IKIMANYILO 35
Muno Mubaghile Ukubombela Ukuti Musaleghe Kanunu Ifyakubomba
Twesa tuli ni findu ifyakuti tusale ukubomba. Fingi mwa fyakusala ifi fibaghile ukuya finunu pamo fibibi. Mwakifwanikisyo, tubaghile ukusala kuno tukulondiwa ukwikala, muno tubaghile ukusyaghila indalama pamo linga tukulonda ukwegha pamo ukweghiwa. Linga tukusala kanunu ifyakubomba tubaghile ukuya balusekelo nu kunhobosya Yehova.
1. Ngimba mubaghile ukubomba bulebule ukuti musaleghe kanunu ifyakubomba?
Bo mukali ukusala ifyakubomba, mwiputeghe kwa Yehova, mufufuzeghe mu Baibolo nu kuketa muno umwene ikuyiketela inkhani iyo. (Belenga Isya Mbupingamu 2:3-6.) Mfyakubombiwa fimo Yehova ikubika ubulongosi bwakupilikiwa kanunu. Linga sili bo ulu ukupilikila ubulongosi bwake kyo kyakusala kyapamwanya iki mubaghile ukupanga.
Ngimba mubaghile ukubomba bulebule linga indaghilo isya mu Baibolo sikayapo pa nkhani ya isi mukulondiwa ukubomba? Yehova ikuya pakubalongosya “munjila iyi mubaghile ukwendamo.” (Yesaya 48:17) Bulebule? Silipo ifundo nyingi isi sibaghile ukubalongosya. Ifundo syake bo bwanaloli ubu bukufumbula isi Kyala ikwinong’ona na muno ikwipilikila. Utubalilo tumo tukumanya muno Yehova ikwipilikila pa nkhani yimo linga tukubelenga ikyakubombiwa kimo ukufuma mu Baibolo. Linga tukumanya muno Yehova ikwipilikila, tubaghile ukusala ifyakubomba ifi fikunhobosya.
2. Ngimba findu fiki ifi mukulondiwa ukwinong’onela bo mukali ukusala ikyakubomba?
Ibaibolo likuyoba ukuti: “Umundu wamahala yo ikwinong’ona tasi ninjila iyi abaghile ukwendamo.” (Isya Mbupingamu 14:15) Isi sikusanusya ukuti bo tukali ukusala ikyakubomba, tukulondiwa ukuya na kabalilo akakwinong’onela isi tukuya pakusala. Bo mukwinong’onelapo pisakisyo lililyosa, mwilalusye ukuti: ‘Ngimba fundo yiliku ya mu Baibolo iyi mbaghile ukuyibombela? Ngimba lisakisyo liliku ili libaghile ukumbapo ulutengano lwa mundumbula? Ngimba isi nsalile sisakubapalamasya bulebule abangi? Ilalusyo lyakulondiwa fiyo iyo lyakuti, ngimba isi nsalile sikuya pakunhobosya Yehova?’—Ukukumbusya Indaghilo 32:29.
Yehova yo uyu ikulondiwa ukutubula inunu ni mbibi. Linga tusimenye kanunu indaghilo ni fundo sya Yehova kangi linga twitendekisye ukusikonga, ko kuti tukughamanyisya kanunu amabyebye ghitu. Amabyebye kyo kindu iki kikutumanyisya inunu ni mbibi. (Baroma 2:14, 15) Amabyebye agha ghamanyisiwe kanunu ghikuya pakututula ukusala kanunu ifyakubomba.
MANYILA NYINGI
Manyila muno ifundo sya mu Baibolo na mabyebye amanunu ghikututulila linga tukulonda ukusala ikyakubomba.
3. Ibaibolo libalongosyeghe
Ngimba Ibaibolo libaghile ukutulongosya bulebule linga tukusala ikyakubomba? Ketelela IVIDIYO, kangi muyobesanie amalalusyo agha.
-
Ngimba kyabupe kiliku kyapadela iki Yehova atupele?
-
Nongwa yafiki Yehova atupele ubwabuke bwakusala ifindu patwibene?
-
Ngimba umwene atupele findu fiki ifyakuti tubombeleghe ukuti tusaleghe kanunu ifyakubomba?
Ukuti mukete ikifwanikisyo kimo kya mu Baibolo, belenga Baefesi 5:15, 16. Ukufuma apo muyobesanie muno mubaghile “ukubombela kanunu akabalilo” ukuti . . .
-
mubelengeghe Ibaibolo akabalilo kosa
-
muyeghe mundu nnunu mbweghi, umpapi unnunu kangi mwana unnunu
-
mwaghiwengepo pa ngomano sya kipanga.
4. Mughamanyisyeghe amabyebye ghinu ukuti musaleghe kanunu ifyakubomba
Linga silipo indaghilo syakupilikiwa kanunu isya mu Baibolo isyakufwana ni nkhani yimo, kutikuya kukafu ukusala ikyakubomba. Loli bule linga sikayapo indaghilo pa nkhani iyo? Ketelela IVIDIYO, kangi muyobesanie amalalusyo agha.
