‘Kyala . . . isakupyasilagha amasosi ghosa, bope nu bufwe nalinga bo busulumanie, nalinga ko kukuta pamo ko kubaba fitisakuyangako kangi, namanga indasi syosa sikindile.’—Ubusetuli 21:3, 4.

Tukwisa pakuhobokagha ni mbombo yitu.—Yesaya 65:21-23.

Ububine ni ndamyo isingi syosa sikwisa kumalika.—Yesaya 25:8; 33:24.

Tukwisa pakuhobokagha nu bumi bwa bwila na bwila na bakamu bitu.—Salimo 37:11, 29.

Ena. Nongwa yafiki tukuti ena?

• Kyala ali na maka ghakufwanisya isi afingile. Mu Baibolo, Yehova Kyala mwene yo uyu ikuyobiwa ukuya ‘Mwenemaka ghosa’ panongwa yakuti amaka ghake ghakaya nu mpaka. (Ubusetuli 15:3) Yonongwa yake, Umwene ikulonda ukutendekesya ifindu ukuti fiye kanunu. Bo muno Ibaibolo likuyobela, “kwa Kyala syosa mbepe itolo.”—Matai 19:26.

• Kyala ikulonda ukufwanisya isi afingile. Mwakifwanikisyo, Yehova ikulonda fiyo ukubasyusya abandu aba bafwile.—Jobu 14:14, 15.

  Ibaibolo likuyoba kangi ukuti Yesu ababumbulusyagha ababine. Nongwa yafiki ababumbulusyagha? Umwene alondagha ukubatula. (Marko 1:40, 41) Isi Yesu abombile sikututula ukumanya muno Kyala ikulondela ukubatulila abandu.—Yohani 14:9.

  Tuli nu bwanaloli ukuti Kyala na Yesu bikutulondela ubumi ubununu nkyeni.—Salimo 72:12-14; 145:16; 2 Peteri 3:9.