IKIMANYILO 37
Ngimba Ibaibolo Likuti Fiki pa Nkhani ya Mbombo ni Ndalama
Ngimba mutamiwemo aminong’ono panongwa ya mbombo ni ndalama? Kubaghile ukuya kwakutamya ukuti tufwanisye ukwipwelelela kangi nu kwiyipa ukumbombela Yehova. Ibaibolo likubika ubulongosi ubwakutula.
1. Ngimba Ibaibolo likuyoba isya fiki isyakufwana nimbombo?
Kyala ikulonda ukuti tuhobokeghe nimbombo. Ibaibolo likuyoba ukuti “kununupo umundu ukuti . . . ikyeleghe muli ifi iyulagha ukufibombela.” (Undumbilili 2:24) Yehova ikwiyula ukubomba imbombo. Linga nuswe tukwiyula ukubomba imbombo bo muno umwene ikubombela, tukuya pakunhobosya kangi tukuya pakwipilika kanunu.
Imbombo yakulondiwa fiyo. Loli tutikulondiwa ukwitikisya ukuti imbombo yo yiyeghe yakulondiwa fiyo ukukinda ukumwiputa Yehova. (Yohani 6:27) Umwene afingile ukuti linga tukumbika umwene pa malo aghakwanda, ikuya pakutupa isi tukulondiwa pa bumi.
2. Ngimba tukulondiwa ukusiketa bulebule indalama?
Nalinga ukuti Ibaibolo likuyoba ukuti ‘indalama sikutufighilila,’ loli likutusoka kangi ukuti indalama sikabaghila ukutupapo ulusekelo. (Undumbilili 7:12) Yonongwa yake tukukasiwa ukuti tungasighanagha fiyo indalama loli ‘tufwaneghe nafyo fifyo tuli nafyo.’ (Belenga Bahiburi 13:5.) Linga tukwikutisiwa na ifi tuli nafyo, tutikuya pakukalala ukwing’ona ukuti tukaya ni fyakufwana. Isi sitikuya pakutupangisya ukuti tuyeghe ningongole inywamu. (Isya Mbupingamu 22:7) Tutikuya pakuya naminong’ono aghakuti niyule panandi ukuti niye nkabi mwanakalinga.
3. Ngimba tubaghile ukunangisya bulebule ukuti tuli bakupa nindalama isi tuli nasyo?
Yehova yo Kyala wakupa, kangi tubaghile ukunkonga linga nuswe ‘tuli bakupa.’ (1 Timoti 6:18) Tubaghile ukunangisya ukuti tukupa indalama syitu linga tukutulapo pakipanga kangi linga tukubatula abangi isi bikulondiwa, fiyofiyo abakamu na balumbu bitu. Yehova ikuhoboka fiyo kisita ukuketa ubwingi bwa ndalama isi tukupa loli inongwa iyi tukupela. Linga tukupa ukufuma pasi pandumbula syitu tukuya pakuya balusekelo kangi tukuya pakunhobosya Yehova.—Belenga Imbombo sya Batumiwa 20:35.
MANYILA NYINGI
Keta ubununu ubu bukuyapo linga tukuyiketa kanunu imbombo nu kwikutisiwa na ifi tuli nafyo.
4. Mungindikeghe Yehova panongwa ya mbombo isi mukubomba
Ubumanyani bwitu na Yehova bubaghile ukupalamasiwa panongwa ya mbombo isi tukubomba. Ketelela IVIDIYO, ukufuma apo muyobesanie amalalusyo aghakukongapo agha.
-
Mu vidiyo iyi, ngimba kayilo kaliku aka Jason anangisyagha kuno abombagha imbombo?
-
Ngimba umwene abombagha isyafiki ukuti anangisyeghe ubusubiliwa pa malo gha mbombo?
Belenga Bakolosi 3:23, 24, ukufuma apo muyobesanie ilalusyo ili:
-
Nongwa yafiki tukulondiwa ukunangisya akayilo akanunu pambombo?
Imbombo yakulondiwa fiyo. Loli tutikulondiwa ukwitikisya ukuti imbombo tuyibikeghe pamalo aghakwanda ukukinda ukumwiputa Yehova
5. Tukusayiwa panongwa yakwikutisiwa na ifi tuli nafyo
Abandu bingi bikughelaghela ukulondesya indalama. Loli Ibaibolo likutupa ubulongosi ubununu fiyo. Belenga 1 Timoti 6:6-8, ukufuma apo muyobesanie ilalusyo lyakukongapo ili:
-
Ngimba Ibaibolo likutukasya ukubomba isyafiki?