-
Ukufwana ni vidiyo iyi, ngimba umundu abombile isya fiki ukuti aghamanyisye kanunu amabyebye ghake?
Nongwa yafiki tutikulondiwa ukubasuma abangi ukuti batusalile ifyakubomba pa bumi bwitu? Belenga Bahiburi 5:14, kangi muyobesanie amalalusyo agha:
-
Nalinga kubaghile ukuboneka ukuya kupepe ukubasuma abangi ukuti batusalile ifyakubomba, ngimba findu fiki ifi tubaghile ukwinong’onela patwibene?
-
Ngimba findu fiki fibaghile ukubatula ukuti mughamanyisyeghe amabyebye ghinu nu kusala kanunu ifyakubomba?
Bo muno amapu ghikututulila, amabyebye ghitu ghikutulongosya pa isi tubaghile ukubomba
5. Mughaghindikeghe amabyebye gha bangi
Abandu bakukindana bikupanga ifyakusala fyakukindana. Ngimba tubaghile ukunangisya bulebule ukuti tukughindika amabyebye gha bangi? Keta ifyakubombiwa fibili ifi:
Ikyakubombiwa 1: Umulumbu uyu aphodile mwakukinda umpaka ikubuka ku Nyumba ya Bunyafyale kuno abalumbu bingi batikuya pakuhoboka linga bambwene.
Belenga Baroma 15:1 na 1 Bakorinti 10:23, 24, kangi muyobesanie amalalusyo agha:
-
Ukufwana na malemba agha, ngimba umulumbu asalile ukubomba isyafiki? Ngimba mwayagha pakubomba isyafiki linga mwali nu mundu uyu amabyebye ghake ghikunkanisya ukubomba isi?
Ikyakubombiwa 2: Unkamu ikumanya ukuti Ibaibolo litikukana ukunwa ubwalwa. Loli umwene ikusala ukuleka ukunwa. Bankolile ku kyakubombiwa kimo polelo ikunketa unkamu yumo ikunwa ubwalwa.
Belenga Undumbilili 7:16 na Baroma 14:1, 10, kangi muyobesanie amalalusyo agha:
-
Ukufwana na malemba agha, ngimba unkamu asalile ukubomba isyafiki? Ngimba mwayagha pakubomba isyafiki linga mumbwene umundu uyu ikubomba ifindu ifi amabyebye ghinu ghikubakanisya?
Ngimba findu fiki ifi fibaghile ukutulongosya ukuti tusaleghe kanunu ifyakubomba?
1. Munsume Yehova ukuti abatule ukusala kanunu ifyakuti mubombe.—Yakobu 1:5.
2. Mufufuzeghe mu mabuku agha ghikulingania Ibaibolo ukuti mukete ifundo iyi mubaghile ukuyibombela. Mubaghile ukubalalusya kangi Abakristu abakusi mwambepo.
3. Inong’onela ifyakukongapo fyake ifi fibaghile ukupalamasya amabyebye ghinu na gha bangi panongwa ya isi musalile.
ABANDU BAMO BIKUYOBA UKUTI: “Uli nu bwabuke bwakubomba kilikyosa iki kulonda. Sikaya ni mbombo na muno abandu bikwipilikila.”
-
Nongwa yafiki tukulondiwa ukwinong’onela muno Yehova ikwipilikila kangi na muno abangi bikwipilikila?
IFUNDO INYWAMU
Linga tusimenye muno Yehova ikwipilikila ukufwana ni nkhani yimo, tubaghile ukusala kanunu ifyakubomba na muno isi tukuya pakubomba sibaghile ukubapalamasyila abangi.
Ukughomokelamo
-
Ngimba mubaghile ukusala bulebule ifyakubomba ifi fibaghile ukunhobosya Yehova?
-
Ngimba mubaghile ukughamanyisya bulebule amabyebye ghinu?
-
Ngimba mubaghile ukunangisya bulebule ukuti mukughaghindika amabyebye gha bangi?
KETA KANGI IFINGI
Ngimba mubaghile ukusala bulebule ifyakubomba ifi fibaghile ukukasya ubumanyani bwinu na Kyala?
“Zosankha Zanu Zizilemekeza Mulungu” (Nsanja ya Olonda, April 15, 2011)
Manyila nyingi isya muno Yehova ikubikila ubulongosi.
Keta isi syalintulile unnyambala yumo ukuti asaleghe ifyakusala ifikafu.
Manyila muno tubaghile ukunhobosyela Yehova linga tukapeliwa indaghilo pa nkhani yimo.
“Kodi Mumafunikira Lamulo la M’Baibulo Nthaŵi Zonse?” (Nsanja ya Olonda, December 1, 2003)
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
