AMUYEGHE MASO
Abaketi ba Yehova Baghoghiwe Mwankhaza—Ngimba Ibaibolo Likuyoba Isyafiki?
Pa 27 Januwale, 2023, abandu bingi bisakubambukila abandu aba baghoghiwe mwankhaza pakisu kyosa kyapasi. Ifindu fyankhaza ifi fyabombiwe ifyinja 75 ifi fikindile fikubapangisya abangi ukwilalusya ukuti, nongwa yafiki Kyala ikwitikisya ukuti abandu baghoghiwe mwankhaza bo ulu.
Ukuti mumanye isi Ibaibolo likuyoba, belenga inkhani iyakuti, “Chifukwa Wuli Ŵayuda Ŵakakomeka na Ŵanazi ku Germany? Chifukwa Wuli Chiuta Wakalekelera Waka?”
Abandu bakikolo kya Kiyuda batamiwe fiyo kangi baghoghiwe mwankhaza. Inkhaza isi sikabapalamasisye bene Abayuda. Amagulu gha bandu abangi bope batamiwe kangi baghoghiwe. Pabandu aba balipo Abaketi ba Yehova aba baghoghiwe panongwa yalwitiko lwabo.
Ukuti mumanye nyingi, belenga inkhani iyakuti, “Kasi Ntchivichi Chikachitikira Ŵakaboni ŵa Yehova mu Nyengo ya Chipani cha Nazi?”
“Ulusubilo ulununu ulwa nkyeni”
Abandu bingi bikupasya ukuti ifindu fyankhaza ifi, fibaghile kangi ukwisakubombiwa nkyeni. Loli ikyakuhobosya kyokyakuti Ibaibolo likuyoba ukuti nkyeni ifindu bo ifi fitisakubombiwa kangi.
‘Namanga nsimenye isi mbatendekisye umwe, inunu komma imbibi ko kuti mbape ulusubilo mbumi bwinu ubwa nkyeni.’”—Yeremiya 29:11 NWT. a
Isi sisakubombiwa linga Kyala asosisyepo ifindu ifibibi nukutendekesya ifindu fyosa ifi fyonangike. Mwalululu ikuya:
Pakubasosyapo abandu ababibi aba bikubabombela abangi ifyankhaza.—Isya Mbupingamu 2:22.
Pakubatula abandu aba bikutamiwa nifindu fyankhaza.—Ubusetuli 21:4.
Pakubasyusya bosa aba bafwile nukuya kangi nu bumi pakisu kyapasi iki.—Yohani 5:28, 29.
Mubaghile ukusubila amasyu aghakusubisya agha ghikwaghiwa mu Baibolo. Ukuti mumanye nyingi, tukubasuma ukuti mwande ukumanyila Ibaibolo kisita kulipila.
a Yehova yo ngamu ya Kyala.—Salimo 83:18.