IKIMANYILO 41
Ngimba Ibaibolo Likuyoba Isya Fiki pa Nkhani ya Kughonana?
Abandu bamo batikwipilika kanunu linga bikuyoba isyakughonana. Loli linga Ibaibolo likuyoba isyakughonana, likuyoba mu njila iyalughindiko. Kangi tukusayiwa na isi likuyoba. Isi sikutupangisya ukuti twipilikeghe kanunu panongwa yakuti Ibaibolo lifumile kwa Yehova uyu yo Mpeli witu. Umwene amenye isi syakulondiwa kumyitu. Umwene ikutubula isi tukulondiwa ukubomba ukuti tunhobosyeghe umwene kangi isi sibaghile ukututula ukuti tuhobokeghe nu bumi kwa bwila na bwila.
1. Ngimba Yehova ikuyiketa bulebule inkhani ya kughonana?
Ukughonana kyabupe kyakufuma kwa Kyala. Umwene ikulonda ukuti aba bali pabweghi bahobokeghe ni kyabupe iki. Ikyabupe iki kikubatula aba bali pabweghi ukuti bayeghe na bana kangi ukuti banangisanieghe ulughano mu njila iyi. Yonongwa yake Amasyu gha Kyala ghikuyoba ukuti: “Unkasi wako wa mbutubwa ayeghe nsayiwa kumyako, wikyeleghe nawe.” (Isya Mbupingamu 5:18, 19) Yehova ikulonda ukuti Abakristu aba bali pabweghi bayeghe basubiliwa mbweghi bwabo, yonongwa yake batikulondiwa ukubomba ubulowe.—Belenga Bahiburi 13:4.
2. Ngimba ubulowe findu fiki?
Ibaibolo likutubula ukuti “buno abalowe . . . batisakubwingilamo Ubunyafyale bwa Kyala.” (1 Bakorinti 6:9, 10) Abalembi ba Baibolo aba balembile amalemba gha Chigiriki babombile amasyu aghakuti por·neiʹa ukulingania isya bulowe. Amasyu agha ghikongelelapo (1) ukughonana a kwa bandu aba bakeghana, (2) ukughonana kwa banyambala pamo abakikulu benebene, kangi (3) ukughona ifinyamana. Tukunhobosya Yehova kangi tukusayiwa twibene linga “tukwepukako kubulowe.”—1 Batesalonike 4:3.
MANYILA NYINGI
Keta muno tubaghile ukwepukila ku bulowe kangi muno tubaghile ukusayiliwa linga tukukindilila ukuya nu tuyilo utununu.
3. Amububopeghe ubulowe
Unnyambala unsubiliwa uyu ingamu yake ali yo Yosefu akanile ukobomba ubulowe nu nkikulu uyu amfimbilisyagha ukuti aghone nawe. Belenga Ubwandilo 39:1-12, ukufuma apo muyobesanie amalalusyo agha:
-
Ngimba findu fiki fyalimpangisye Yosefu ukubopa?—Keta vesi 9.
-
Ngimba mukwinong’ona ukuti Yosefu asalile kanunu? Nongwa yafiki mukuyoba bo ulu?
Ngimba abalumyana na balindwana amasiku agha babaghile ukunkonga bulebule Yosefu mwakubopa ubulowe? Ketelela IVIDIYO.
Yehova ikulonda ukuti twesa tububopeghe ubulowe. Belenga 1 Bakorinti 6:18, ukufuma apo muyobesanie amalalusyo agha:
-
Ngimba ndamyo siliku isi umundu ikwaghana nasyo linga abombile ubulowe?
-
Ngimba mubaghile ukububopa bulebule ubulowe?
4. Mubaghile ukusitola ingelo
Nongwa yafiki kubaghile ukuya kukafu kukana ukubomba ubulowe? Ketelela IVIDIYO, ukufuma apo muyobesanie ilalusyo ili.
-
Ngimba unkamu wa mu vidiyo iyi, abombile isyafiki bo asyaghenie ukuti ifindu fimo ifi inong’onagha nu kubomba fyabaghile ukumpangisya ukuti aleke ukuya nsubiliwa ku nkasi wake?
Utubalilo tumo Abakristu abasubiliwa bope bikwiyula ukuti bakindilile ukuya na minong’ono amanunu. Ngimba mubaghile ukwepuka bulebule ukuti muleke ukwinong’ona ifindu ifyabulowe? Belenga Bafilipi 4:8, ukufuma apo muyobesanie amalalusyo agha:
-
Ngimba findu filiku ifi tukulondiwa ukuti twinong’oneghe?
