IKIMANYILO 57
Ngimba Tubaghile Ukubomba Isyafiki Linga Tubombile Ubutulanongwa Ubunywamu?
Nalinga ukuti tunganile Yehova ukufuma pasi pandumbula kangi tukughelaghela ukuleka ukubomba ifi fibaghile ukunkalalisya, utubalilo tumo tubaghile ukubomba ubutulanongwa. Loli ubutulanongwa bumo bunywamu ukukinda ubungi. (1 Bakorinti 6:9, 10) Linga mubombile ubutulanongwa ubunywamu, mukumbukeghe ukuti Yehova akabaghila ukuleka ukubaghana, umwene ikulonda ukubahobokela kangi nu kubatula.
1. Ngimba tukulondiwa ukubomba isyafiki ukuti Yehova atuhobokele?
Bosa aba banganile Yehova bikwipilika ikitima linga basyaghenie ukuti babombile ubutulanongwa ubunywamu. Loli bikusubisiwa ukwendela mu isi Yehova afingile ku bandu bake. Umwene ikuyoba ukuti “Napa linga imbibi syinu siye ngesefu bo li lilopa nisakusipelagha ukuya nyelu bo lulufube.” (Yesaya 1:18) Linga tulapile ukufuma mundumbula, Yehova ikuya pakutuhobokela. Ngimba tubaghile ukulapa bulebule? Tukwipilika ikitima pa isi twabombile kangi tukuleka ukwandisya kangi nu kunsuma Yehova ukuti atuhobokele. Po tukulondiwa ukughelaghela ukuti tuchenje isi twabombile nu kwanda ukukonga ifundo sya Yehova.—Belenga Yesaya 55:6, 7.
2. Ngimba Yehova ikubombela bulebule abakulumba ukuti batutule linga tubombile ubutulanongwa?
Linga tubombile ubutulanongwa, Yehova ikutubula ukuti ‘tubabilikileghe abakulumba ba kipanga.’ (Belenga Yakobu 5:14, 15.) Abakulumba aba banganile Yehova kangi ni ng’osi syake. Abene babaghile ukututula ukuti tughomolelepo ubumanyani bwitu na Yehova.—Bagalatia 6:1.
Ngimba abakulumba bikututula bulebule linga tubombile ubutulanongwa ubunywamu? Abakulumba babili pamo batatu bikuya pakubombela Amalemba ukutunangisya ukuti isi tubombile mbibi. Abene bikuya pakutupa ubulongosi ubununu ubu bukuya pakututula ukuti tungisa kwandisyagha kangi ukubomba ubutulanongwa. Abene babaghile ukutwimika ukubomba imbombo simo isya nkipanga ukufika apa ubumanyani bwitu na Yehova bwandile kangi ukuya bwamaka. Ukuti bafighilile ikipanga kutuyilo utubibi, abakulumba bikuya pakumwepusya umundu uyu atulile inongwa linga ikukana ukulapa.
MANYILA NYINGI
Keta muno mubaghile ukundaghisya Yehova panongwa yakututula linga tubombile ubutulanongwa ubunywamu.
3. Ukufumbula isi tubombile kubaghile ukutupangisya ukughomokesyapo ubumanyani bwitu
Ubutulanongwa bosa ubu tubaghile ukubomba bukunkalalisya Yehova, po tukulondiwa ukufumbula ku myake isi tubombile. Belenga Salimo 32:1-5, ukufuma apo muyobesanie ilalusyo ili:
-
Ngimba pali bununu buliku linga tukufumbula ubutulanongwa ubu tubombile kwa Yehova ukukinda ukufisa?
Ukongelela pa kufumbula ubutulanongwa bwitu kwa Yehova, tukwipilika kanunu linga abakulumba batutulile. Ketelela IVIDIYO, ukufuma apo muyobesanie ilalusyo ili.
-
Ukufwana ni vidiyo iyi, ngimba abakulumba balintulile bulebule Canon ukughomokela kwa Yehova?
Tukulondiwa ukuya babuke ku bakulumba kangi ukuyoba ubwanaloli, abene balipo ukuti batutule. Belenga Yakobu 5:16, ukufuma apo muyobesanie ilalusyo ili:
-
Nongwa yafiki ukuyoba ubwanaloli ku bakulumba kukupangisya ukuti batutule?
