MUNO TUBAGHILE UKWANDA UKUYOBESANIA NABANDU
IKIMANYILO 6
Muyeghe Bakifu
Ilemba: “Tulinkuya bakifu itolo mwa Kyala witu ukuyoba amasyu amanunu gha Kyala.”—1 Tes. 2:2.
Isi Yesu Abombile
1. Ketelela IVIDIYO, pamo belenga Luka 19:1-7. Ukufuma apo mwinong’onelepo amalalusyo aghakukongapo agha:
Ngimba Tukumanyilako Isyafiki kwa Yesu?
2. Tukulondiwa ukuya bakifu ukuti tukindilile ukufumusya Ubunyafyale bwa Kyala ku mundu aliwesa.
Tunkongeghe Yesu
3. Tunsubileghe Yehova. Mbepo wa Kyala walintulile Yesu ukuti afumusyeghe kangi ghubaghile ukututula nanuswe. (Mat. 10:19, 20; Luka 4:18) Tunsumeghe Yehova ukuti tuyeghe bakifu linga tukubafumukisya abandu aba tukubatila.—Imbombo sya Batumiwa 4:29.
4. Tungabalongagha abandu. Tubaghile ukuleka ukwanda ukuyobesania na bandu panongwa ya muno bikubonekela, ifindu ifi bali nafyo, muno ubumi bwabo buyilile pamo ifi bikusubila. Loli tukumbukeghe:
5. Tuyeghe bakifu, balughindiko kangi tuyeghe maso. (Mat. 10:16) Tungabasusyagha. Twamuleghe mbololo linga tukumfumukisya umundu uyu ikukana ukupilikisya amasyu amanunu.—Mbu. 17:14.
