AMUYEGHE MASO
Abandu 6 Miliyoni Bafwile Nimbungo ya COVID-19—Ngimba Ibaibolo Likuyobapo Isyafiki?
Ukufwana ni lipoti lya kabughatila ka World Health Organization (WHO), ukufika pa May 23, 2022, abandu 6.27 miliyoni bafwile panongwa ya mbungo ya COVID-19. Mu lipoti ili lyasokile pa May 5, 2022, akabughatila ka WHO kayobile ukuti inambala ya bandu aba bafwile nywamu fiyo. Akabughatila aka kayobile ukuti nkyinja kya 2020 na 2021, “ikibelengelo kyosa kya bandu aba bafwile panongwa ya mbungo iyi pamo aba babinong’onelagha itolo ukuti bapalamasiwe ni mbungo ya COVID-19 . . . kyali pabupipi 14.9 miliyoni.” Ngimba Ibaibolo likuyobapo kilikyosa ikyakufwana ni nkhani isyakupangisya ikitima isi?
Ibaibolo lyayobile ngani ukuti kwisakuya imbungo imbela filalilali
Yesu ayobile ngani ukuti kwisakuya imbungo isyakwambukila pamo ukuti “imbungo imbela filalilali,” mmasiku aghakubumalikisyo agha.”—Luka 21:11, 2 Timoti 3:1.
Ubusololi bwa Yesu bukufwanisiwa amasiku agha. Ukuti mumanye nyingi, belenga inkhani iyakuti “Kasi Chimanyikwiro cha ‘Mazuŵa Ghaumaliro’ Panji Kuti ‘Nyengo zaumaliro’ Ntchivichi?”
Ibaibolo likutusubisya
“Atuweghe ulupi kwa Kyala umwenekibabilisi . . . uyu ikutusubisya mbutolwe bwitu bosa.”—2 Bakorinti 1:3, 4.
Bingi aba abaghaniwa babo bafwile bikusubisiwa na masyu gha mu Baibolo. Amumanye nyingi mu nkhani iyakuti “Ivyo Mungachita—Kasi Ni Vichi Ivyo Mungachita?” na “Wovwiri Uwemi ku Wanthu Awo Wali Na Chitima.”
Ibaibolo likuyoba muno indamyo iyi yisakumalikila
“Ubunyafyale bwako bwiseghe, ubwighane bwako bubombiweghe, pasi apa bo kumwanya.”—Matai 6:10.
Mwalululu “Ubunyafyale bwa Kyala” bwisakubombapo simo ukuti nayumo “umundu mbenekisu uyu isakuyoba ukuti: ‘Ndine mbine.’” (Marko 1:14, 15; Yesaya 33:24) Ketelela ividiyo iyakuti Ngimba Ubunyafyale bwa Kyala Findu Fiki? Ukuti mumanye nyingi isyakufwana ni boma lya kumwanya ili kangi na isi lisakubomba.
Tukubakasya ukuti amumanye nyingi isyakufwana na isi Ibaibolo likumanyisya ukuti umwe pampene na ba mumbumba yinu musayiwe nu bulongosi bwake ubu bwakutula kangi isi Ibaibolo lifingile syakuhobosya fiyo.