IKIMANYILO 55
Mukituleghe Ikipanga Kyinu
Pa kisu kyosa, abandu bingi bikuhoboka ukumwiputa Yehova mfipanga fingi. Abene bikundaghisya fiyo panongwa ya bulongosi ubu bikwambilila, kangi abene bikwiyipa ukukitula ikipanga kyabo mu njila isyakukindanakindana. Ngimba syo isi numwe mukubomba pa kipanga kyinu?
1. Ngimba njila siliku isi mubaghile ukubombela akabalilo na maka ghinu ukukitula ikipanga kyinu?
Twesa tubaghile ukukitula ikipanga kyitu. Mwakifwanikisyo, ngimba nkipanga kyinu balimo abakangale pamo aba bikubinabina? Ngimba mubaghile ukubatula ukuti baghiwengepo pa ngomano? Pamo mubaghile ukubatula mu njila iyingi bo ukubulila ifyakulya nu kubatendekesyela pakaya? (Belenga Yakobu 1:27.) Tubaghile ukutulapo kangi ukutendekesya pa Nyumba ya Bunyafyale. Akayapo uyu abaghile ukutufimbilisya ukuti tubombe isi. Ulughano lwitu kwa Kyala kangi na kubakamu bitu lukuya pakutupangisya ukuti “twiningeghe [twibene].”—Salimo 110:3.
Abakamu na balumbu aba bosiwe babaghile ukutulapo pa kipanga mu njila isingi. Abakamu abakusi mwambepo babaghile ukuya batuli nkipanga. Kangi linga akabalilo kakindilepo bikuya bakulumba. Bosa abakamu na balumbu babaghile ukwiyipa pambombo iyakufumusya mwakuya bapayiniya. Abakamu na balumbu bamo bikutulapo ukuyenga amalo aghakwiputilapo pamo ukubuka kuno ikipanga kikulondiwa ubutuli mu njila isingi.
2. Ngimba tubaghile ukubombela bulebule ifyabupe fyitu ukutula ikipanga?
Tubaghile ‘ukumwimika Yehova pakumpa ikyuma kyitu.’ (Isya Mbupingamu 3:9) Tukuya balusekelo linga tukutulapo ikipanga kyitu ni ndalama kangi ni fyabupe ifingi pambombo ya kufumusya pa kisu kyosa. (Belenga 2 Bakorinti 9:7.) Ifyabupe fyitu fikutula kangi linga kubombiwe ingozi sya kipeliwa. Bamo bikusala “ukwibikila kamo” akabalilo kosa ukuti basatulepo. (Belenga 1 Bakorinti 16:2.) Tubaghile ukubika ifyabupe fyitu ukwendela mu mabokosi agha ghikwaghiwa mu Nyumba syakwiputilamo pamo pa donate.pr418.com. Yehova atupele ulusako ulwakunangisya ulughano lwitu kumyake ukufwana na muno tukubombela ni findu fyitu.
MANYILA NYINGI
Keta injila simo isi mubaghile ukukitulila ikipanga kyinu.
3. Tubaghile ukubombela ifindu fyitu
Yehova na Yesu babaghanile abandu aba bikupa mwalusekelo. Mwakifwanikisyo, Yesu alindaghisye unkikulu undondo uyu ali na kandalama kanandi fiyo loli umwene abikile kamo kwa Yehova. Belenga Luka 21:1-4, ukufuma apo muyobesanie amalalusyo agha:
-
Ngimba tukulondiwa ukubika indalama nyingi ukuti tunhobosye Yehova?
-
Ngimba Yehova na Yesu bikwipilika bulebule linga tuli nindumbula yakupa mwalusekelo?
Ukuti tukete muno ifyabupe fyitu fikubombela imbombo, ketelela IVIDIYO. Ukufuma apo muyobesanie ilalusyo ili.
-
Ngimba ifyabupe ifi tukubika fikubombeliwa bulebule ukuti fituleghe ifipanga pa kisu kyosa?
4. Nuswe tubaghile ukutulapo
Nkabalilo aka iyolo, ababombi ba Yehova biyipagha fiyo ukutendekesya amalo ghabo aghakwiputilapo. Loli tukulondiwa ukubomba nyingi ukukinda itolo ikubika indalama. Belenga 2 Syambukulu 34:9-11, ukufuma apo muyobesanie ilalusyo ili:
-
Ngimba Umuisraeli aliwesa abombagha isyafiki ukuti apwelelele inyumba ya Yehova pamo amalo aghakwiputilako?
Ukuti tukete muno Abaketi ba Yehova bikukongela ikifwanikisyo kyabo, ketelela IVIDIYO. Ukufuma apo muyobesanie amalalusyo agha.
-
Nongwa yafiki kwakulondiwa ukutendekesya Inyumba ya Bunyafyale?
-
Ngimba mo mu njila siliku isi mubaghile ukutulilapo?
5. Abakamu bali nimbombo nyingi isi babaghile ukubomba nkipanga
Amalemba ghikubakasya Abakristu abanyambala ukubomba nyingi isi babaghile ukufwanisya ukuti batule ikipanga. Ukuti mukete ikifwanikisyo, ketelela IVIDIYO. Ukufuma apo muyobesanie ilalusyo ili.
-
Mu vidiyo iyi, ngimba Ryan abombile bulebule ukuti iyipe ukubomba imbombo sya pakipanga?
Ibaibolo likulingania isi umundu ikulondiwa ukubomba ukuti aye ntuli pamo nkulumba nkipanga. Belenga 1 Timoti 3:1-13, ukufuma apo muyobesanie amalalusyo agha:
UMUNDU YUMO ABAGHILE UKULALUSYA UKUTI: “Ngimba Abaketi ba Yehova bikusyagha kughu indalama isyakwendesyela imbombo yabo?”
-
Ngimba mubaghile ukwamula bulebule?
IFUNDO INYWAMU
Yehova ikundaghisya fiyo panongwa ya kwiyipa kwitu ukutulapo ikipanga mwakubombela akabalilo, amaka kangi ifindu ifi tuli nafyo.
Ukughomokelamo
-
Ngimba tubaghile ukubombela bulebule amaka ukutula ikipanga?
-
Ngimba tubaghile ukubombela bulebule ifindu ifi tuli nafyo ukutula ikipanga?
-
Ngimba mo munjila siliku isi mukulonda ukutulapo pakipanga?
KETA KANGI IFINGI
Keta inongwa iyi Kyala atikulonda ukuti ababombi bake babikeghe ikya kalongo.
“Ngimba Ibaibolo Likuyoba Isyafiki pa Nkhani ya Kalongo?” (Inkhani ya pawebusayiti)
Keta isi “ukughelaghela ukwiyipa” ku kipanga kukusanusya.
“Kasi ‘Mukunwekera’?” (Gongwe la Mulinda, Seputembala 15, 2014)
Mwaghanile na Baketi abakifu kangi aba bikwiyipa ukupimba amabuku ukuti bakabapeko ababombi abinabo.
Keta muno igulu litu likubombela ni ndalama pambombo yitu ukukinda amatchalichi aghangi.
“Kasi Ndalama Zakwendeskera Ntchito ya Ŵakaboni wa Yehova Zikufuma Nkhu?” (Inkhani ya pawebusayitu)
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
