Mubatuleghe ukwipima. Mulalusyeghe amalalusyo aghakuti binong’onelepo nukwipima bene.

Mubakasyeghe. Mubatuleghe aba mukuyoba nabo ukumanya ubununu bwakubomba isi bikumanyila. Mubatule ukukasya ulughano lwabo kwa Yehova, ku binabo na isi Ibaibolo likumanyisya. Linga mukuyoba inkhani yinu, muyeghe maso ukuti muleke ukufwana mukubabula isya kubomba loli mufwaneghe mukuyobesania nabo. M’malo mwakubakosya isoni, mukulondiwa ukubatula ukuti bipilikeghe ukuti bakasiwe kangi batuliwe ukuti bakindilile ukubomba inunu.

Mubatuleghe ukuti bansubileghe Yehova. Mubatuleghe ukuketa muno isi Ibaibolo likumanyisya, ifundo ni ndaghilo syake, sikunangisyila utuyilo twa Yehova nukuti atughanile. Mubatule bosa ukuya nubwighane bwakunhobosya Yehova nukumbombela.