Kwinoghona ukuti Bunyafyale buki ubu buyobiwa?— Bunyafyale bwa Kyala. Ubunyafyale ubu bukwisa popangisya ikisu kyosa ukuya paladaiso. Ngimba kulonda pomanya isya Bunyafyale ubu?—

Ubunyafyale bosa bukuya nu malafyale. Malafyale olaghila ikisu kyake. Ka um’menye Malafyale wa Bunyafyale bwa Kyala?— Yo Yesu Kristu. Akwikala kumwanya. Pasyele panandi ukuti umwene aye Malafyale wa aliwesa pa kisu! Ngimba kwinoghona ukuti tukwisa kuhoboka linga Yesu aya Malafyale wa kisu kyosa?—

Tukwisa kuhoboka fiyo! Mu Paladaiso, ukulwa nakumo, kope ubuka ku bwite nakumo. Aliwesa akwisa kuya walughano ku nnine. Ububine nifwa fikwisa kumalika. Abafwamaso bakwisa kuketa, abamapuli bakwisa kupilika, aba botoliwa ukwenda bakwisa pakwenda, ukinda kangi nunyela. Aliwesa akwisa pakuya ni fyakulya fingi. Ifinyamana fyosa fikwisa kuya pabumanyani. Nuswe tukwisa kuya nafyo pabumanyani. Abandu aba bafwile bakwisa kusyuka. Abandu aba umanyile mu kabuku aka, Rebeka, Rahabu, Davidi, na Eliya bope bakwisa  posyuka! Ngimba kulonda ukuti wise waghane nabo linga basyukile?—

Yehova akughanile uwe, kangi olonda ukuti uhobokeghe. Linga kukindilila umanyila isya Yehova nukumpilikila, kwisa kuya nubumi bwa bwila na bwila mu paladaiso! Ngimba kulonda ukwisa kuya mu paladaiso?—