Linga tuli pampene na babombi abinitu, tukwipilika bo muno Davidi ipilikilagha apa atile: “Keta, bo bununu buki, kangi bo bwikyele buki linga abanyamundu bali ndumbula yimoyene.” (Salimo 133:1) Ukukolelana kwitu kutikubombiwa pakwene itolo. Aliwesa ikubombapo simo ukuti ukukolelana uku kukindilile.

1. Ngimba findu fiki fikubahobosya na bandu ba Kyala?

Linga mubaghile ukubuka nkisu ikingi nu kwaghiwapo pangomano sya kipanga mukabaghila ukupilika injobelo, loli mfyakubombiwa fingi mukuya pakubombelagha pampene na bakamu na balumbu. Nongwa yafiki? Panongwa yakuti tukumanyila Ibaibolo mwakubombela amabuku ghakufwana itolo pa kisu kyosa. Kangi tukughelaghela ukunangisania ulughano. Kisita kweghela kuno tukwikala, Ibaibolo likuyoba ukuti “abandu bisakwiputagha kuli yuyune, bosa bisakunyitikilagha une.”​—Zefaniya 3:9.

2. Ngimba mubaghile ukubomba isyafiki ukuti mukindilile ukukolelana?

“Amughananeghe bwila itolo nindumbula yosa.” (1 Peteri 1:22) Ngimba mubaghile ukuyibombela bulebule ifundo iyi. M’malo mwakuketesya itolo isi abangi bikusoba, tukulondiwa ukuketesya utuyilo twabo utununu. Tutikulondiwa ukwangala na bandu bene aba tubamenye kanunu loli tughelegheleghe ukwangala na aba bafumile mfisu ifingi. Tukulondiwa kangi ukwiyipa ukuti tusosyemo akayilo kakusalana.​—Belenga 1 Peteri 2:17. a

3. Ngimba mukuya pakubomba isyafiki linga mukakolelana aminong’ono nu Nkristu umwininu?

Tukukolelana fiyo, loli tuli basitabugholofu. Utubalilo tumo tukubakalalisya abangi pamo ukubafulasya. Polelo Amasyu gha Kyala ghikutubula ukuti “muswaneghe,” kangi ghikukindilila ukuti “bo muno Kyala abaswile umwe, mo mubombeleghe nanumwe.” (Belenga Bakolosi 3:13.) Utubalilo twingi tukumonangila Yehova, loli umwene ikutuhobokela. Polelo umwene ikughulila ukuti nanuswe tubahobokeleghe abakamu bitu. Linga musyaghenie ukuti mumonangile yumo, mubombepo simo ukuti muyimasye inkhani iyi monangilene.​—Belenga Matai 5:23, 24. b

 MANYILA NYINGI

4. Mukulondiwa ukuleka ukusalana

Tukulondiwa ukubaghana abakamu bitu bosa. Loli tubaghile ukutamiwa ukwangala na bandu aba tukindene nabo inyiho. Ngimba findu fiki fibaghile ukututula? Belenga Imbombo sya Batumiwa 10:34, 35, kangi muyobesanie amalalusyo agha:

• Yehova ikuhoboka na Baketi bake abakufuma mfisu fyosa. Ngimba isi sibaghile ukubakasya bulebule ukufwana namuno mukubaketela abandu aba mukindene nabo inyiho?

• Ngimba kusalana kuliku uku kufumwike nkighaba kyinu uku umwe mutikulonda ukuti kubapalamasyeghe?

Belenga 2 Bakorinti 6:11-13, kangi muyobesanie ilalusyo ili:

• Ngimba mubaghile ukumanyila bulebule ukubaghana abakamu na balumbu bitu bosa?

5. Mubahobokeleghe abininu kangi muyeghe palutengano

Yehova ikutuhobokela nalinga ukuti umwene atikutonangila uswe. Belenga Salimo 86:5, kangi muyobesanie amalalusyo agha:

• Ngimba uluhobokelo lwa Yehova lwapamwanya bulebule?

• Nongwa yafiki mukundaghisya panongwa ya luhobokelo lwake?

• Ngimba fyakubombiwa filiku ifi fibaghile ukutupangisya ukuti tuleke ukukolelana na bangi?

Ngimba tubaghile ukunkonga bulebule Yehova nu kukindilila ukukolelana na bakamu na balumbu bitu? Belenga Isya Mbupingamu 19:11, kangi muyobesanie ilalusyo ili:

• Linga yumo abonangile, ngimba mubaghile ukubomba isyafiki ukuti ifindu fiye kanunu?

 Utubalilo tumo tukubonangila abinitu. Linga isi sibombiwe, ngimba tukulondiwa ukubomba isyafiki? Ketelela IVIDIYO, kangi muyobesanie ilalusyo ili.

• Ukufwana ni vidiyo iyi, ngimba umulumbu abombile isyafiki ukuti aghomokesyepo ulutengano?

 IFUNDO INYWAMU

Mubaghile ukutulapo ukuti ikipanga kiye kyakukolelana mwakubahobokela abangi nu kunangisya ulughano ku bakamu na balumbu binu.

Ukughomokelamo

• Ngimba tubaghile ukumalana bulebule nu kuleka ukusalana?

• Ngimba mubaghile ukubomba isyafiki linga mukindene aminong’ono nu Nkristu umwininu?

• Nongwa yafiki mukulonda ukukonga ikifwanikisyo kya Yehova ikyakubahobokela abangi?