Nubulunju pa 24 Febuluwale, 2022, abasilikali ba kisu kya Russia balingile nkisu kya Ukraine ukwakulwa ubwite nalinga ukuti abalongosi bingi baghelile ukuti ubwite ubu buleke ukubombiwa. Ngimba ubwite ubu bukuya pakupalamasya bulebule ifyakubombiwa fya pa kisu kyosa? Amasiku manandi agha ghakindile António Guterres, uyu yo ndembi unkulumba wa kabughatila ka United Nations ayobile ukuti: “Fyakutamya ukumanya muno ubwite ubu bukuya pakubapangisya abandu ukuti batamiweghe, ukonangiwa kwa katundu kangi muno bukuya pakupalamasyila ukufighilila kwa fisu fya Europe ni kisu kyosa.”

•   Yesu Kristu ayobile ngani isya kabalilo aka “ikikolo kisakukisambukilagha ikikolo ikinine, bope nubunyafyale bwisakubusambukilagha ubunyafyale ubunine.” (Matai 24:7) Belenga inkhani iyakuti “Kasi Chimanyikwiro cha ‘Mazuŵa Ghabumaliro’ Panji Kuti ‘Nyengo Zaumaliro Ntchivichi?’” ukuti mukete muno Ibaibolo likunangisyila ukuti ubwite ubu bukubombiwa lino bukufwanisya ubusololi ubu Yesu ayobile.

•   Ibuku lya mu Baibolo ilya Ubusetuli likuyoba isya bwite ubu bikubufwanikisya nu mundu uyu akwelile pa falasi iyi “fubifu fiyo” kangi “ikutwala ubwite nkisu.” (Ubusetuli 6:4) Belenga inkhani iyakuti “Kasi Ŵanalume Ŵanayi Awo Ŵakwera pa Mahachi Mbanjani?” ukuti mumanye muno ubwite ubu bukubombiwa amasiku agha bukufwanisyila ubusololi ubu.

•   Ibuku lya Danieli lyayobile ngani isya bulughu ubu bwisakuyapo pakati pa “mwalafyale wa kululu” na “mwalafyale wa kwitongo.” (Danieli 11:25-45) Ketelela ividiyo iyakuti Uchimi Wafiskika—Danieli Chaputara 11, ukuti mumanye inongwa iyi tubaghile ukuyoba ukuti ikisu kya Russia ni fisu ifi fikukolelana ni kisu iki, yo mwalafyale wa kululu. a

•   Ibuku lya Ubusetuli likuyoba isya “ubwite ubwa pisiku ilikulumba ilya Kyala Umweneka ghosa.” (Ubusetuli 16:14, 16) Loli, ubu bukaya bwite ubwa mfisu ubu tukubuketa bukubombiwa lino. Belenga inkhani iyakuti, Kasi Nkhondo ya Aramagedoni Ni Vichi? ukuti mumanye nyingi ifyakufwana nu bwite ubu bukuya pakubombiwa nkyeni.

•   Ibaibolo likuyoba ukuti Kyala ikuya pakumasya “ubwite ukwakufika nakuno ikisu kimalikile.” (Salimo 46:9) Belenga inkhani iyakuti “Ulusubilo Ulwakuti Nkyeni Ifindu Fikuya Pakuchenja” ukuti mumanye nyingi isyakufwana na isi Kyala afingile.

•   Yesu abamanyisye aba bankongagha ukuti babwiputileghe Ubunyafyale bwa Kyala ukuti bwiseghe. (Matai 6:9, 10) Ubunyafyale ubu lyo iboma lyakumwanya ili lisakufwanisya ubwighane bwa Kyala pa kisu kyapasi. Ubwighane bwa Kyala ubu bukongelelapo ukutwala ulutengano pa kisu kyosa. Ukuti mumanye nyingi isyakufwana nu Bunyafyale bwa Kyala, ketelela ividiyo iyakuti, Ngimba Ubunyafyale bwa Kyala Findu Fiki?

 Ku Ukraine kuli Abaketi ba Yehova abakukinda 129,000. Mwakufwana na Baketi ba Yehova pa kisu kyosa, abene bikukonga ikifwanikisyo ikya Yesu ikyakuleka ukwingilila mfya ndyali nu kulwa ubwite. (Yohani 18:36) Abaketi ba Yehova pa kisu kyosa bikukindilila ukufumusya “amasyu amanunu agha Bunyafyale.” Abene bikubabula abandu ukuti Ubunyafyale ubu bo ubu bwisakumasya indamyo isi abandu bikwaghana nasyo ukongelelapo ubwite. (Matai 24:14) Tukubasuma ukuti mutwaghe ukuti mumanye nyingi isyakufwana na masyu gha mu Baibolo aghakupa ulusubilo.