“Kwisakuyako ukusyuka.”​—Imbombo sya Batumiwa 24:15.

Tukuya nulusubilo ulwakuti aba bafwile bikwisa kusyuka.​—2 Bakorinti 1:3 4.

Tukusosya ubogha ubu tukuya nabo panongwa ya nifwa.​—Bahiburi 2:15.

Tukuya nulusubilo ukuti tukwisa kubabona abakamu bitu aba bafwile.​—Yohani 5:28, 29.

Ena. Nongwa yafiki tukuti ena?

• Kyala yo atupele ubumi. Ibaibolo likuti Yehova ‘mupi wa bumi.’ (Salimo 36:9; Imbombo sya Batumiwa 17:24, 25) Umwene uyu afipele ubumi ifipeliwa fyosa, yo ali na maka gha kubapa kangi ubumi bosa aba bafwile.

• Kyala abasyusisye bamo ku bufwe. Ibaibolo likuyoba isya bandu 8 aba basyusiwe ku bufwe. Abandu aba bali bakilumyana, abakusi, abanyambala na bakikulu. Bamo mwa bandu aba bafwile kwa kabalilo akanandi itolo, loli yumo ali mwipumba kwa masiku 4.​—Yohani 11:39-44.

• Kyala ikulonda kangi ukubasyusya abandu aba bafwile nkyeni. Yehova ayibengile inifwa, kangi yo ndughu wake. (1 Bakorinti 15:26) Umwene ikulonda ukumpyuta undughu wake wabumalikisyo uyu. Kyala ikwisa pakubasyusya abafwe aba umwene ikubakumbukila.​—Jobu 14:14, 15.