IFYAKONGELELAPO C
Muno Tubaghile Ukubombela Pakumanyila Ibaibolo Nabandu Mwakubombela Ibuku Ilyakuti Amuhobokeghe nu Bumi kwa Bwila na Bwila.
Abakamu baliyipile fiyo nukwinong’onela isi babaghile ukulemba mu buku ilyakuti Amuhobokeghe nu Bumi kwa Bwila na Bwila. Ukuti mufwanisyeghe ukubombela kanunu ibuku ili pakumanyila nabandu Ibaibolo, mukulondiwa ukukonga injila isyakukongapo isi.
Bo mukali ukwanda ukumanyila
-
1. Mwitendekesyeghe kanunu. Pakabalilo aka mukwitendekesya, mwinong’oneleghe isi uyu mukumanyila nawe ikulondiwa, muno ifindu fiyilile pabumi bwake kangi isi ikusubila. Mwinong’oneleghe ifundo isi kubaghile ukuya kukafu kumyake ukusipilikisya nukusikonga. Mwinong’oneleghe kangi muno ikighaba ikyakuti “Keta Kangi Ifingi” kibaghile ukuntulila namuno abaghile ukukibombela linga kwakulondiwa pakabalilo aka mukumanyila.
Pakabalilo aka mukumanyila
-
2. Mwandeghe nukumalisya nulwiputo linga ummanyili winu itikisye.
-
3. Mungayobagha fiyo. Mubombeleghe ifi fili mu buku kangi mumwitikisyeghe ummanyili winu ukuti ayobengepo aminong’ono ghake.
-
4. Bo mukali ukwanda ikighaba ikipya, mubelengeghe ipalagilafu iyakwanda nukuyoba imitu minandi iyi mukuya pakumanyila.
-
5. Linga mumalile ukumanyila ikighaba kilikyosa mughomokelengemo ukuti mubatule abamanyili binu ukukumbukila ubwanaloli ubu bamanyile.
-
6. Bo mukumanyila umutu ghulighosa:
-
Mubelengeghe ifi filembiwe.
-
Mubelengeghe amalemba agha batile “Belenga.”
-
Mubelengeghe kangi amalemba agha ghabikiwe linga kwakulondiwa.
-
Muketeleleghe amavidiyo ghosa agha batile “Ketelela” (linga muli nagho).
-
Mundalusyeghe ummanyili ilalusyo lililyosa.
-
Munnangisyeghe ummanyili winu ikighaba ikyakuti “Manyila nyingi” kangi munsumeghe ukuti ayobepo simo.
-
Mubombeleghe ibokosi ilyakuti “Ifyakuti Mubombe” ukuti muntule ukukula mwambepo. Munkasyeghe ukubomba isi sibikiwe pakighaba iki kangi na isi umwene ikulonda ukufwanisya.
-
Mundalusyeghe ummanyili winu linga ahobwike ninkhani yimo pamo amavidiyo agha ghali pakighaba ikyakuti “Keta Kangi Ifingi” bo ikwitendekesya ukumanyila.
-
Mughelegheleghe ukumalisya umutu ghosa pakabalilo kamokene.
-
Linga mumalile ukumanyila
-
7. Mukindilileghe ukumwinong’onela ummanyili winu. Munsumeghe Yehova ukuti antule ummanyili winu ukukula mwambepo nukubapa amahala agha muno mubaghile ukuntulila.
