IKIMANYILO 48
Amusaleghe Abamanyani Mwamahala
Abamanyani abanunu bikututula ukuti tuye balusekelo kangi bikutusubisya pakabalilo ka ndamyo. Loli Ibaibolo likutusoka ukuti bakaya bamanyani bosa aba bo banunu. Po ngimba tubaghile ukusala bulebule abamanyani abanunu? Inong’onelapo amalalusyo aghakukongapo agha.
1. Ngimba abamanyani aba tukusala babaghile ukutupalamasya bulebule?
Tukulonda ukuya na bandu abakuti twangaleghe nabo. Isi sibaghile ukuya nunu pamo mbibi, kali tukwangala nabo maso na maso pamo pa intaneti. Ibaibolo likuyoba ukuti, “wendeghe na bandu aba mahala, ukuti uye wa mahala, uye m’manyani wa bakonyofu ukuti nanuwe wende nu kusofiwa.” (Isya Mbupingamu 13:20) Abamanyani aba banganile nu kumwiputa Yehova, babaghile ukubatula ukuti musegheleleghe kumyake nu kusala kanunu ifindu. Loli abamanyani aba bakaya Baketi ba Yehova babaghile ukutupangisya ukuti tungayagha pabumanyani na Yehova. Yonongwa yake Ibaibolo likutukasya ukuti tusaleghe abamanyani mwamahala. Linga abamanyani bitu banganile Yehova, twesa tubaghile ukusayiwa. Isi sikuya pakubapangisya ukuti “musubisanieghe, kangi muyenganeghe mwe babo batupu bo muno mukubombela.”—1 Batesalonike 5:11.
2. Ngimba abamanyani binu aba mukusala babaghile ukupalamasya bulebule ubumanyani bwinu na Yehova?
Yehova ikuya maso fiyo ukusala abamanyani bake. Ibaibolo likuti “Abagholofu bo ikwikyela nabo.” (Isya Mbupingamu 3:32) Ngimba Yehova ikwipilika bulebule linga tukusala abamanyani aba bakangana umwene? Umwene ikukalala fiyo. (Belenga Yakobu 4:4.) Yehova abaghile ukuhoboka nu kutusala ukuya bamanyani bake linga tukuleka ukwangala na bandu ababibi nu kuya pabumanyani nawe kangi na bosa aba banganile.—Salimo 15:1-4.
MANYILA NYINGI
Keta inongwa iyi tukulondiwa ukusala abamanyani abanunu kangi muno kuyilile kununu ukukusya ubumanyani ubu.
3. Tuyeghe maso mwakuleka ukusala abamanyani ababibi
Abandu aba bakangana Kyala kangi ni fundo syake, bakaya bangali banunu. Ketelela IVIDIYO, ukufuma apo muyobesanie ilalusyo ilyakukongapo ili.
-
Ngimba tubaghile ukwanda bulebule ukwangala na bandu aba bali nu tuyilo utubibi kisita ukumanya?
Belenga 1 Bakorinti 15:33, ukufuma apo muyobesanie amalalusyo agha:
-
Ngimba bandu baliku aba babaghile ukuya bangali ababibi? Nongwa yafiki mukuyoba bo ulu?
Belenga Salimo 119:63, ukufuma apo muyobesanie ilalusyo ili:
-
Ngimba findu fiki ifi mukulondiwa ukuketa mu m’manyani winu?
Apozi iyi yibolile yibaghile ukonanga amaapozi amanunu. Ngimba ukwangala nu mundu yumoywene umbibi abaghile ukutonanga bulebule?
4. Abandu aba tukindene nabo babaghile ukuya bamanyani banunu
Ibaibolo likuyoba isya banyambala babili Abaisraeli, Davidi na Yonatani. Abene bakindene ifyinja ni fyakubomba loli bali pabumanyani ubwamaka fiyo. Belenga 1 Samueli 18:1, ukufuma apo muyobesanie ilalusyo ili:
-
Nongwa yafiki abamanyani bitu utubalilo tosa batikulondiwa ukuya bandu aba tufwene nabo ifyinja pamo ifyakubomba?
Belenga Baroma 1:11, 12, ukufuma apo muyobesanie ilalusyo ili:
-
Nongwa yafiki abamanyani aba banganile Yehova bikukasania?
Mu vidiyo iyi, keta muno undumyana yumo abaghile abamanyani aba akindene nabo ifyinja. Ketelela IVIDIYO, ukufuma apo muyobesanie amalalusyo agha.
-
Mu vidiyo iyi, nongwa yafiki abapapi ba Akil bapasyagha isyakufwana na bamanyani ba Akil ku sukulu?
-
Ngimba ikyakwanda umwene aketagha ifindu fiki mu bamanyani bake?
-
Ngimba umwene abombile isyafiki ukuti aleke ukusulumania?
5. Muno tubaghile ukubaghila abamanyani abanunu
Keta muno tubaghile ukubaghila abamanyani abanunu kangi muno nanuswe tubaghile ukuyila bamanyani banunu. Ketelela IVIDIYO.
Belenga Isya Mbupingamu 18:24 na 27:17, ukufuma apo muyobesanie amalalusyo agha:
-
Ngimba abamanyani babwanaloli bikutulana bulebule?
-
Ngimba muli na bamanyani babwanaloli bo aba? Linga mukaya nabo, ngimba mubaghile ukubomba isyafiki ukuti muye nabo?
Belenga Bafilipi 2:4, ukufuma apo muyobesanie ilalusyo ili:
-
Ukuti muye na bamanyani abanunu, mukulondiwa ukuya m’manyani unnunu. Ngimba mubaghile ukubomba bulebule isi?
Ukuti tuye na bamanyani abanunu, tukulondiwa ukuya m’manyani unnunu
ABANDU BAMO BIKUYOBA UKUTI: “Abamanyani bosa banunu itolo ukukinda ukuleka ukuya na bamanyani.”
-
Ngimba mubaghile ukuyoba isyafiki?
IFUNDO INYWAMU
Linga tukusala kanunu abamanyani bitu, tukunhobosya Yehova kangi nanuswe tukusayiwa.
Ukughomokelamo
-
Nongwa yafiki ukusala abamanyani nkhani yakulondiwa fiyo kwa Yehova?
-
Ngimba bamanyani baliku aba tukulondiwa ukwepukako?
-
Ngimba mubaghile ukubomba isyafiki ukuti muyeghe pabumanyani ubwa maka na bandu abanunu?
KETA KANGI IFINGI
Keta muno abamanyani abanunu babaghile ukututulila pakabalilo ka ndamyo.
“Tuyeghe Pabumanyani Ubwamaka bo Ubumalilo Bukali Ukufika” (Ingasya ya Ndindilili, Novembala 2019)
Keta isi mubaghile ukubomba ukuti musaleghe kanunu abamanyani kangi ukuti muyeghe bamanyani abanunu.
Ngimba mukulondiwa ukumanya isyafiki isyakufwana na bamanyani ba pa intaneti?
Mu nkhani iyakuti “Nkhakhumbanga Chomene Kuŵa na Dada,” keta muno umundu yumo asalile abamanyani abakukindanakindana.
“Baibolo Likusintha Umoyo wa Ŵanthu” (Gongwe la Mulinda, Epulelo 1, 2012)
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
