AMUYEGHE MASO
2023: Kyali Kyinja kya Kwiyaya Fiyo—Ngimba Ibaibolo Likuyoba Isyafiki?
Mu 2023, ifindu fingi fyabombiwe pakisu kyosa ifi fikutusimikisyila ukuti tukwikala mmasiku agha Ibaibolo likuyoba ukuti “masiku ghakubumalikisyo.” (2 Timoti 3:1) Keta muno ifindu ifi fikubombiwa mmasiku agha fikukolelana na ifi Ibaibolo lyayobile ngani ukuti fisakubombiwagha nkabalilo kitu aka.
Ibaibolo na ifi fikubombiwa pakisu
“Ubwite nutupango twa bwite.”—Matai 24:6.
“Imiywegho yikukindilila ukubala fiyo mfighaba fingi pakisu.” a
Keta inkhani iyakuti “Ngimba Yonani Abaghile Ukubapoka Abandu?” niyakuti “Vyaru Vikusakaza Ndalama Zakujumpha Madola 2 Tiliriyoni pa Nkhani ya Vyankhondo.”
“Twisakuyangako nutusenyenda utu na utu.”—Marko 13:8.
“Ukwanda itolo mu 2023, pabombiwe utusenyenda utwamaka fiyo utwakufwana 13, utu twali tusenyenda twamaka fiyo utu twabombiwe ikyinja kimokyene itolo.” b
Keta inkhani iyakuti “Akasenyenda Akakulumba Kabombiwe ku Turkey na ku Syria.”
“Sisakuyangako imbela lutende.”—Luka 21:11.
“António Guterres c uyu yo ndembi wakabughatila ka UN ayobile ukuti, “Akabalilo kakupya lino kafikile pabubibi fiyo ukukinda muno syayilile kunyuma.”
Keta inkhani iyakuti “Kotcha Kwafika Paheni Chomene pa Charu mu 2023.”
“Yisakuyako injala.”—Matai 24:7.
“2023: Kyali kyinja kya kwiyaya fiyo ku aba bikutamiwa ukufyagha ifyakulya fya mbumba syabo.” d
Keta inkhani iyakuti “Injala Pakisu Kyosa Yikongelela Panongwa Yabwite Nukuchenja kwa Kabalilo.”
“Twisakwisagha utubalilo utupalapala.”—2 Timoti 3:1.
“Pakisu kyosa, umundu yumoywene pabandu 8 ikutamiwa naminong’ono.” e
Keta inkhani iyakuti “Abakilumyana Bingi Bikutamiwa Naminong’ono.”
Ngimba tukulondiwa ukughulila isyafiki mu 2024?
Nayumo uyu ikumanya isi sikuya pakubombiwa nkyinja kya 2024. Loli isi sikubombiwa nkisu sikunangisya ukuti mwalululu Ubunyafyale bwa Kyala, pamo ukuti iboma lya kumwanya, likuya pakughasosyapo amaboma gha bandu kangi likuya pakumasya fyosa ifi fikwandisya indamyo nafyosa ifi fikupangisya ukuti twiyayeghe.—Danieli 2:44; Ubusetuli 21:4.
Linga twandile ukwiyaya pakabalilo aka, tukulondiwa ukunsuma Yehova ukuti atutule. Ibaibolo likuyoba ukuti:
“Apa linga ndi ndutende po nikukusubila yuyuwe.”—Salimo 56:3.
Ngimba tubaghile ukunangisya bulebule ukuti tukunsubila Kyala? Tukubasuma ukuti amumanye nyingi isyakufwana na isi Ibaibolo lifingile isya nkyeni muno indamyo sitisakuyako. Ghela ukumanyila nanuswe Ibaibolo kisita kulipila ukuti mukete muno umwe nimbumba yinu mubaghile ukusayiwila na isi Ibaibolo lifingile.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, October 30, 2023.
b Earthquake News, “Year 2023: Number of Major Earthquakes on Course for Record,” May, 2023.
c United Nations, “Secretary-General’s Opening Remarks at Press Conference on Climate,” July 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” October 10, 2023.
Lumo Mubaghile Ukulonda Ukumanya Isya Nkhani iyi
IMITU YA NKHANI ISYAKUKINDANAKINDANA
Ulusubilo Ulwakuti Nkyeni Ifindu Fikuya Pakuchenja
Nongwa yafiki isi Ibaibolo lifingile sikindene fiyo na isi abandu bikufinga pamo ukuyobela ngani isya nkyeni?
ESSENTIAL BIBLE TEACHINGS
Ngimba Ubunyafyale bwa Kyala Findu Fiki?
Ubufumusi bwake bosa, Yesu amanyisyagha fiyo isya Ubunyafyale bwa Kyala. Kwa fyinja fingi, aba bikunkonga bikwiputa ukuti Ubunyafyale bwake bwiseghe.
ISYA USWE
Suma Ukuti Mumanyileghe Ibaibolo
Muyobesanie amalalusyo aghakufwana ni Baibolo, pamo manyila nyingi isyakufwana na Baketi ba Yehova.
