AMUYEGHE MASO
Abandu Balekile Ukubasubila Abandyali—Ngimba Ibaibolo Likuyoba Isyafiki?
Nkyinja kya 2024, ukuvota kukuya pakubombiwa mfisu ifyakukindanakindana ukukinda kunyuma. Nalinga sili bo ulu, loli abandu bingi balekile ukubasubila abandyali.
Ukufufuza uku kwabombiwa ku America kwanangisye ukuti “abandyali bingi bikwiyinong’onela bene” mmalo mwakubinong’onela abandu aba bikubalongosya. a—Pew Research Center, September 19, 2023.
Abakilumyana bingi bope batikubasubila abandyali.
“Abakilumyana bingi amasiku agha, bikubikapo fiyo indumbula pamuno babaghile ukumasyila indamyo isi bikwaghana nasyo. Loli ukufwana nukufufuza uku kwabombiwe, bayobile ukuti abandyali batikubikako amahala kundamyo isi abakilumyana bikwaghana nasyo.”—The New York Times, January 29, 2024.
“Abakilumyana bingi bikubasubila fiyo abandu aba bikubika ifindu pa intaneti ukukinda abandyali.”—The Korea Times, January 22, 2024.
Ngimba tubaghile ukusubila ukuti abandyali babaghile ukutula ukuti ifindu fiye kanunu nkyeni? Ngimba yonani uyu tubaghile ukunsubila?
Tuyeghe maso na uyu tukunsubila
Kwakulondiwa fiyo ukuti abandu bayeghe maso na aba bikubasubila. Ibaibolo likuti “umundu unkonyofu yo ikwitika syosa itolo is bikumbula, loli umundu wa mahala yo ikwinong’ona tasi ninjila iyi abaghile ukwendamo.”—Isya Mbupingamu 14:15.
Ukuti mumanye ifundo isi sibaghile ukubatula linga isi mukubelenga syabwanaloli pamo syabutungulu, belenga inkhani iyakuti “Mwifighilileghe ku Nkhani Isyabutungulu.”
Mwakongelelapo, abandyali aba bali naminong’ono amanunu bope batikubomba ifindu fyosa muno balondelagha. Yonongwa yake Ibaibolo likutusoka ukuti:
“Mungasubilagha mbanyafyale, umundu uyu bukayamo nubutuli mmyake.”—Salimo 146:3.
Undongosi uyu tubaghile ukunsubila
Ibabibolo likulingania ukuti Kyala amwimike undongosi unsubiliwa fiyo uyu yo Yesu Kristu. (Luka 1:32, 33) Yesu yo Mwalafyale wa Bunyafyale bwa Kyala, ili lyo boma ili lisakulaghilagha ukufuma kumwanya.—Matai 6:10.
Keta inongwa iyi tubaghile ukunsubila Yesu na isi isakubomba ukuti amasye indamyo isi tukwaghana nasyo. Belenga inkhani iyakuti “Kasi Fumu ya Ufumu wa Chiuta Ni Njani?” niyakuti “Kasi Ufumu wa Chiuta Uzamuchita Vichi?”
a Pew Research Center, “Americans’ Dismal Views of the Nation’s Politics,” September 2023.