AMUYEGHE MASO
Abakristu nu Bwite—Ngimba Ibaibolo Likuyoba Isyafiki?
Bo muno tuketile ubwite ubwa ku Ukraine, abalongosi ba matchalichi bikubakasya abandu ukuya kukighaba kimo pakabalilo ka bwite ubu. Keta muno abalongosi aba bikubombela ifindu pakabalilo ka bwite ubu:
“Ulughindiko ulukulumba kangi tukundaghisya ku balwabwite aba bikufighilila abandu ba ku Ukraine ku balughu babo . . . Indumbula syitu, ninyiputo syitu isyakufumila pasi pandumbula, tukuya pakukindilila ukubatula.”—Metropolitan Epiphanius I of Kyiv, ilipoti lya The Jerusalem Post, March 16, 2022.
“Pasabata iyi yamalikagha undongosi wa Tchalichi lya Russian Orthodox, apangile ipulogilamu yapadela iyakubakasya abasilikali ba kisu kya Russia ukuti bakifighilile ikisu kyabo bo bikukindilila ukulwa ubwite ni kisu kya Ukraine.”—Reuters, April 3, 2022.
Ngimba Abakristu bikulondiwa ukulwa ubwite? Ngimba Ibaibolo likuyoba isyafiki?
Isi Ibaibolo likuyoba
Ibaibolo likuyoba ukuti aba bikunkonga mbwanaloli Yesu Kristu batikulwa ubwite.
“Ghomokesya ulubo lwako mbuyo bwake, namanga bosa aba linga bikukwaba ulubo, bo lwisakubapyutagha lulubo.”—Matai 26:52.
Ngimba umundu uyu ikwitikisya ubwite pamo ikulwa ubwite ikupilikila naloli amasyu gha Yesu?
“Lilino nikubapa ululaghilo ulupya ulwakuti, Amughananeghe. Mughananeghe bo papo nanine mbaghanile. Linga mukughanana po bisakubamanyagha bosa abandu ukuti muli bafundiwa bangu.”—Yohani 13:34, 35.
Ngimba umundu uyu ikwingilila mfya bwite ikunangisya ulughano ulu Yesu ayobile ukuti lwisakupangisyagha abandu ukuti babamanye aba bikunkonga?
Ukuti mumanye nyingi, belenga inkhani iyakuti “Kodi Akristu Ayenera Kumenya Nawo Nkhondo?”
Abakristu nu bwite amasiku agha
Ngimba bwanaloli ukuti abakristu batikulondiwa ukulwa ubwite amasiku agha? Ena. Ibaibolo lyayobile ngani ukuti, akabalilo ka “mmasiku ghakubumalikisyo,” abandu abakufuma mfikolo ifyakukindanakindana batisakwandisyamo kangi ukulwa ubwite mwakukolelana nifimanyisyo fya Yesu.—Yesaya 2:2, 4.
Ukuti mumanye nyingi, belenga Gongwe la Mulinda ili lili ni nkhani iyamutu wakuti “Kasi Chiuta Wakuti Wuli pa Nkhani ya Nkhondo?”
Mwalululu Yehova, a “Kyala umwenelutengano,” ikuya pakubombela iboma lyake ilyakumwanya pakubapoka abandu ku bandu balusyobo na baghasi.”—Bafilipi 4:9; Salimo 72:14.
Ukuti mukete muno ikuya pakubombela isi, ketelela ividiyo iyakuti Ngimba Ubunyafyale bwa Kyala Findu Fiki?
a Yehova yo ngamu ya Kyala.—Salimo 83:18 NWT.