Nalinga ukuti tuli ni findu finandi fiyo, tubaghile ukuya balusekelo. Ketelela IVIDIYO, ukufuma apo muyobesanie ilalusyo lyakukongapo ili.
-
Nalinga ukuti bali ni findu finandi, ngimba findu fiki fyatulile imbumba iyi ukuya yalusekelo?
Bule linga tuli ni findu fingi loli tukulonda kangi ifingi? Yesu atubulile ikifwanikisyo iki kikunangisya ububibi bwakubomba isi. Belenga Luka 12:15-21, ukufuma apo muyobesanie ilalusyo ili:
-
Ngimba mumanyile isyafiki nkifwanikisyo kya Yesu?—Keta ivesi 15.
Belenga kangi mufwanikisye na Isya Mbupingamu 10:22 na 1 Timoti 6:10. Ukufuma apo muyobesanie amalalusyo agha:
-
Ngimba mukwinong’ona ukuti ikindu ikyakulondiwa kyo kiliku? Ukuya pabumanyani na Yehova pamo ukuya nindalama nyingi? Nongwa yafiki mukuyoba bo ulu?
-
Ngimba ndamyo siliku isi sikuyapo linga akabalilo kosa tukulondesya indalama?
6. Yehova ikuya pakutupa isi tukulondiwa
Linga imbombo sitikuboneka kangi tukutamiwa ni ndamyo ya ndalama, ulwitiko lwitu lubaghile ukugheliwa. Ketelela IVIDIYO ukuti tukete isi tubaghile ukubomba linga twaghene nindamyo isi, ukufuma apo muyobesanie amalalusyo agha.
-
Mu vidiyo iyi, ngimba ngelo siliku isi unkamu alyaghene nasyo?
-
Ngimba umwene abombile isyafiki ukuti amalane nasyo?
Belenga Matai 6:25-34, ukufuma apo muyobesanie ilalusyo ili:
-
Ngimba Yehova afingile ukuti ikuya pakubabombela isyafiki bosa aba bikumbika umwene pabwandilo?
ABANDU BAMO BIKUYOBA UKUTI: “Ngulondiwa ukwiyula fiyo ukubomba imbombo ukuti njitule imbumba yangu. Ngabaghila ukubuka ku ngomano syakipanga sabata aliwesa.”
-
Ngimba lemba liliku ili likutusimikisya ukuti linga tukumbika Yehova pabwandilo ifindu fikuya pakwendagha kanunu?
IFUNDO INYWAMU
Imbombo nindalama fyakulondiwa fiyo, loli tutikulondiwa ukwitikisya ukuti fitusofanie ukumbombela Yehova.
Ukughomokelamo
-
Ngimba findu fiki fibaghile ukututula ukuti tuyiketeghe kanunu imbombo?
-
Ngimba tukusayiwa bulebule panongwa ya kwikutisiwa na ifi tuli nafyo?
-
Ngimba mubaghile ukunangisya bulebule ukuti muli nu lusubilo mu isi Yehova afingile linga mukupa?
KETA KANGI IFINGI
Keta linga Ibaibolo likuyoba ukuti indalama sikaya nunu.
“Ngimba Indalama syo isi Sikwandisya Indamyo Syosa?” (Inkhani ya pawebusayiti)
Keta muno tubaghile ukubombela ni ndalama syitu ukuti tunhobosyeghe Kyala.
“Ngimba Ibaibolo Likuyoba Isyafiki pa Nkhani ya Kupa?” (Inkhani ya pawebusayiti)
Ngimba injuga sibaghile ukutufulasya?
“Kasi Baibolo Likuti Wuli pa Nkhani ya Kutchova Njuga” (Wukani!, Malichi 2015)
Keta isi syabatulile abandu aba bakomagha injuga kangi aba bahiyagha ukuchenja ubumi bwabo
“Nkhakhumbanga Kuchita Maseŵero Ghakuphalizgana pa Mahachi” (Gongwe la Mulinda, Novembala 1, 2011)
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
