Abandu Bingi Bakaya Nabinabo Abakwangala Nabo—Ngimba Mubaghile Ukwifimbilisya Bulebule?
“Pabupipi hafu yabandu abakusi ku America bakaya nabakwangala nabo, kangi bingi mwa bandu aba bakilumyana.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.
“[Akabughatila ka World Health Organization] kafumwisye ukuti kabikile igulu lyapadela ukuti libatuleghe abandu mwanakalinga, libakasyeghe abandu ukuya nabamanyani, kangi ukusyagha injila inunu isyakumasyila indamyo iyi pakisu kyosa.”—World Health Organization, November 15, 2023.
Ibaibolo likutupa ubulongosi ubununu ubwakutula ubwa muno tubaghile ukubaghila abamanyani aba babaghile ukututula pankhani iyi.
Ifundo sya mu Baibolo isi sibaghile ukubatula
Mungabombagha ifindu ifi fibaghile ukubatolesya ukwangala nabininu. Fimo mwa findu ifi ko kuleka ukumalila fiyo akabalilo pamalo aghakwangalilapo pa intaneti. Mmalo mwake, amugheleghe ukuya nakabalilo akakwangala nabandu maso na maso. Linga mukubomba isi mukuya pakubagha abamanyani banaloli.
Ifundo ya mu Baibolo: “Ummanyani wanaloli yo mundu uyu ikunangisya ulughano bwila, uwamyinu yo apapiliwe ukuti akutuleghe uwe mbutolwe.”—Isya Mbupingamu 17:17.
Amuyeghe nakabalilo kakubatula abangi. Linga tukubatula abangi, ubumanyani bwitu nabene bukuya bwamaka kangi tukuya balusekelo.
Ifundo ya mu Baibolo: “Nukupa nukwambilila, kusayiwa ku kupa.”—Imbombo sya Batumiwa 20:35.
Keta pawebusayiti yitu ukuti musyaghe ifundo isingi isi sibaghile ukubatula ukukasya ubumanyani bwinu nabandu abangi.