IKIMANYILO 02
Ibaibolo Likutupa Ulusubilo Ulwa Bumi Ubununu Nkyeni
Abandu bingi pa kisu bikwaghana ni ndamyo isi sikubapangisya ukuti bangahobokagha, batamiweghe aminong’ono kangi ukuti bipilikeghe ifyakubaba. Ngimba mwaghenemo nifyakubombiwa bo ifi fikubapangisya ukuti mwaghaneghe ni ndamyo isi? Pamo mukutamiwa panongwa ya bubine pamo panongwa yakuti umundu uyu munganile afwile. Mubaghile ukwilalusya ukuti, ‘Ngimba ubumi bwisakuya kanunu?’ Ibaibolo likwamula kanunu ilalusyo ili.
1. Ngimba lusubilo luliku ulu Ibaibolo likutupa?
Ibaibolo likutubula ikifukwa iki kikupangisya ukuti pa kisu paye indamyo nyingi kangi likutubula amasyu amanunu aghakuti mwalululu Kyala ikuya pakusosyapo indamyo syosa. Isi Ibaibolo lifingile sibaghile ukutupa “ulusubilo ulununu ulwa nkyeni.” (Belenga Yeremiya 29:11, 12 NWT.) Isi Ibaibolo lifingile sikututula ukwifimbilisya ku ndamyo isi tukwaghana nasyo lino, ukuya naminong’ono amanunu nu kukindilila ukuya balusekelo
2. Ngimba Ibaibolo lifingile ukuti ifindu fisakuya bulebule nkyeni?
Ibaibolo likuyoba ukuti nkyeni “ubufwe nalinga bo busulumanie, nalinga ko kukuta pamo ko kubaba fitisakuyangako kangi.” (Belenga Ubusetuli 21:4.) Ubulondo, ubusita bugholofu, ububine nu bufwe syo ndamyo simo isi sikupangisya abandu ukuti baleke ukuya nulusubilo. Nkyeni indamyo isi sitisakuyako kangi. Ibaibolo lifingile ukuti abandu bisakuhoboka nu bumi mu Paladaiso pa kisu.
3. Ngimba mubaghile ukusimikisya bulebule ukuti isi Ibaibolo lifingile sikuya pakufwanisiwa?
Abandu bingi bikusubila ukuti ifindu ifinunu fikuya pakubombiwa loli bakaya nulusubilo ukuti fikuya pakufwanisiwa naloli. Loli isi Ibaibolo lifingile sikindene naminong’ono gha bandu. Tubaghile ukuya nulusubilo mu isi likuyoba linga ‘tukufufuza Amalemba.’ (Imbombo sya Batumiwa 17:11) Linga mukumanyila Ibaibolo, mukuya pakusala mwibene ukusubila isi Ibaibolo likuyoba isya nkyeni.
MANYILA NYINGI
Inong’onela ifindu fimo ifi Yehova afingile nkyeni. Keta muno ulusubilo lwa mu Baibolo lukubatulila abandu amasiku agha.
4. Ibaibolo lifingile ukuti tubaghile ukwikala nu bumi kwa bwila na bwila kisitakwaghana ni ndamyo
Keta ifindu fimo ifi Ibaibolo lifingile. Ngimba lufingo luliku ulu mukulonda ukuti lusafwanisiwe? Nongwa yafiki lwakulondiwa fiyo kumyinu?
Belenga amalemba agha ghabikiwe kangi inong’onelapo amalalusyo agha:
-
Ngimba amalemba agha ghikubapa ulusubilo? Ngimba mukwinong’ona ukuti aba mumbumba na bamanyani binu bope babaghile ukusayiwa linga bikumanyila amalemba agha?
Inong’onela muno ubumi bukwisakuyila nkisu ikipya muno:
|
NAYUMO . . . |
ALIWESA . . . |
|---|---|
|
|
|
|
|
|
|
|
|
|
5. Isi Ibaibolo lifingile sibaghile ukuchenja muno abandu bikwinong’onela
Abandu bingi bikuwa amaka kangi bikukalala panongwa ya ndamyo isi bikwaghana nasyo. Bamo bikwiyula fiyo ukuti baye nu bumi ubununu. Keta muno isi Ibaibolo lifingile isyakuti ifindu fisakuya kanunu, sikubatulila abandu amasiku agha. Ketelela IVIDIYO, ukufuma apo muyobesanie amalalusyo agha.
-
Mu vidiyo iyi, ngimba findu filiku ifisitabugholofu ifi Rafika alyaghene nafyo?
-
Nalinga ukuti ifindu ifisitabugholofu ifi alyaghene nafyo fikamalike, ngimba Ibaibolo lyalintulile bulebule?
Linga tukusubila isi Ibaibolo lifingile pakuyoba isya isi sisakubombiwa nkyeni, tubaghile ukukasiwa fiyo nukuya balusekelo nalinga tukwaghana ni ndamyo. Belenga Isya Mbupingamu 17:22 na Baroma 12:12, ukufuma apo muyobesanie amalalusyo agha:
-
Ngimba mukwinong’ona ukuti amasyu ghalusubilo agha ghikwaghiwa mu Baibolo ghabaghile ukubatula pa bumi bwinu? Nongwa yafiki mukwinong’ona bo ulu?
ABANDU BAMO BIKUYOBA UKUTI: “Isi Ibaibolo likuyoba isyakufwana na nkyeni syakutamya fiyo ukusisubila.”
-
Nongwa yafiki kwakulondiwa ukuti mufufuze mwibene?
IFUNDO INYWAMU
Ibaibolo lifingile ifindu ifyakuhobosya ifi fisakubombiwa nkyeni. Isi sikutupangisya ukuti tuyeghe nulusubilo kangi ukuti tuhobokeghe nu bumi lino.
Ukughomokelamo
-
Nongwa yafiki abandu bikulondiwa ukumanya isi Kyala afingile?
-
Ngimba Ibaibolo likuyoba isyafiki isya nkyeni?
-
Ngimba ukuya nulusubilo lwa nkyeni kubaghile ukubatula bulebule lino?
KETA KANGI IFINGI
Keta muno ulusubilo lubaghile ukubatulila linga mwaghene ni ndamyo.
“Kasi Chigomezgo Chingatovwira Wuli?,” (Wukani!, Epulero 22, 2004)
Keta muno ulusubilo lwa nkyeni lubaghile ukubatulila aba bikubina imbungo iyi yitikukola unkota.
“Kasi Baibolo Lingamovwira Uyo Wali na Nthenda Yambura Kukonda Munkhwala?” (Inkhani ya pawebusayiti)
Bo mukuketelela ividiyo ya nyimbo yakukongapo iyi, amwinong’onele ukuti umwe nimbumba yinu mukuhoboka nu bumi mu Paladaiso.
Belenga isya uyu abombagha ifya mabungwe muno achenjile bo amanyile isi Ibaibolo lifingile isya nkyeni.
“Sono Nilije Maghanoghano Ghakuti Nisinthe Vinthu mu Charu” (Gongwe la Mulinda, Julayi 1, 2013)
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
