Muno ukumanyila Ibaibolo kubaghile ukubakasyila
Ikyakwanda inong’onela isi, ukufuma apo ketelela IVIDIYO.
IKIGHABA IKYAKWANDA
Ukuti mwitendekesye ikimanyilo kilikyosa, belenga ikighaba ikyakwanda. Amalalusyo agha ghalembiwe na masyu amatitu (A) na malemba (B) ghikulingania ifundo inywamu. Mukulondiwa ukumanya ukuti amalemba ghamo ghalembiwe ukuti “belenga.”
IKIGHABA IKYAPAKATI
Amasyu aghakwanda (C) pasi pa kamutu akakuti Manyila Nyingi pikulingania ifundo iyakukongapo. Utumitu utunandi (D) tukulingania isi tukuya pakuyobesania. Mubelengeghe pampene nu mmanyisi winu amalemba, mwamuleghe amalalusyo kangi muketeleleghe amavidiyo.
IVIDIYO Amabokosi agha ghikubalongosyela ku mavidiyo agha ghikulingania isi mukuyobesania. Amavidiyo ghamo ghikunangisya ifya kubombiwa ifya bwanaloli. Ghamo madilama itolo agha ghatikunangisya ifya kubombiwa ifya bwanaloli pamo abandu banaloli. Loli ghikunangisya itolo muno ifindu fikuyila.
Muketeghe ifithuzi na ifi fikusanusya (E), kangi mwinong’oneleghe isi mukuya pakuyoba pakighaba ikyakuti Abandu Bamo Bikuyoba Ukuti (F).
IKIGHABA IKYABUMALILO
Ifundo Inywamu nu Kughomokelamo (G) mumalisye ikimanyilo mwa kuyoba ifundo inywamu nu kughomokelamo. Mulembeghe ideti apa mumalile ukumanyila. Ifyakuti mubombe (H) fikuya pakubatula ukuti mukindilileghe ukumanyila. Keta Kangi Ifingi (I) mukuya pakuyagha ifundo yakongelelapo iyi yikuya pakubapangisya ukuti mubelenge pamo ukuketelela ividiyo.
Muno mubaghile ukughaghila amavesi gha mu Baibolo
Ibaibolo lili na mabuku amanandinandi 66. Kangi liyabiwe mfighaba fibili: Amalemba gha Kihiburi na-Kiaramu (“Ulwitikano Ulukulu”) kangi na malemba gha Kigiriki (“Ulwitikano Ulupya”).
Linga muketile ilemba bo mukumanyila, likunangisiwa ni ngamu ya Buku lya mu Baibolo (A), chaputala (B), kangi ni vesi pamo amavesi (C).
Mwakifwanikisyo, Yohani 17:3 kokuti ibuku lya Yohani, chaputala 17, vesi 3.
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
