Musaleghe amasyu agha ghali ni fundo inywamu. Linga mubelengile ilemba, lingania amasyu agha ghikukolelana ni fundo inywamu. Mubaghile ukubatula ukumanya amasyu agha ghali ni fundo inywamu linga mubaghile ukughabelenga mwakukindana na ghangi pamo mwakulalusya ilalusyo ili libaghile ukubatula ukumanya amasyu agha ghakolelene ni fundo iyi mukuyobesania.

Mulinganieghe kanunu ifundo inywamu. Linga pabwandilo muyobile ikifukwa kya kubelengela ilemba, lingania muno ilemba likukolelanila ni kifukwa iki mwayobile.

Mulinganieghe ifundo yene iyi yikukolelana ni nkhani yinu. Pilemba pikuya fundo nyingi utubalilo twingi. Po umwe mulinganieghe ifundo yene iyi yikukolelana ni nkhani yinu. Kangi linga mukulingania ilemba, mwinong’oneleghe isi aba mukuyoba nabo basimenye kangi na isi mukulondiwa ukuyoba ukuti ifundo yinu yipilikiwe kanunu.