IKIMANYILO 60
Amukindilileghe Ukukusya Ubumanyani Bwinu na Yehova
Ukufuma apa mwalyandile ukumanyila ibuku ili, mumanyile nyingi isyakufwana na Yehova. Ifindu ifi mumanyile fibatulile ukungana fiyo umwene, kangi fibapangisye ukuti mwiyipe nu kosiwa. Linga sikaya syo isi mubombile, lumo mukwinong’ona ukuti syo mukuya pakubomba nkyeni. Loli mutikulondiwa ukuleka ukuseghelela kwa Yehova panongwa yakuti mosiwe. Mubaghile ukukindilila ukuseghelela kumyake kwa bwila na bwila. Ngimba mubaghile ukubomba bulebule isi?
1. Nongwa yafiki mukulondiwa ukukindilila ukukusya ubumanyani bwinu na Yehova?
Nongwa yafiki tukulondiwa ukwiyipa fiyo ukuti tukusyeghe ubumanyani bwitu na Yehova? “Ukuti tungisakwepukangako” ku myake. (Bahiburi 2:1) Ngimba findu fiki fibaghile ukututula ukuti tumbombeleghe Yehova mbusubiliwa? Tubaghile ukwiyipa fiyo ni mbombo iyakufumusya nu kuketa injila isingi isi tubaghile ukumbombela Yehova mwakwiyipa. (Belenga Bafilipi 3:16.) Ukumbombela Yehova kyo kindu kyakulondiwa fiyo pa bumi bwitu.—Salimo 84:10.
2. Ngimba findu fiki ifingi ifi tukulondiwa ukukindilila ukubomba?
Nalinga ukuti mumalile ukumanyila ibuku ili, loli mukulondiwa ukukindilila ukumanyila isya Yehova. Ibaibolo likuyoba ukuti “mumfwaleghe umundu umpya.” (Baefesi 4:23, 24) Bo mukukindilila ukumanyila Amasyu gha Kyala nu kwaghiwapo pa ngomano, mukuya pakumanyila ifindu ifipya ifyakufwana nu tuyilo twa Yehova. Keta injila isi mubaghile ukukonga utuyilo twake pa bumi bwinu. Amukindilile ukuchenja ifindu pa bumi bwinu ukuti munhobosyeghe Yehova.
3. Ngimba Yehova ikuya pakubatula bulebule ukuti mukindilile ukukula mwambepo?
Ibaibolo likuyoba ukuti: “Kyala . . . isakubapelagha bapelelesye. Isakubakasyagha, isakubapagha amaka kangi isakubapelelagha ukwitokeka.” (1 Peteri 5:10) Twesa tukwaghana ningelo. Loli Yehova ikutupapo isi tukulondiwa ukuti tusitole ingelo. (Salimo 139:23, 24) Umwe afingile ukuti ikuya pakubapapo amaka nu bwighane bwakumbombela.—Belenga Bafilipi 2:13.
MANYILA NYINGI
Keta muno mubaghile ukukindilila ukukula mwambepo kangi muno Yehova abaghile ukubasayila.
4. Amukindilileghe ukuyobesania nu mmanyani winu wapandumbula
Ukwiputa nu kumanyila Ibaibolo fibapangisye ukuti muye mmanyani wa Yehova. Ngimba ukubomba isi, kubaghile ukubatula bulebule ukuseghelela kumyake?
Belenga Salimo 62:8, kangi muyobesanie ilalusyo ili:
-
Ukuti mukusye ubumanyani bwinu na Yehova, ngimba mubaghile ukuchenja bulebule muno mukwiputila na isi mukuyoba ndwiputo?
Belenga Salimo 1:2, kangi muyobesanie ilalusyo ili:
-
Ukuti mukusye ubumanyani bwinu na Yehova, ngimba mubaghile ukubomba isyafiki ukuti mukasiweghe pakubelenga Ibaibolo?
Ngimba mubaghile ukubomba isyafiki ukuti mukasiweghe pakubelenga Ibaibolo kwa pamwibene? Ukuti mukete ifundo isingi, Ketelela IVIDIYO, kangi muyobesanie amalalusyo agha.
