Mwitendekesyeghe kanunu. Mumanyeghe inongwa iyi inkhani iyi mukulonda ukubelenga yalembeliwe. Mufwaneghe mukuyoba linga mukubelenga. Munganyelagha pamo ukongelapo amasyu ghamo pa ifi mukubelenga. Muketekesyeghe ifimanyilo ifi fili mu nkhani iyi mukubelenga.

Mulibelengeghe ilisyu lililyosa muno likulondeliwa. Linga mukamanya kanunu muno ilisyu limo likubelengeliwa, muketeghe mu dikishonale linga muli nayo mu njobelo iyi mukubelenga, mupilikisyeghe amasyu mu mabuku agha ghajambuliwe pamo munsumeghe uyu ikubelenga kanunu ukuti abatule.

Muyobeghe mwakupilikiwa kanunu. Mwimikeghe umutu kangi mwighuleghe fiyo pa kanwa ukuti amasyu ghinu ghapilikiweghe kanunu. Kangi muye nu bwighane bwakuyoba ilisyu lililyosa muno likulondeliwa.