Ukuti tufwanisye kanunu imbombo yitu yakufumusya ‘amasyu amanunu’ ku bandu ‘abafikolo fyosa ninjobelo syosa,’ tusanusya amabuku mu njobelo syakukinda 750. (Ubusetuli 14:6) Ngimba tubomba bulebule ukuti tufwanisye imbombo iyi? Tukutuliwa ni dipatimenti ya kulemba amabuku nabakamu bitu aba bosanusya amabuku—bosa Baketi ba Yehova.

Pabwandilo ghosa gholembiwa mu Chizungu. Akabughatila Kakulongosya kakuketelela imbombo ya Dipatimenti ya Kulemba ku ofesi yitu inywamu ya ku United States. Idipatimenti ya kulemba amabuku iyi, yiketesya muno imbombo ya kulemba amabuku yikwendela pa ofesi inywamu iyi nama ofesi ghamo. Nongwa yakuti abandu aba bolemba amabuku agha bafumile m’malo gha kuleghanaleghana, ifundo isi bolemba sikutula abandu bingi pakisu kyosa.

Ghotumiwa kwa aba bosanusya. Linga amabuku ghalembiwe nukwitikisiwa, ghotumiwa kubakamu bitu aba bosanusya pa kisu kyosa. Abene boghelaghela ukusala ‘amasyu ghabwanaloli’ agha ghakuya posanusya ifundo syakufwana na munjobelo ya Chizungu.—Undumbilili 12:10.

Amakompyuta ghotula ukuti imbombo iyi yende mwanakalinga. Amakopyuta paghene ghakabaghila ubomba imbombo iyi abolemba nabosanusya bobomba, loli ghotula ukuti imbombo yakusanusya nulemba yendeghe mwanakalinga. Amakopyuta ghotula nongwa yakuti ghali namadikishonale nifindu ifingi ifi fikutula pa mbombo iyi. Abaketi ba Yehova bapangile ipologalamu ya pakopyuta (Multilanguage Electronic Publishing System [MEPS]) iyi yutula ukuti bapangeghe amabuku munjobelo nyingi. Linga bamalile usanusya bobika ifithuzithuzi nukutuma ukuti bakapulinte.

Nongwa yafiki tubikapo fiyo indumbula posanusya amabuku nalinga injobelo simo siyobiwa nabandu banandi? Bwighane bwa Yehova ukuti ‘abandu bosa bapokiweghe, nukuti bafikengepo pakubumanya ubwanaloli.’—1 Timoti 2:3, 4.

• Ngimba amabuku ghitu gholembiwa bulebule?

• Nongwa yafiki tusanusya amabuku ghitu munjobelo nyingi?