IKIMANYILO 45
Ngimba Sikusanusya Isyafiki Ukuleka Ukwingililapo pa fya Nkisu?
Yesu amanyisye ukuti aba bikunkonga “bakaya ba nkisu muno.” (Yohani 15:19) Isi sikongelelapo ukuleka ukwingililapo pa fyakubombiwa fya nkisu bo indyali nu bwite. Ukuyoba ubwanaloli, kukaya kupepe akabalilo kosa ukuleka ukwingililapo pa fya nkisu. Tubaghile ukunyoziwa panongwa yakuleka ukwingililapo pa fya nkisu. Ngimba tubaghile ukubomba isyafiki ukuti tuleke ukwingililapo nu kukindilila ukuya basubiliwa kwa Yehova?
1. Ngimba Abakristu bikughaketa bulebule amaboma gha bandu?
Abakristu bikughaghindika amaboma. Tukubomba bo muno Yesu ayobile ukuti “ifya Kaisari fyo mumpeghe Kaisari.” Isi sikusanusya ukupilikila indaghilo sya nkisu bo ukusonga unsongo. (Marko 12:17) Ibaibolo likumanyisya ukuti amaboma ghikulaghila panongwa yakuti Yehova yo uyu itikisye ukuti ghalaghileghe. (Baroma 13:1) Polelo tukupilikisya ukuti amaboma gha bandu ghali na maka agha ghali nu mpaka. Tukusubila ukuti Kyala nu Bunyafyale bwake ubwakumwanya bukuya pakumasya indamyo syitu.
2. Ngimba tubaghile ukubomba bulebule ukuti tuleke ukwingililapo pa fya nkisu?
Bo muno Yesu abombile, tutikwingililapo pa fya nkisu. Bo abandu bakibwene ikika kimo kya Yesu, abene balondagha kunkola ukuti aye mwalafyale. Loli umwene akanile. (Yohani 6:15) Nongwa yafiki? Panongwa yakuti umwene ayobile ukuti, “Ubunyafyale bwangu bukaya bwa nkisu iki.” (Yohani 18:36) Mwakufwana na bafundiwa ba Yesu, nanuswe tukunangisya ukuti tutikwingililapo pa fya nkisu mu njila isyakukindanakindana. Mwakifwanikisyo, tutikubuka ku bwite. (Belenga Mika 4:3.) Tukufighindika ifimanyikilo fya nkisu bo indembela loli tutikwiputa ku findu ifi. (1 Yohani 5:21) Kangi tutikuya kulubafu lumo lwa kipani pamo ku mundu yumo wa ndyali. Mu njila isi kangi ni singi, tukunangisya ukuti tuli basubiliwa ku boma lya Kyala ubu bo Bunyafyale bwake.
MANYILA NYINGI
Keta ifyakubombiwa ifi fibaghile ukutupangisya ukuti kuye kukafu ukuleka ukwingililapo pa fya nkisu, nu kuketa muno mubaghile ukupangila ifyakusala ifi fibaghile ukunhobosya Yehova.
3. Abakristu babwanaloli batikwingililapo pa fya nkisu
Yesu na aba bikunkonga kifwanikisyo kinunu kumyitu. Belenga Baroma 13:1, 5-7 na 1 Peteri 2:13, 14. Ukufuma apo, ketelela IVIDIYO kangi muyobesanie amalalusyo agha.
-
Nongwa yafiki tukulondiwa ukughaghindika amaboma gha bandu?
-
Ngimba njila siliku isi tubaghile ukunangisya ukuti tukwilambika ku balaghili ba boma?
Pakabalilo ka bwite ifisu fimo fikuyoba ukuti fitikwingililapo pa bwite loli fikubatula aba bikulwa ubwite. Polelo ngimba ukuleka ukwingililapo pa fyakubombiwa fya nkisu kukusanusya isyafiki? Belenga Yohani 17:16. Ukufuma apo, ketelela IVIDIYO kangi muyobesanie ilalusyo ili.
-
Ngimba ukuleka ukwingililapo pa fya nkisu kukusanusya isyafiki?
Ngimba mubaghile ukubomba isyafiki linga iboma likulonda ukuti mubombe simo isi sikususania ni ndaghilo sya Kyala? Belenga Imbombo sya Batumiwa 5:28, 29. Ukufuma apo, ketelela IVIDIYO kangi muyobesanie amalalusyo agha.
-
Linga indaghilo sya boma sikususania ni ndaghilo sya Kyala, ngimba tukulondiwa ukupilikila indaghilo siliku?
-
Ngimba mukwinong’ona ukuti po pa fyakubombiwa filiku ifi Unkristu atikulondiwa ukupilikila indaghilo sya boma?
4. Mungingililangapo pa fya nkisu mminong’ono na mfyakubomba
Belenga 1 Yohani 5:21. Ukufuma apo, ketelela IVIDIYO kangi muyobesanie amalalusyo agha.
-
Ukufwana ni vidiyo iyi, nongwa yafiki Ayenge asalile ukuleka ukwingila nkipani kimo kya ndyali pamo ukubombako ifyakubombiwa fimo ifya nkisu?
-
Ngimba mukwinong’ona ukuti asalile mwamahala?
Ngimba fyakubombiwa filiku ifingi ifi fibaghile ukutupangisya ukuti twingililepo pa fya nkisu? Ketelela IVIDIYO, ukufuma apo muyobesanie amalasyo agha.
-
Ngimba tubaghile ukunangisya bulebule ukuti tutikweghapo ikighaba linga abandu bikupikisana inyangalo?
-
Ngimba tubaghile ukukindilila bulebule ukuleka ukwingililapo pa fya nkisu nalinga ukuti tukutuliwa na isi iboma lisalile ukubomba?
-
Ngimba inkhani isi tukupilikisya ukufuma ku bandu aba tukwangala nabo sibaghile ukupalamasya bulebule pa nkhani yakuleka ukwingililapo pa fya nkisu?
Ngimba mo mfyakubombiwa filiku ifi Unkristu ikulondiwa ukuleka ukwingililapo pa fya nkisu m’minong’ono na mfyakubomba?
UMUNDU YUMO ABAGHILE UKULALUSYA UKUTI: “Nongwa yafiki mutikuyinamila indembela pamo mutikwimba ulwimbo lwa kisu?”
-
Ngimba mubaghile ukwamula bulebule?
IFUNDO INYWAMU
Abakristu bikwiyula fiyo ukuti baleke ukweghapo ikighaba pa fya ndyali m’minong’ono, m’masyu na mfyakubomba.
Ukughomokelamo
-
Ngimba findu fiki ifi tukulondiwa ukubabombela abalaghili ba boma?
-
Nongwa yafiki tutikwingililapo mu fya ndyali?
-
Ngimba fyakubombiwa filiku ifi fibaghile ukutupangisya ukuti twingililengepo pa fyakubombiwa ifya nkisu?
KETA KANGI IFINGI
Ngimba findu fiki ifi tukulondiwa ukubomba ukuti tukindilile ukuleka ukwingililapo pa fya nkisu?
Ngimba imbumba sibaghile ukubomba isyafiki ukuti sitendekesye ngani ingelo isi sibaghile ukubapangisya ukwingililapo pa fya nkisu?
Nongwa yafiki tutikulondiwa ukukipala ikisu kimo?
Keta muno mubaghile ukuleka ukuya ba nkisu linga mukusala ifyakubomba pankhani ya mbombo iyi mukulonda ukubomba.
“Yense Adzasenza Katundu Wake wa Iye Mwini” (Nsanja ya Olonda March 15, 2006)
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
