Muyeghe nubwighane. Mumanyeghe ubwighane bwa nkhani yinu linga ko kumanyisya, ukubatula ukuti basubile ifindu fimo pamo ukubakasya. Po muketesyeghe ukuti ifundo yiliyosa iyi mukuyoba, yikukolelana nu bwighane bwa nkhani yinu.

Muyobeghe isi sikukolelana nu mutu wa nkhani. Linga mukuyoba inkhani yinu, mubakumbusyeghe abandu umutu wa nkhani yinu. Mubaghile ukubomba isi mwakuyoba umutu ughu pipipipi pamo mwakuyoba amasyu ghamo agha ghali mu mutu ughu.

Ifundo syinu siyeghe mbepe kangi sipilikiweghe. Musaleghe ifundo inywamu syene isi sikukolelana nu mutu wa nkhani yinu kangi isi mubaghile ukuyoba pa kabalilo aka mupeliwe. Mungayagha ni fundo nyingi isyakuti mulinganie. Lingania ifundo yiliyosa mwakupilikiwa kanunu, yikolelaneghe ni singi kangi munangisyeghe kanunu linga mumalile ifundo yimo nukuti mukubuka pa yingi.