ABA BIKWAMBILILA ABAHESYA Aba bikwambilila abahesya balipo ukuti babatuleghe umwe. Tukubasuma ukuti mukolelaneghe nabo pa isi bikuyoba pa nkhani ya kwimika ifyakwendelapo, muno mubaghile ukwendela, ukwikala ni findu ifingi.

ULOSYO Imipando ya aba bikuya pakosiwa yikuya pakubikiwa pankyeni pa pulatifomu. Aba bikuya pakosiwa bikulondiwa ukwikala pa malo agha bo inkhani ya losyo yikali ukwanda pa Chobeluka nulubunju. Wesa uyu ikuya pakosiwa iseghe nimyenda yake iyi ikuya pakufwala linga ikosiwa.

IFYABUPE Ukuti tughaghe amalo aghakubombelapo ulukomano ulu, ifyakukusyila amasyu, ifibombelo fyakuketelapo amavidiyo ni findu ifingi ifi fipangisye ukuti ulukomano ulu luye lwakuhobosya nukutuseghelesya kwa Yehova, fyeghile indalama nyingi. Ifyabupe finu fikutula pambombo iyi kangi niya pa kisu kyosa. Amabokosi gha fyabupe, ghabikiwe m’malo mingi pa lukomano ulu. Ifyabupe finu fyosa fikundaghisiwa kangi Akabughatila Kakulongosya kikulonda ukubandaghisya fiyo mwesa panongwa yandumbula yinu iyakupa ukuti mutulepo pa findu fya Bunyafyale.

IDIPATIMENTI IYAKUTULA PANGOZI Kumbuka ukuti, idipatimenti iyi yikutula PENE LINGA INGOZI YIBOMBIWE.

IFYAKUYONGA NA IFI FYAGHIWE Linga musalile ifindu ifi fikaya finu, mukabike ku Dipatimeni ya Ifyakuyonga na Ifi Fyaghiwe. Linga mutaghile fimo, buka mukakete ku dipatimenti iyi. Abana aba bikwendakwenda kisita bapapi na aba bayongile, batwaliweghe ku dipatimenti iyi. Loli ukuti ifi fileke ukubombiwa, mukulondiwa ukubaketesya abaninu nukuya nabo pabupipi.

AMALO GHAKWIKALA Tukubasuma ukuti mubinong’oneleghe abangi. Mukumbukeghe ukuti mubaghile ukubasungila amalo bene aba mumbumba yinu, aba mwisile nabo, aba mukwikala nabo inyumba yimoyene, pamo aba mukumanyila nabo Ibaibolo. Tukubasuma ukuti mungabikagha ifindu finu pamalo agha mukabasungila nabamo.

UBUBOMBELI BWA KWIYIPA Linga mukulonda ukuti mutulepo pambombo isya palukomano ulu, tukubasuma ukuti mubabule aba mu Dipatimenti ya Kutula ni ya Bubombeli Bwa Kwiyipa.

ISUKULU YA BAFUMUSI BABUNYAFYALE Abapayiniya ba fyinja fya pakati pa 23 na 65 aba bikulonda ukongelela ububombeli bwabo, bikukoleliwa ukuti basayepo palukomano lwa aba bikulonda ukubuka ku Sukulu ya Bafumusi Babunyafyale pa Sabata pamusi. Amalo na kabalilo ka lukomano ulu kikuya pakufumusiwa.