MUNO TUBAGHILE UKWANDA UKUYOBESANIA NABANDU
IKIMANYILO 3
Muyeghe Bakisa
Ilemba: “Ulwene ulughano . . . lwakisa.”—1 Kor. 13:4.
Isi Pauli Abombile
1. Ketelela IVIDIYO, pamo belenga Yohani 9:1-7. Ukufuma apo mwinong’onelepo amalalusyo aghakukongapo agha:
-
Ngimba Yesu abombile isyafiki akakwanda ukuti ambumbulusye umfwa maso pamo ukuti amfumukisye amasyu amanunu?—Keta Yohani 9:35-38.
-
Nongwa yafiki mukwinong’ona ukuti umfwa maso alondagha ukupilikisya kwa Yesu
Ngimba Tukumanyilako Isyafiki kwa Yesu?
2. Umundu abaghile ukupilikisya kumyitu linga ikuketa ukuti tukumwinong’onela.
Tunkongeghe Yesu
3. Tumpeleleghe ikisa umundu. Tughelegheleghe ukwinong’onela muno umundu ikwipilikila.
-
Amwilalusye ukuti: ‘Ngimba umwene abaghile ukuti ikupasya nisyafiki? Ngimba abaghile ukubwagha bulebule ubutuli?’ Ukubomba isi kukuya pakututula ukunnangisya ikisa ukufuma pasi pandumbula.
-
Munangisyeghe ukuti mukumwinong’onela mwakupilikisya kumyake. Linga tukupikisya kumyake, tukuya pakunangisya ukuti tukwinong’onela fiyo isi syakulondiwa kumyake.
4. Tuyobeghe mwakisa kangi mwalughindiko. Linga tukunnangisya umundu ikisa kangi tukulonda ukuntula, umwene abaghile ukutupilikisya. Tuyeghe maso na isi tukuyoba na muno tukuyobela kangi tungayobagha ifindu ifi fibaghile ukumfulasya.
5. Tuntuleghe. Tulwagheghe ulusako ulwakuti tuntule munjila inunu. Linga tukunnangisya ikisa, yope abaghile ukuya mwabuke ukuyoba nanuswe.
