Mufufuzeghe mu mabuku amasubiliwa. Isi mukuyoba siyeghe syakufuma mu Baibolo kangi mubelengeleghe nabo pampene. Linga mukuyoba isya sayansi, inkhani iyi mupilike pa lediyo, ikyakubombiwa kimo pamo kilikyosa, mufufuzeghe tasi linga sya bwanaloli.

Mulinganieghe kanunu ifundo na kuno mweghile. Linga mukulingania ilemba, mulinganieghe muno likukolelanila ni Baibolo lyosa na mabuku gha “mbombi unsubiliwa nuwa mahala.” (Mat. 24:45) Linga mukubombela amabuku agha panja, muyobeghe uyu alembile nu bwighane bwake.

Mulinganieghe muno ifundo iyi mubelengile yikukolelanila ni nkhani yinu. Panyuma pakubelenga ilemba pamo pakuyoba ikyakubombiwa, lalusya amalalusyo agha ghabaghile ukubatula abandu ukumanyilapo simo.