AMUYEGHE MASO
Ngimba Ubwite bwa Armagedoni Bwisakwandila ku Israeli?—Ngimba Ibaibolo Likuyoba Isyafiki?
Ibaibolo likulingania ukuti ubwite bwa Armagedoni butisakubombiwa nkighaba kimokyene, loli bwisakuya bwite bwa pakisu kyosa ubu bwisakubombiwa pakati pa maboma gha bandu na Kyala.
“Amasyu gha mbepo inyali . . . ghikusoka ukubuka kubanyafyale aba nkisu kyosa, kukubabungania ukubuka kubwite ubwa pisiku ilikulumba ilya Kyala Umwenemaka ghosa. . . . Silinkubabunganikisya pabuyo ubu nkihiburi bikuti Armagedoni.”—Ubusetuli 16:14, 16.
Ilisyu ilyakuti “Armagedoni” lifumile ku lisyu ilya nkihiburi ilyakuti Har Meghid·dohnʹ, ili likusanusya “Ikyamba kya Megido.” Megido kali kaya aka kaliko nkabalilo ka Banyaisraeli. Yonongwa yake abandu bamo bikusubila ukuti ubwite bwa Armagedoni bwisakubombiwa ku Israeli. Loli ikighaba kya Megido pamo amalo ghalighosa ku Middle East ghakaya ghakufwana ukuti “abanyafyale ba kisu kyosa” na basilikali babo babunganeko pampene.
Ibuku lya Ubusetuli lyalembiwe “nifimanyikilo.” (Ubusetuli 1:1) Armagedoni yikaya ngamu yamalo agha ghalipo lino, loli fyo findu ifi fikuya pakubombiwa pafikolo fyosa pakisu kyapasi ifi fikuya pakubungana pampene ukuti filimbane na Kyala.—Ubusetuli 19:11-16, 19-21.