe ya Yesu ‘Ntchiwombolero cha Ŵanandi’ mu Nthowa Wuli?” (Inkhani ya pawebusayiti)
Keta ifindu ifingi ifi tukulondiwa ukubomba ukuti tusapokiwe.
“Ngimba Yesu Atutabwile Bulebule?” (Inkhani ya pawebusayiti)
Ngimba Yehova abaghile ukutuhobokela nalinga ubutulanongwa bunywamu?
“Mafumbo gha Baibolo Ghazgoleka” (Gongwe la Mulinda, Meyi 1, 2013)
Keta muno ukumanyila isyakufwana ni kitabulilo kya Kristu kwalintulile umundu uyu atamiwagha ni fyakubaba.
a Ubutulanongwa kukaya ko kubomba itolo ikindu kimo ikibibi. Ubutulanongwa bukusanusya ifindu ifibibi ifi fikutubonekela panongwa ya konanga kwa Adamu.
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
