IKIMANYILO 01
Ngimba Ibaibolo Libaghile Ukubatula Bulebule?
Twesa tukulonda ukumanya nyingi isyakufwana nu bumi, ukutamiwa, ubufwe kangi namuno ifindu fisakuyila nkyeni. Tukutamiwa kangi naminong’ono isiku lililyosa muno tubaghile ukusyaghila indalama isyakuti situtule pa bumi bwitu kangi nukuya nimbumba iyalusekelo. Abandu bingi baketile ukuti Ibaibolo litikubatula ukwamula amalalusyo ghabo ghene loli likubapa kangi ubulongosi bwa muno babaghile ukuyila nu bumi ubununu. Ngimba mukwinong’ona ukuti Ibaibolo libaghile ukututula?
1. Ngimba malalusyo ghaliku ghamo agha Ibaibolo likwamula?
Ibaibolo likwamula amalalusyo aghakulondiwa bo aghakuti: Ngimba ubumi bwalyandile bulebule? Nongwa yafiki tuli nu bumi? Nongwa yafiki abandu abanunu bikutamiwa? Ngimba findu fiki fikubombiwa linga umundu afwile? Linga aliwesa ikulonda ulutengano, nongwa yafiki ubwite buli paliposa? Ngimba findu fiki fikuya pakubombiwa nkyeni? Ibaibolo likwamula amalalusyo agha na ghangi kangi likwamula mwakubafika abandu pandumbula.
2. Ngimba Ibaibolo libaghile ukututula bulebule ukuti tuhobokeghe nu bumi?
Ibaibolo likutupa ubulongosi ubununu fiyo. Mwakifwanikisyo, likutumanyisya muno imbumba sibaghile ukuyila syalusekelo. Likutupa ubulongosi bwa muno tubaghile ukubombela linga tukutamiwa aminong’ono nu kuhoboka nimbombo yitu. Mukuya pakumanyila isi Ibaibolo likumanyisya isyakufwana ni nkhani isi ni singi. Mukuya pakwitikisya ukuti ‘ghosa amalemba manunu . . . ukumanyikisya.’—2 Timoti 3:16.
Ibuku ili likingila m’malo mwa Baibolo. M’malo mwake likubakasya ukumanyila Ibaibolo. Polelo tukubakasya ukubelenga amalemba agha ghali nkimanyilo kilikyosa nu kufwanikisya na isi mukumanyila.
MANYILA NYINGI
Keta muno Ibaibolo libatulile abandu, muno mubaghile ukuhobokela linga mukubelenga kangi inongwa iyi tukulondiwa ubutuli ukuti tulipilikisye kanunu.
3. Ibaibolo libaghile ukutulongosya
Ibaibolo lifwene nulumuli ulwa maka. Tubaghile ukubombela Ibaibolo ukuti litutule ukusala kanunu ifindu nu kututula ukuketa ifyakukongapo fya isi tusalile.
Belenga Salimo 119:105, kangi muyobesanie amalalusyo agha:
-
Ngimba uyu alembile salimo ili aliketagha bulebule Ibaibolo?
-
Ngimba mukuliketa bulebule Ibaibolo?
4. Ibaibolo libaghile ukwamula amalalusyo ghitu
-
Mu vidiyo iyi, ngimba malalusyo ghaliku agha unkikulu uyu ali nagho?
-
Ngimba ukumanyila Ibaibolo kwalintulile bulebule?
Ibaibolo likutukasya ukuti tulalusyeghe amalalusyo. Belenga Matai 7:7, ukufuma apo muyobesanie ilalusyo ili:
-
Ngimba malalusyo ghaliku agha muli nagho agha Ibaibolo libaghile ukwamula?
5. Mubaghile ukuhoboka ukubelenga Ibaibolo
Abandu bingi bikuhoboka ukubelenga Ibaibolo kangi likubatula fiyo. Ketelela IVIDIYO, ukufuma apo muyobesanie amalalusyo agha.
-
Mu vidiyo iyi, ngimba abakilumyana bipilikagha bulebule bo bikubelenga Ibaibolo?
-
Nalinga ukuti bakighana ukubelenga, nongwa yafiki bighanile ukubelenga Ibaibolo?
Ibaibolo likuyoba ukuti libaghile ukutupako ubulongosi bwakukasya nu kutupa ulusubilo. Belenga Baroma 15:4, ukufuma apo muyobesanie ilalusyo ili:
-
Ngimba isi Ibaibolo lifingile isya lusubisyo nu lusubilo sikubahobosya?
6. Abangi babaghile ukututula ukuti tupilikisye Ibaibolo
Ukongelela pakubelenga Ibaibolo pamwibene, abandu bingi basyaghenie ukuti ukuyobesania na bangi kwakutula fiyo. Belenga Imbombo sya Batumiwa 8:26-31, ukufuma apo muyobesanie ilalusyo ili:
-
Ngimba tubaghile ukulipilikisya bulebule Ibaibolo?—Keta amavesi 30 na 31.
Umundu wa ku Etiopia alondagha ubutuli ukuti apilikisye Amalemba. Abandu bingi bikuketa ukuti kwakutula fiyo ukuyobesania na bangi isya mu Baibolo
ABANDU BAMO BIKUYOBA UKUTI: “Linga tukumanyila Ibaibolo tukutagha itolo akabalilo.”
-
Ngimba mubaghile ukuyoba isyafiki? Nongwa yafiki?
IFUNDO INYWAMU
Ibaibolo likutupa ubulongosi pa bumi bwitu, likwamula amalalusyo aghakulondiwa kangi likubasubisya nu kubapa abandu ulusubilo.
Ukughomokelamo
-
Ngimba bulongosi buliku ubu tubaghile ukubwagha mu Baibolo?
-
Ngimba malalusyo ghamo ghaliku agha Ibaibolo likwamula?
-
Ngimba mukulonda ukumanyila isyafiki ukufuma mu Baibolo?
KETA KANGI IFINGI
Keta muno ubulongosi bwa mu Baibolo bukutulila amasiku agha.
“Baibolo Lili na Vinjeru Vyambura Kumara” (Gongwe la Mulinda Na. 1 2018)
Keta muno Ibaibolo lyalintulile unnyambala uyu atamiwe naminong’ono ukufuma apa ali mwana.
Keta muno ubulongosi bwa mu Baibolo bubaghile ukutulila imbumba.
“Vinthu 12 Ivyo Vingawovwira Banja Kuti Liŵe Lakukondwa” (Wukani! Na. 2 2018)
Manyila muno Ibaibolo libatulile abandu aba bali naminong’ono amabibi pakuyoba isya uyu ikulaghila ikisu.
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
