MUNO TUBAGHILE UKWANDA UKUYOBESANIA NABANDU
IKIMANYILO 4
Muyeghe Bakwiyisya
Ilemba: “Ndwiyisyo umundu wesa amwinong’oneghe unnine ukuya nkulumba ukunkinda umwene.”—Filip. 2:3.
Isi Pauli Abombile
1. Ketelela IVIDIYO, pamo belenga Imbombo sya Batumiwa 26:2, 3. Ukufuma apo mwinong’onelepo amalalusyo aghakukongapo agha:
-
Ngimba Pauli anangisye bulebule ukwiyisya muno ayobile nu Mwalafyale Agripa?
-
Ngimba Pauli apilikisyagha bulebule kwa Yehova nukukonga ifundo sya Mmalemba ukukinda aminong’ono ghake?—Keta Imbombo sya Batumiwa 26:22.
Ngimba Tukumanyilako Isyafiki kwa Pauli?
2. Abandu bikupilikisya kanunu amasyu gha Kyala linga tukubafumukisya mwakwiyisya kangi mwalughindiko.
Tunkongeghe Pauli
3. Tuyobeghe mwalughindiko. Tunginangisyagha ukuti tufimenye fyosa kangi ukuti umundu uyu tukumfumukisya akafimanya nafimo.
4. Tuketesyeghe ukuti isi tukumanyisya sikufuma mu Baibolo. Amasyu gha Kyala ghabaghile ukubatula abandu pabumi bwabo. Linga tukufumusya, ghikuya pakubatula ukuti baye nulwitiko lwamaka.
5. Tuyeghe batengamoyo. Tunginangisyagha ukuti isi tukuyoba sya bwanaloli. Tungansusyagha uyu tukumfumukisya. Tuyeghe bakwiyisya mwakuya bololo nukumanya akabalilo aka tukulondiwa ukusokapo. (Mbu. 17:14; Titi 3:2) Linga tukuyobesania nu mundu mbutengamoyo, lumo abaghile ukwisa kupilikisya amasyu agha pakabalilo akangi.
