Mu Baibolo muli ubulongosi ubununu fiyo ubu bubaghile ukubatula pa bumi bwinu. Linga mukubelenga, ukwinong’onelapo nu kukonga isi mukumanyila, ‘polelo sikuyagha bununu syosa isi mukubombagha.’ (Yoswa 1:8; Salimo 1:1-3) Kangi mukuya pakum’manya kanunu Kyala nu Mwanake Yesu, isi sikuya pakubatula ukuti musapokiwe.—Yohani 17:3.

Ngimba mubaghile ukukonga imbatiko yiliku pakubelenga Ibaibolo? Mubaghile ukusala mwibene imbatiko yakubelenga Ibaibolo, yibaghile ukubatula ukubelenga Ibaibolo mwakukonga muno amabuku ghalembeliwe pamo mubaghile ukubelenga ukufwana ni nkhani isi sikuyoba muno Kyala abombelagha ifindu na Baisraeli. Mubaghile ukubelenga kangi inkhani isi sibaghile ukubatula ukumanya muno ikipanga kya Bukristu kyalyandile kangi na muno ikipanga iki kyabukilagha pa nkyeni. Linga mukubelenga isiku lililyosa mubaghile ukubelenga ukufwana na machaputala agha ghanangisiwe pambatiko, mubaghile ukumalisya ukubelenga Ibaibolo kwa kyinja kimokyene.

Imbatiko iyi yibaghile ukubatula aba bandile itolo ukubelenga Ibaibolo, aba bikulonda ukubelenga Ibaibolo isiku lililyosa pamo aba bikulonda ukubelenga Ibaibolo lyosa kwa kyinja kimokyene. Panga dawunilodi imbatiko yakubelenga Ibaibolo, kangi mwandeko umwisyughu ukubelenga.