IKIMANYILO 36
Muyeghe Basubiliwa Mfindu Fyosa
Umundu aliwesa ikulonda ukuti abamanyani bake bayeghe basubiliwa. Yehova ikughulila ukuti abamanyani bake bikuya pakuya basubiliwa. Loli ukubomba isi kukaya kupepe panongwa yakuti nkisu iki, mwiswile abandu aba bakaya basubiliwa. Ngimba tukusayiwa bulebule linga tuli basubiliwa mfindu fyosa?
1. Nongwa yafiki ukuya nsubiliwa kwakulondiwa fiyo?
Linga tuli basubiliwa ku bangi, bo tukunangisya ukuti tunganile kangi tukungindika Yehova. Inong’onela isi: Yehova asimenye syosa isi tukwinong’ona nu kubomba. (Bahiburi 4:13) Umwene ikuketa linga tusalile ukuya basubiliwa kangi isi sikunhobosya fiyo. Amasyu ghake ghikuyoba ukuti: “Namanga umundu unniongafu yo kinyanyasi kwa Yehova, loli abagholofu bo Kyala ikwikyela nabo.”—Isya Mbupingamu 3:32.
2. Ngimba fyakubombiwa filiku ifi akabalilo kosa tukulondiwa ukuya basubiliwa?
Yehova ikulonda ukuti “wesa ayobeghe ubwanaloli ku nnine.” (Zekariya 8:16, 17) Ngimba isi sikusanusya isyafiki? Pakabalilo aka tukuyobesania na ba mumbumba yitu, aba tukubomba nabo imbombo, abakamu na balumbu pamo abakulumba ba boma, tukulondiwa ukuyoba ubwanaloli kisita ukufisa inkhani yimo. Abandu abasubiliwa batikubahiyila abinabo pamo ukubasyoba. (Belenga Isya Mbupingamu 24:28 na Baefesi 4:28.) Kangi abene bikulipila unsongo ghosa ughu bikulondiwa ukubika. (Baroma 13:5-7) Mfyakubombiwa ifi ni fingi, ‘akabalilo kosa tukulondiwa ukubomba inunu.’—Bahiburi 13:18.
3. Ngimba tukusayiwa bulebule linga tuli basubiliwa?
Linga akabalilo kosa tukughelaghela ukuya basubiliwa, abandu bikwanda ukuhoboka nanuswe. Tukubombapo simo ukuti aliwesa afighililiweghe nkipanga iki kili bo mbumba ya lughano. Tukuhoboka panongwa yakuti tukuya na mabyebye amanunu. Ubusubiliwa bwitu bubaghile kangi “ukulunoghesya ulumanyisyo lwa Mpoki witu, Kyala,” kangi isi sibaghile ukubapangisya abangi ukuti bope bande ukumbombela Yehova.—Titi 2:10.
MANYILA NYINGI
Keta muno sikunhobosyela Yehova linga mukunangisya ubusubiliwa, na muno mubaghile ukunangisyila ubusubiliwa mfyakubombiwa fyakukindakindana pa bumi bwinu.
4. Umundu unsubiliwa ikunhobosya Yehova
Belenga Salimo 44:21 na Malaki 3:16, ukufuma apo muyobesanie amalalusyo agha:
-
Nongwa yafiki mukwinong’ona ukuti ghakaya mahala ukusubila ukuti tubaghile ukufisa ubwanaloli?
-
Ngimba mukwinong’ona ukuti Yehova ikwipilika bulebule linga tusalile ukuyoba ubwanaloli nalinga ukuti ukubomba isi kukaya kupepe?
Linga abana bikuyoba ubwanaloli, abapapi babo bikuhoboka. Linga tukuyoba ubwanaloli Yehova yope ikuhoboka
5. Mubombeghe ifindu mbusubiliwa akabalilo kosa
Abandu bingi bikwinong’ona ukuti sikabaghila ukubombiwa ukuti umundu akabalilo kosa ayeghe nsubiliwa. Loli inong’onela inongwa iyi akabalilo kosa tukulondiwa ukuya basubiliwa. Ketelela IVIDIYO
Belenga Bahiburi 13:18, kangi muyobesanie muno tubaghile ukuyila balusubiliwa . . .
-
ku ba mumbumba yitu
-
ku mbombo pamo kusukulu
-
mfyakubombiwa ifingi.
6. Tukusayiwa panongwa yakuya basubiliwa
Pabwandilo mubaghile ukuketa ukuti ukuya nsubiliwa kukutwala indamyo simo. Loli linga akabalilo kakindilepo, mubaghile ukuketa ukuti mukubomba ifindu ifinunu fiyo. Belenga Salimo 34:12-16, ukufuma apo muyobesanie ilalusyo ili:
-
Ngimba ukuya nsubiliwa kukumpangisya bulebule umundu ukuhoboka nu bumi?
-
Abanyambala na bakikulu abasubiliwa, bikukasya ubweghi bwabo
-
Aba bikubomba ifindu mbusubiliwa bikughaniwa na ba bwana babo
-
Abandu ba nkisu aba bikubomba ifindu mbusubiliwa, bikughaniwa na bakulumba ba boma
ABANDU BAMO BIKUYOBA UKUTI: “Ubutungulu bumo bunandi itolo kangi bukaya nimbombo.”
-
Nongwa yafiki tukusubila ukuti Yehova abubengile ubutungulu bosa?
IFUNDO INYWAMU
Yehova ikulonda ukuti abamanyani bake bayeghe basubiliwa mu isi bikuyoba nu kubomba.
Ukughomokelamo
-
Ngimba njila siliku simo isi tubaghile ukunangisyila ukuti tuli basubiliwa?
-
Nongwa yafiki busita mahala ukwinong’ona ukuti tubaghile ukufisa ubwanaloli?
-
Nongwa yafiki tukulondiwa ukuya basubiliwa akabalilo kosa?
KETA KANGI IFINGI
Ngimba abapapi babaghile ukubamanyisya bulebule abanabo ukuya basubiliwa?
Nongwa yafiki kwakulondiwa ukubomba isi twafingile ukuti tukuya pakubomba?
Inong’onela linga tubaghile ukubika unsongo nalinga ukuti babaghile ukughubombela ububibi.
“Kodi Muyenera Kukhoma Misonkho?” (Nsanja ya Olonda, September 1, 2011)
Ngimba findu fiki fyalinkasisye umundu uyu abombagha ifindu mbusita busubiliwa nu kwanda ukubomba mbusubiliwa?
“Nkhasambira Kuti Yehova Ngwalusungu Kweniso Wakugowokera” (Gongwe la Mulinda, Meyi 1, 2015)
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
