KIGHABA 9
Mumanyileghe Pampene
‘Mumbungulukile uyu apelile kumwanya na pasi.’—Ubusetuli 14:7
Mu kabuku aka mumanyile ukuti m’Baibolo muli ifundo nyingi isi sibaghile ukubatula umwe nabanyumba yinu. Yehova olonda ukuti muye balusekelo. Umwene akuti linga ikyakwanda mukwiputa kumyake ‘po fyosa mukongeliwangapo.’ (Matai 6:33) Yehova olonda muye bamanyani bake. Akabalilo kosa linga ulusako lwaghiwe mumbombele Kyala. Ulu lo lusako ulu aliwesa abaghile ukuya nalo.—Matai 22:37, 38.
1 MUYE PABUMANYANI UBUNYWAMU NA YEHOVA
ISI IBAIBOLO LIKUYOBA: ‘Ngwisa kuya tata winu, numwe mukwisa kuya bana bangu.’ (2 Bakorinti 6:18) Yehova olonda muye bamanyani bake fiyo. Ulwiputo lubaghile ukubatula ukuya nawe pabumanyani. Yehova akubasuma ukuti ‘mwiputeghe kwambula kuleka.’ (1 Batesalonike 5:17) Umwene olonda ukuti apilikeghe isi tuli nasyo mundumbula. (Bafilipi 4:6) Linga mukwiputa pampene nabanyumba yinu, abene bakumanya ukuti mukusubila kwa Kyala.
Kyala akulonda ukuti mumpilikileghe. Ukumanyila iBaibolo na mabuku gha nkhani sya m’Baibolo kubaghile ukubatula ukuti mupilikileghe Kyala. (Salimo 1:1, 2) Linga mukumanyila, mwinoghonelengepo. (Salimo 77:11, 12) Ukwaghiwa pangomano sya kipanga kope kukulondiwa.—Salimo 122:1-4.
Ukuti ubumanyani bwinu na Kyala buye bwamaka, mubamanyisyeghe abangi isi mumanyile isya Yehova. Linga mukubomba isi akabalilo kosa ubumanyani bwinu bukuya bwamaka.—Matai 28:19, 20.
ISI MUBAGHILE UKUBOMBA:
-
Mubelengeghe iBaibolo isiku lililyosa nukwiputa
-
Mwebapapi muye bakwanda ukubomba ubwighane bwa Kyala. Ukwangala kuye nakabalilo kake
2 MUHOBOKEGHE LINGA MUKUMANYILA PAMPENE
ISI IBAIBOLO LIKUYOBA: ‘Musegheleleghe kwa Kyala, po yope akuseghelelagha kumyinu.’ (Yakobu 4:8) Muye nulubatiko lwa kumanyila nabanyumba yinu kangi mukongeghe ifi fili pa lubatiko lwinu. (Ubwandilo 18:19) Ifi fikulondiwa ukuti munkumbukeghe Kyala isiku lililyosa. Mubatuleghe abanyumba yinu ukuya pabumanyani bwamaka na Yehova. ‘Mubamanyisyeghe linga muli m’nyumba syinu, mukwenda mu njila, mukughona nalinga mukulembuka.’ (Ukukumbusya Indaghilo 6:6, 7) Muye ngati yo Yoswa, umwene atile ‘loli une nabanyumba yangu tukumbombelagha Yehova.’—Yoswa 24:15.
ISI MUBAGHILE UKUBOMBA:
-
Muye nakabalilo kakumanyila nabanyumba yinu. Ukumanyila ifi aliwesa akulonda kubaghile ukubatula