Mufumbuleghe ubutulanongwa bwinu, muyobeghe ubwanaloli ku bakulumba, kangi mwambilileghe ubutuli bwa lughano lwa Yehova
4. Yehova ikunangisya ikisa ku mundu untulanongwa
Linga umundu uyu abombile ubutulanongwa ubunywamu ikukana ukukonga ifundo sya Yehova, ikwepusiwa nkipanga. Linga epusiwe, tutikwangala nawe pamo ukuyoba nawe. Belenga 1 Bakorinti 5:6, 11, ukufuma apo mwamule ilalusyo ili:
-
Bo muno yisiti yikututumukisya fulawo, ngimba ukwangala nu mundu uyu ikukana ukulapa, kubaghile ukupalamasya bulebule ikipanga?
Abandu bingi aba bepusiwemo nkipanga linga akabalilo kakindile bikughomokelamo panongwa ya lufundo ulu bikwambilila nalinga ukuti lukubaba. Nongwa yafiki? Nalinga ukuti ukwepusiwa kukubaba, ulufundo ulu lukubatula ukwinong’onela ukuti isi babombile syali mbibi.—Salimo 141:5
Ngimba muno Yehova ikubombela na batulanongwa sikunangisya bulebule ukuti umwene wamahala, wakisa kangi walughano?
5. Yehova ikutuhobokela linga tulapile
Yesu abombile ikifwanikisyo ukuti atutule ukuti tupilikisye muno Yehova ikwipilikila linga umundu alapile. Belenga Luka 15:1-7, ukufuma apo muyobesanie ilalusyo ili:
-
Ngimba isi sikubamanyisya isyafiki isyakufwana na Yehova?
Belenga Ezekieli 33:11, ukufuma apo muyobesanie ilalusyo ili:
-
Ngimba findu fiki ifi tukulondiwa ukubomba ukuti tunangisye ukuti tulapile?
Ukufwana itolo nu ntimi, Yehova ikusipasikisya fiyo ing’osi syake
ABANDU BAMO BIKUYOBA UKUTI: “Ngutila ukubabula abakulumba ubutulanongwa ubu mbombile panongwa yakuti bikuya pakunyepusya nkipanga.”
-
Ngimba mubaghile ukumbula isyafiki umundu uyu ali na minong’ono bo agha?
IFUNDO INYWAMU
Linga tubombile ubutulanongwa kangi tulapile nu kuleka ukwandisya kangi ukubomba, Yehova ikuya pakutuhobokela.
Ukughomokelamo
-
Nongwa yafiki kununu ukufumbula ubutulanongwa bwitu kwa Yehova?
-
Ngimba tukulondiwa ukubomba isyafiki ukuti ubutulanongwa bwitu buhobokeliwe?
-
Linga tubombile ubutulanongwa ubunywamu, nongwa yafiki tukulondiwa ukusuma uluhobokelo ku bakulumba?
KETA KANGI IFINGI
Keta muno umundu yumo akyaghile ikisa kya Yehova iki kikuyobiwa pa Yesaya 1:18.
Ngimba imbatiko ya kwepusya umundu nkipanga, yikuntula bulebule umundu aliwesa?
“Muno Abakulumba Bikunangisyila Ulughano Nikisa Kubatulanongwa”(Ingasya ya Ndindilili, Ogasiti 2024)
Mundinganie umundu yumo uyu akaya Nketi inongwa iyi umundu ikwepusiwa nkipanga.
“Muno Abakulumba Babaghile Ukubatulila aba Bepusiwe Nkipanga” (Ingasya ya Ndindilili, Ogasiti 2024)
Mu nkhani iyakuti “Nkhawona Kuti Nchiwemi kuwelera kwa Yehova,” keta inongwa iyi unnyambala yumo uyu alekile ukumbombela Yehova alipilikile ukuti Yehova angomokisye kumyake.
“Baibolo Likusintha Umoyo wa Ŵanthu” (Gongwe la Mulinda, Epulelo 1, 2012)
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
