Ngimba Nitendekisye?
Ngimba Nitendekisye Ukufumusya Pampene Nikipanga?
Mubaghile ukwitendekesya ukuya mfumusi uyu akosiwa linga . . .
Mukumanyila Ibaibolo akaballilo kosa, mukwiputa, kangi linga mukwaghiwapo pangomano.
Musighanile nu kusubila isi mukumanyila kangi nu kubabulako abandu.
Munganile Yehova nu kuya pabumanyani na bosa aba banganile.
Musokile ku fya ndyali kangi ni fipanga fyabutungulu.
Mukubomba ifindu mwakufwana ni fundo sya Yehova nu kuya ni kinyonywa ikyakuya yumo wa Baketi ba Yehova.
Linga mukuketa ukuti mwitendekisye ukufumusya pampene nikipanga, um’manyisi winu awa Baibolo ikuya pakupanga imbatiko iyakuti mwaghanile na bakulumba ukuti muyobesanie linga muli bakwitikisiwa ukuti muye mfumusi uyu akali ukosiwa.
Ngimba Nitendekisye Ukosiwa?
Mubaghile ukwitendekesya ukuti mosiwe linga . . .
Muli mfumusi uyu akali ukosiwa.
Mukubomba imbombo iyakufumusya muno mubaghile ukufwanisyila.
Mukukolelana nu kukonga ubulongosi ubwakufuma ku “mbombi unsubiliwa nu wamahala”—Matai 24:45-47.
Mwiyipile mwibene kwa Yehova ndwiputo kangi nu kulonda ukubombela kwa bwila na bwila.
Linga mukwipilika ukuti mwitendekisye ukosiwa, um’manyisi winu awa Baibolo ikuya pakupanga imbatiko iyakuti mwaghanile na bakulumba ukuti muyobesanie linga muli bakwitikisiwa ukuti mosiwe.
