Musaleghe ififwanikisyo ifipepe. Mubombeleghe utundu utunandi ukuti mulinganie ifindu ifinywamu kangi mubombeleghe ifindu ifipepe ukuti mulinganie ifindu ifikafu, bo muno Yesu abombelagha. Mungongelangapo ifindu fimo ifi fibaghile ukupangisya ikifwanikisyo ukuya kipala ukukipilikisya. Muketesyeghe ukuti ifindu ifi mukuyoba mu kifwanikisyo kinu, fikolelaneghe ni fundo iyi mukulingania ukuti abandu baleke ukusofiwa.

Mubamanyeghe kanunu aba mukuyoba nabo. Ififwanikisyo finu fiyeghe fya findu ifi abandu bafimenye kanunu kangi fyakuhobosya. Muyeghe maso ukuti fileke ukuya fyakukosya isoni pamo fyakukalalisya abangi.

Mumanyisyeghe ifundo inywamu. Ififwanikisyo finu fiyeghe fyakukolelana ni fundo inywamu. Mubatuleghe abandu ukumanya ifundo inywamu iyi mwayobelagha ikifwanikisyo kinu.