-
Ngimba ukubelenga Ibaibolo nu kwiyula fiyo mumbombo ya Mwalafyale kubaghile ukututula bulebule ukuti tuleke ukubomba ubutulanongwa?
5. Tukusayiwa ni fundo sya Yehova
Yehova asimenye isi nunu kumyitu. Umwene ikutubula muno tubaghile ukukindilila ukuyila nu tuyilo utununu kangi namuno tukusayiliwa linga tukubomba isi. Belenga Isya Mbupingamu 7:7-27 pamo ketelela IVIDIYO, ukufuma apo muyobesanie amalalusyo agha.
-
Ngimba undumyana uyu agheliwagha bulebule ni ndamyo?—Keta Isya Mbupingamu 7:8, 9.
-
Ukufwana na Isya Mbupingamu 7:23, 26, ubulowe bubaghile ukuya butulanongwa bunywamu fiyo. Linga tuli nu tuyilo utununu, ngimba tubaghile ukwepuka ku ndamyo siliku?
-
Ngimba ukuya nu tuyilo utununu kubaghile ukututula bulebule ukuti tuhobokeghe nu bumi kwa bwila na bwila?
Abandu bamo bikwinong’ona ukuti isi Ibaibolo likuyoba isyakuti abanyambala pamo abakikulu benebene bangaghonanagha kukaya kwa lughano. Loli Yehova Kyala uwalughano, ikulonda ukuti aliwesa ahobokeghe nu bumi kwa bwila na bwila. Ukuti tubombe isi, tukulondiwa ukukonga ifundo syake. Belenga 1 Bakorinti 6:9-11, ukufuma apo muyobesanie ilalusyo ili:
-
Ukufwana namuno Kyala ikufiketela ifindu, ngimba ukughonana kwa banyambala pamo abakikulu benebene ko kwene kubibi?
Ukuti tunhobosye Kyala, twesa tukulondiwa ukuchenja. Ngimba mukuketa ukuti pikulondiwa ukwiyipa? Belenga Salimo 19:8, 11, ukufuma apo muyobesanie amalalusyo agha:
-
Ngimba mukwinong’ona ukuti ifundo sya Yehova pa nkhani ya tuyilo utununu syakupilikiwa? Nongwa yafiki mukuyoba bo ulu?
Yehova abatulile abandu bingi ukuti bapilikileghe indaghilo syake sya tuyilo utununu. Nuswe abaghile ukututula
ABANDU BAMO BIKUYOBA UKUTI: “Ukughonana nalinga mukaya pabweghi kununu itolo pene linga mughanene.”
-
Ngimba mubaghile ukuyoba isyafiki?
IFUNDO INYWAMU
Ukughonana kyabupe kyakufuma kwa Yehova iki kipeliwe ku bandu bene aba beghene ukuti bahobokeghe nakyo.
Ukughomokelamo
-
Ngimba ubulowe bukongelelapo ifiki?
-
Ngimba findu fiki fibaghile ukututula ukuti twepuke ku bulowe?
-
Ngimba tukusayiwa bulebule linga tukukonga ifundo sya Yehova isyatuyilo utununu?
KETA KANGI IFINGI
Keta inongwa iyi Kyala ikulondela ukuti unnyambala nu nkikulu aba bikulonda ukwikalila pampene bikulondiwa ukweghana.
Keta inongwa iyi ifundo sya Yehova pa nkhani ya kughonana kwa banyambala pamo bakikulu benebene kukutufighilila.
“Kasi Nkhwananga Kuti Ŵanalume Panji Ŵanakazi Ŵekhaŵekha Ŵagonanenge?” (Inkhani ya pawebusayiti)
Keta muno indaghilo sya Yehova isyakufwana nu luko lulilosa lwa bulowe sikutufighililila.
“Kasi Kugonana mu Mulomo Nkhugonana Nadi?” (Inkhani ya pawebusayiti)
Mu nkhani iyakuti “Anandilandira Mwaulemu Kwambiri,” keta isi syalinkasisye umundu uyu aghonanagha nu nnyambala umwinake ukuchenja ubumi bwake nu kwanda ukunhobosya Kyala.
“Baibolo Likusintha Umoyo wa Wanthu” (Gongwe la Mulinda, Epulelo 1, 2011)
a Ukughonana uku kukusanusya ukughonana kwa luko lulilosa bo ukughonana kwa bandu aba bakeghana, ukughonana nkanwa, ukughonana ku matanga, kangi ukwangasya utumbakasya twa mundu uyungi munjila iyakughonana.
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