-
Ngimba sakisyo liliku ilya mu vidiyo iyi ili mubaghile ukulibombela?
-
Ngimba nkhani siliku isi mubaghile ukumanyila?
5. Mutendekesye imbatiko ya muno mubaghile ukumbombela Yehova munjila isyakukindanakindana
Ukuya nu bwighane bwakubomba nyingi mu mbombo ya Yehova kukuya pakubatula ukukula mwambepo. Ketelela IVIDIYO, kangi muyobesanie ilalusyo ili.
-
Ukufwana ni vidiyo iyi, ngimba Cameron asayiwe bulebule panongwa yakuya nu bwighane bwakubomba ifindu fya mwambepo?
Akaya aliwesa uyu abaghile ukubuka nkisu ikingi ukwakufumusya. Nalinga sili bo ulu, twesa tubaghile ukuya nu bwighane bwakubomba ifindu fya mwambepo. Belenga Isya Mbupingamu 21:5, kangi keta ifi mubaghile ukubomba . . .
-
nkipanga.
-
mu bufumusi.
Ngimba ifundo ya mu vesi ili yibaghile ukubatula bulebule ukuti mufwanisye ubwighane bwinu?
Fimo ifi mubaghile ukubomba
-
Musaleghe amasyu amanunu aghakuyoba ndwiputo.
-
Mubelenge Ibaibolo lyosa.
-
Mum’manye aliwesa nkipanga.
-
Mwande ukumanyila Ibaibolo nu mundu.
-
Mubombeghe ubupayiniya bwa kabalilo pamo bwakabalilo kosa.
-
Linga muli nkamu mukulondiwa ukuya nu bwighane bwakuya ntuli nkipanga.
6. Amuhobokeghe nu bumi kwa bwila na bwila
Belenga Salimo 22:26, kangi muyobesanie ilalusyo ili:
-
Ngimba mubaghile ukubomba isyafiki ukuti muhobokeghe nu bumi kwa bwila na bwila?
IFUNDO INYWAMU
Amukindilile ukukusya ubumanyani bwinu na Yehova nu kuya nu bwighane bwakubomba ifindu fya mwambepo. Polelo mukuya pakuhobokagha nu bumi kwa bwila na bwila.
Ukughomokelamo
-
Nongwa yafiki mubaghile ukuya nu lusubilo ukuti Yehova ikuya pakubatula ukuti mumbombeleghe mbusubiliwa?
-
Ngimba mubaghile ukukusya bulebule ubumanyani bwinu na Yehova?
-
Ngimba ukuya nu bwighane bwakubomba ifindu fya mwambepo kubaghile ukubatula bulebule ukukula mwambepo?
KETA KANGI IFINGI
Ngimba Yehova ikuketa ikindu kiliku ukuya kyapadela, ukwiyipa kumyake kwa kabalilo akanandi itolo pamo ukuya nsubiliwa kwa bumi bwitu bosa?
Nalinga umbombi wa Yehova abaghile ukuleka ukuya walusekelo, keta muno abaghile ukulwaghila kangi.
Amulwaghe Kangi Ulusekelo Mwakumanyila nu Kwinong’onelapo (5:25)
Ngimba mubaghile ukubomba isyafiki ukuti muye nu bwighane bwakubomba ifindu fya mwambepo, kangi ngimba mubaghile ukufwanisya bulebule ubwighane ubu?
“Fiskani Vilato Vinu Vyauzimu Kuti Muchindike Mlengi Winu” (Gongwe la Mulinda, Julayi 15, 2004)
Nongwa yafiki kwakulondiwa ukuti Unkristu aye nkusi mwambepo, kangi ngimba abaghile ukubomba isyafiki ukuti aye nkusi mwambepo?
“Tiŵe Ŵakukhwima Chifukwa “Zuŵa Likuru la Yehova Liri Pafupi’” (Gongwe la Mulinda, Meyi 15, 2009)
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
