MUNO TUBAGHILE UKWANDA UKUYOBESANIA NABANDU
IKIMANYILO 5
Muyeghe Balughindiko
Ilemba: “Amasyu ghinu bwila ghayeghe gha ipyana.”—Kolos. 4:6.
Isi Pauli Abombile
1. Ketelela IVIDIYO , pamo belenga Imbombo sya Batumiwa 17:22, 23.Ukufuma apo mwinong’onelepo amalalusyo aghakukongapo agha:
-
Ngimba Pauli alipilike bulebule nifimanyisyo fya butungulu ifi afibwene ku Ateni?—Keta Imbombo sya Batumiwa 17:16.
-
Mmalo mwakubasusya abandu ba ku Ateni, ngimba Pauli abombile bulebule na isi basubilagha ukuti abafumukisye mwalughindiko?
Ngimba Tukumanyilako Isyafiki kwa Pauli?
2. Utubalilo twingi abandu bikupilikisya kumyitu linga tukusala kanunu isi tukuyoba, muno tukuyobela kangi nakabalilo aka tukuyoba.
Tunkongeghe Pauli
3. Tusaleghe amasyu amanunu. Mwakifwanikisyo, linga tukuyobesania nu mundu uyu akaya Nkristu, tukulondiwa ukuchenja muno tukufumukisya pamo muno tukuyobela isyakufwana na Yesu.
4. Tungabopelagha ukunsusya umundu. Tumwitikisyeghe ukuti ayobeghe aminong’ono ghake. Linga ikuyoba ifindu fimo ifi fitikukolelana nifimanyisyo fya mu Baibolo tungansusyagha. (Yak. 1:19) Linga tukumpilikisya kanunu tukuya pakumanya isi umwene ikusubila kangi ninongwa yake.—Mbu. 20:5.
5. Tukolelaneghe nukunndaghisya apa pikulondiwa. Utubalilo tumo abaghile ukwinong’ona ukuti isi ikusubila syabwanaloli. Tughelegheleghe ukuyobesania inkhani isi tukukolelana kangi tukindilileghe ukuntula ukupilikisya ifimanyisyo fya mu Baibolo.
