IKIMANYILO 30
Abakamu Binu aba Bafwile Bisakusyuka
Ubufwe bukubapangisya abandu ukulila fiyo nu kusulumania. Yonongwa iyi Ibaibolo likubuyoba ubufwe ukuya ndughu. (1 Bakorinti 15:26) Nkimanyilo 27, mwamanyile ukuti Yehova isakunsosyapo undughu uyu. Loli ngimba findu fiki ifi fisakubombiwa ku bandu aba bafwile? Nkimanyilo iki mukuya pakumanyila nyingi isyakufwana nu lufingo ulu Yehova afingile ukuti isakubasyusya abandu bosa aba bafwile ukuti basahobokeghe kangi nu bumi bwa bwila na bwila. Umwene isakubasyusya. Ngimba isi sibaghile ukubombiwa naloli? Ngimba abene bisakusyusiwa nu kwikala kumwanya pamo pa kisu kyapasi?
1. Ngimba Yehova ikulonda ukubomba isyafiki ku bakamu bitu aba bafwile?
Yehova ikulonda ukubasyusya abandu aba bafwile. Unnyambala wa lwitiko Yobu ali nu lusubilo ukuti Kyala akabaghila ukumwibwa linga afwile. Umwene atile: “Linga kumbilikila po nisakwamulagha [ukufuma mwipumba].”—Belenga Jobu 14:13-15.
2. Ngimba tukumanya bulebule ukuti abafwe babaghile ukusyuka?
Bo Yesu ali pa kisu, Kyala alimpele amaka aghakubasyusya abafwe. Yesu alinsyusisye undindwana wa fyinja 12 uyu ali mwana wa nkikulu umfwilwe. (Marko 5:41, 42; Luka 7:12-15) Bo akabalilo kakindilepo um’manyani wa Yesu Lazaro afwile. Nalinga ukuti Lazaro afwile kangi alikele mwipumba kwa masiku 4, Yesu alinsyusisye. Bo iputile kwa Kyala, Yesu ayobile ukuti: “Lazaro soka!” kangi “uyu afwile alinkusoka” kangi ali mumi. (Yohani 11:43, 44) Inong’onela muno bahobokile aba mumbumba ya Lazaro na abamanyani bake.
3. Ngimba lusubilo luliku ulu lulipo pakuyoba isya bakamu bitu aba bafwile?
Ibaibolo lifingile ukuti: “Kwisakuyako ukusyuka.” (Imbombo sya Batumiwa 24:15) Abandu aba Yesu abasyusisye bo ali pa kisu kyapasi bakabukile kumwanya. (Yohani 3:13) Abene bahobwike fiyo apa basyukile pa kisu kyapasi kikiki. Mwakufwana itolo, mwalululu Yesu isakubasyusya abandu mabiliyoni mingi ukuti basahobokeghe nu bumi bwa bwila na bwila mu paladaiso pa kisu. Umwene atile “bosa aba bali mmapumba” nalinga bo aba bikuboneka ukuti tukabaghila ukubakumbukila loli Kyala ikubakumbukila kangi isakubasyusya.—Yohani 5:28, 29.
MANYILA NYINGI
Keta ubuketi bwakufuma mu Baibolo ubwakuti Yesu ali na maka aghakubasyusya abafwe. Manyila muno ukusyuka kubaghile ukubakasyila nu kubapako ulusubilo.
4. Yesu asimikisye ukuti abaghile ukubasyusya abafwe
Manyila nyingi isyakufwana na isi Yesu alimbombile um’manyani wake Lazaro. Belenga Yohani 11:14, 38-44, ukufuma apo muyobesanie amalalusyo agha:
-
Ngimba tukumanya bulebule ukuti Lazaro afwile naloli?—keta ivesi 39.
-
Linga Lazaro abukile kumwanya bo afwile, ngimba mukwinong’ona ukuti Yesu ayagha pakunsyusya pa kisu kyapasi?
5. Abandu bingi bisakusyusiwa
Belenga Salimo 37:29, ukufuma apo muyobesanie ilalusyo ili:
-
Ngimba abandu mabiliyoni mingi aba bisakusyuka bisakwikalagha kughu?
Yesu isakubasyusya abandu bingi ukongelelapo na aba bakamwiputagha Yehova. Belenga Imbombo sya Batumiwa 24:15, ukufuma apo muyobesanie ilalusyo ili:
-
Ngimba yonani uyu mukulonda ukuti musankete linga asyukile?
Inong’onela isi: Yesu abaghile ukusyusya umundu kisita kutamiwa bo muno tata abaghile ukubombela pakundembusya umwanake uyu alambalele
6. Ukusyuka kwa bafwe kubaghile ukubakasya nu kubapako ulusubilo
Inkhani ya mu Baibolo ya mwana undindwana wa Yairo yikubakasya abandu bingi aba bikulila. Belenga inkhani ya bwanaloli iyi pa Luka 8:40-42, 49-56.
Bo akali ukunsyusya umwana wa Yairo, Yesu alimbulile tata wake ukuti: “Ungayagha nu lutende, witikeghe itolo.” (Keta ivesi 50.) Ngimba ulusubilo lwa kusyuka kwa bafwe lukubatula bulebule . . .
-
linga uyu munganile afwile?
-
linga ubumi bwinu buli pa ngozi?
Ketelela IVIDIYO, ukufuma apo muyobesanie ilalusyo ili.
-
Ngimba ulusubilo ulwakuti abafwe bisakusyuka lubasubisye nu kubakasya bulebule abapapi ba Phelicity?
ABANDU BAMO BIKUYOBA UKUTI: “Kukafu fiyo ukusubila ukuti abafwe bisakusyuka.”
-
Ngimba mukwinong’ona isyafiki?
-
Ngimba ilemba liliku ili mubaghile ukulibombela ukunangisya ukuti ukusyuka kwisakuyako naloli?
IFUNDO INYWAMU
Ibaibolo lifingile ukuti abandu mabiliyoni mingi bisakusyusiwa. Yehova ikulonda ukuti abene baye nu bumi kangi ampele amaka Yesu ukuti abasyusye abafwe.
Ukughomokelamo
-
Ngimba Yehova na Yesu bikwipilika bulebule pa nkhani ya kubasyusya aba bafwile?
-
Ngimba abandu mabiliyoni mingi aba bisakusyuka bisakwikalagha kughu? Kumwanya pamo pa kisu kyapasi? Ngimba mukwinong’ona isyafiki?
-
Ngimba kindu kiliku iki kikubasimikisyila ukuti abafwe babaghile ukuya kangi nu bumi?
KETA KANGI IFINGI
Keta ubulongosi ubu bubaghile ukubatula linga muli nikitima.
Ngimba ifundo sya mu Baibolo sibaghile ukuntula naloli umundu uyu ikulila?
Ngimba abana babaghile ukwifimbilisya bulebule ku bufwe bwa bandu aba babaghanile?
Ngimba aliwesa isakusyuka nu kubuka kumwanya? Ngimba bo banani aba batisakusyuka?
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
